訓到兩點起身，因為今日要返學校開FYP
又因為減肥關系，所以無食野，食左個蘋果咋

之後個家長又打黎
頂.....尋晚打左幾次比佢又唔聽，次次即日打黎，真係隨傳隨到咩
佢話叫我開完會去補習wor

今日開會又係，５點開到６點半
但有半個鐘之上係拎黎傾計既....=.=!
今次既野食係澳門既凰梨酥
(唔知點解次次有唔同地方手信食....=o=
今次澳門，上兩次台灣........)

開完會去左尖咀買D敷料，今日係clinical 配左包旅行用藥，以避不時之需
入面仲有止嘔藥，可以比某人當暈浪藥食~~~
之後出左MK
同Donald 食飯~~今日食左三文魚焗飯~~
(P.S.補習？？我最後無去到~~唔想返嘛><)

去左買枝電筒(又係去camp 用的)，四圍行下，食左燒八爪魚丸
仲撞到昌昌、阿熙、阿銘、阿銘bf~~又撞到咁多人，疑Donald串我行街都撞到咁多人....
之後去左K2買衫，今季D衫一般姐~~我買左件恤衫~~
then*搭車返黎,,,

返黎上網睇漫畫，睇完《妙手小廚師啦》
今日仲睇埋《Hunter X Hunter》~~所以搞到咁夜
做左陣sit up就沖涼回post打 blog 訓啦~~~

P.S.
今日有D諗過做返三年前既自己......

 以為今日唔洗補習啦，所以尋日好夜訓(今朝５點幾)
點知今日２點幾個學生家長打黎，問我得唔得閒，咁我話ok，佢就話黎補習............
跟住爭擇左半個鐘....先不情不願咁落床起身沖涼
(其實一訓醒唔知點解又諗起一個人.....唉....)

尋晚果打邊爐好飽呀，所以今日無食早午餐...
訓醒都係食左個蘋果、一包低糖維他奶、加一句餅乾~~~

４:４０分去到，補左兩個鐘，６:40補完~~~
講左一個鐘書、一個鐘教佢做作業+對功課，兩個鐘用完

補完去左MK，行左一行
去左買串燒尤魚食~~yummy~~
Then去左書局搵書睇書~~
(話時話，就黎書展啦，有無人陪我去呀？？)

九點返到紅磡，陪屋企人去左酒樓食飯
以前果年糕炒蟹好好食架，依家個味唔同左....無左果隻香濃剌激感....有D失望...

返到黎又上網睇漫畫，做返運動~~(要努力keep fit)
做完沖涼上網打blog又訓la~~~

 今日又返補習社啦~~又返５~９~
今日又訓得唔係幾好又訓下醒下，又比N個電話打黎....(唔知點解依排特別多電話=.=!!)
最後１點半醒左，但２點先落床....

今日既午餐又係胡椒湯麵~~~
尋晚臨訓依經決定今日中午煮依種麵，本來想加D料架，但臨左好耐都唔知加咩好=.=
因為大濃味又唔match咁濃既胡椒味，淡味既又比D胡椒味蓋過左....
諗左好耐都唔知加咩好.....可以最後咩都無加...
(下次再研究過，暫時會試下D焗雞胸..)

返工啦~~都唔知點解過左一分鐘姐，都打黎催我，問我係邊
(P.S.當然我係樓下)
(P.S. X2   放工仲要同我講下次早D，唔好遲到....但....放假都無野做，之前返學大把call又無野講....唔通佢悶到要人陪=o=??)
返工啦~~又係無野做
今日睇完本小說啦~~~訓左十幾分鐘咁.....
又hea左一日.....

放工今日要陪屋企人同親戚食飯
但因為d親戚去左Disney.....所以要等....但等到１０幾先去食
今晚食打邊爐，超正~~~~~食到好飽~~

返黎都無咩做，上下網、睇網上漫畫咁
依排睇返妙手小廚師~~~
搞到我想再研究返烹任~~~

P.S.
依排好鍾意聽網上歌手既《代替》~~
大家去聽下~

 上到search原來已經好多人到左
坐埋去同佢地猜同佢地玩
送左之前買隻公仔比小威~

今晚飲左ok多
最後６點幾要走所以溝到好濃
走果時都wing wing 地，好耐無試過飲到咁wing la~~超high
之後同渣古、B神、冰藍邊行邊傾
又去左M記食早餐~~~
傾左好多野~~超gag超開心~~XD
(吸水珠珠，青BB...xdd)

之後冰藍走先，我地繼續傾
我地出左M記仲傾緊，最後直情坐左係CWB地鐵站門口傾
(其實都要傾點解唔係M記傾，有冷氣 wor~~??)
傾到９點幾渣古問不如上佢到，反正無野做所以上左去

上到去都仲傾緊，都唔知點解今日咁好傾，可能飲左酒關系，又或者.....
今日都有同渣古狗(雄仔？)玩，佢今日好乖wor，直情四腳朝天咁比我摸
今日仲見到樣搞笑野，見渣古狗拎個''cool 唇''係到 chok，好係搞野咁，我地話佢個''cool 唇''都唔放過，拎黎自慰XDDD
到左１點幾渣古仔幫我地買lunch~~(唔該哂渣古仔~~^^)
之後傾下玩下到４點幾，我同B神都走左啦(打攪哂渣古同渣古仔~~^^)

之後同B神去搭車
返到屋企都差唔多５點半，沖完涼回完POST就訓左陣
訓左兩個鐘又比電話嘈醒
訓醒就起身打Blog~~

P.S.今日好多謝渣古同B神陪我傾計ar~~thx all of u very much~~

 今日成日都唔係訓得咁好，訓下醒下，好似無訓過咁
仲要１２點幾比媽咪嘈醒問野
最後訓到５點左右比個電話嘈醒

本來今晚屋企人話出街食的
所以係到等，點知最後佢地自己食左
所以我食自己....煮左個肉醬意粉食~~~

之後換衫落bar~~(係呀！又落呀....=.=!!)
１１點去到CWB，因為人未到齊所以周圍行左陣
再之後都上去search 啦