今日又因為好多野做關系，好早就醒左
１０點醒左，沖涼後就一邊上網一邊食尋日個皇冠紅豆包
１１點換完衫出門口
一出去，媽咪由上而下再由下而上望左我幾眼，就話：『去邊呀？』
我：『補習囉！』
媽咪『補習著到咁靚』............(今日著左新衫，藍色的，我好少著依隻色既衫...haha)

之後去搵Shingo，傾左幾句
一去到，Shingo：「新look 呀！？」,..........(........無奈)

之後補習，補左三個鐘，終於教哂個學生做完暑假作業
補完出佐敦，本來想去塔羅中心，但Shingo未到，我就返左Poly食左個tea
(點解唔見小威？？大家估下.....答案好易估到的)
之後shingo黎到，一齊上左去
又同姐姐傾計，Shingo又心大心細咁揀牌....(嚴過佢揀仔xddd)
我都睇到第二到牌好鍾意，但我都係想買上次睇果副....
幾經辛苦Shingo下定決心買牌後，我都買同一副
點知.......得返一副......所以讓左比Shingo先.........T.T

之後出左MK傾計、行街......etc
之後歸家上網、沖涼..etc
好攰呀！！—要訓啦！！
聽日又要開ZFYP，仲要１０３０.....姐係我８３０要醒........想死......orz

 今日因為要踩兩場補習既關系
１１點半就醒左....雖然攤到１２點先落床
起身就沖涼，求其煮左個公仔面食~~
then 上下網~~之後家長話打遲半個鐘....=o=

咁２點開始補~~補到４點~~
之後搭bus轉MTR~~中途買到我最愛既紅豆皇冠包~~
順便打比小威~~~
佢地竟然去睇戲><
激氣....無我份......

之後５點去補習社~~
買左個M記食....(今日食左好多野=o=)
今日都係無咩call......
最激氣係有個學生....n同h, i同l都唔識分
一句野一個個字串比我聽可以無分隔.....
(姐係 fillinblank/ thisismyhouse 咁樣)

補完就回家，返黎煮左個湯飯食
跟住做下運動、上下網、msn.......
依家訓啦~~~聽日又要早起......(一日比一日早=o=)

 今朝９點幾先訓~
但唔知點訓得唔好....訓下醒下....
又發左好多夢........我仲未知有咩含意.....

到左３點幾頂唔順醒左
其實唔算好想醒，但又訓得唔好咁....怪怪的....

訓醒上左陣網，就出左街剪頭
都剪得幾好
簡單但幾襯我~~~
其實有諗過染多次~~但Donson話今年興自然色~~而且我未知幾時實習~~
所以都係hold住先~~

剪完去左書局睇書~~
跟住就返左屋企食野
睇下漫畫、上下網、msn下....又一日

今日三點幾比細佬同媽咪傾計+洛天打黎問我落唔落bar 醒左次~~之後訓返~~
四點幾~~Shingo上黎~~醒左
之後同Shingo傾下計、占下卜~~傾下傾下今晚話可能落bar~~
打比小威.....訓緊(=o=!!又訓)...無人聽 

之後上網睇漫畫、等Shingo同小威既回覆
到左９點幾小威終於醒左，之後決定落bar~~
沖完涼１０點出門口~~~出去先發覺唔記得帶銀包...又返去拎返
但出去CWB都係我最早到~~
去左another睇衫~~~今季既衫一般姐~~~
到左１１點幾終於人齊，去左食dinnar(你話宵夜都得既..........)

食完上左G-point~~~爆場.......(-_-!!)
所以轉左去Playground
我地幾個一齊傾下計、飲下
去到中途小威同Tommy左傾計、阿朗醉左、Shingo又要走......
唉.......都唔知點咁~~~
好彩最後佢地都無事
玩到５點幾，跟住去M記食早餐~~
食完回家lu*~~~

P.S.
今日睇到自己張相
唔知點解果一刻覺得自己好假
究竟......邊個先係真既我？？？ 

 今日本來要去補習的
但我１０３０訓醒，開電視睇~~~８號風球~~唔使返~~
雖然之後為保險１２３０都醒多次，但醒左，諗左諗，電視都無開就訓返

訓醒都已經係４點幾
食左D生果~上左陣網~
跟住打左比小威~~通左但無人應~~第二次打就唔通
唔知咩事呢？？

今日網終將編網上小說睇完
好正~~講吸血鬼的~~
夜D食完dinnar又將尋日本小說睇埋~~~

之後都係上下網、hea、同msn
今日好悶呀！！！

P.S.小說金句
『我只是，不捨得不愛下去而已。』
『就像喜歡一個人一樣，你要永遠記得當初喜歡他的時候，他給你的是一份怎樣的感覺，那麼愛情才能歷久當新。』
『或者你覺得你不是我的誰，但在我心裡，你卻是我最愛的人！』
『我們都知道求不得是痛的，卻不知道原來無法付出更痛。』