落到search~~今晚係沙龍之夜，見到好多人都著沙灘裝~~XD
但一落到去就走鬼~~
我就同小威Shingo佢地落樓下機鋪打機，打完又上左M記食野，加埋都差唔多用左兩個鐘
之後上返去飲過~~(其實開始飲)
同小威佢地差~~今晚玩得好開心呀~~都好盡慶~~略嫌係飲得唔夠醉~~XDD

落左search又去左M記食早餐，今次好多人啦
今日唔知咩事囉~~個個好似樂樂上身咁，個個不停叫野，又大聲又密又嘈.......第二次感受到噪音既恐怖........成個M記既人都望住我地囉=.=
之後搭Taxi去北角唱Morning K~~係K房又係咁嘈........【耳痛】
唱到９點半，我同小威渣古佢地就過左灣仔玩跑馬機~~玩左成三個幾鐘.......=.=
到左下午三點幾先玩完去食野.......但唔係下午茶..........我地四個人叫左個四人餐
半隻鹽焗雞、蝦醬通菜、沙嗲金菇肥牛煲、西檸雞塊~~有飯有湯~~~(晚餐咁囉=.=)
我第一次食沙嗲金菇肥牛煲有菠蘿(小威話正常的=.=)、西檸雞塊好酸(都唔識整既！我自己整仲好食過佢=.=!!)

經住本來話散的，我地經過Neway
小威提議不如去唱K......結果........跟住.........就.........er........又唱多次K ( > . < )
因為今朝都唔算唱得好多，都無咩唱到，而且今次我地唱左好多平時唔唱既歌~~~

唱到７點左右，今次真係散啦
我就去CWB 搭 巴士回家，返到屋企仲好精神，而且又約左小威打機
所以沖完涼都打住機先，之後小威online就一齊解任，打打左幾個鐘。
跟住小威食野，我都煮左個公仔面食~~之後又再打過~~但小威SMS話攰~~唔打lu~~所以我都打多陣就訓啦
(我自己都有D攰XD)

 今日約左小威、Shingo、阿朗佢地出MK傾計+占卜+教小威占卜
所以兩點幾就醒左
醒左打比小威同Shingo,
小威照舊夏眠中..........=o=(仲話叫我１２點叫醒佢wor.....唉...........)
Shingo就醒左，但佢就同屋企人出去食野先
到左四點幾，由Shingo叫醒小威(Shingo好勁呀，叫得醒佢地~~~偶像呀~~~)
之後出MK，出到去都差唔多６點，陪Shingo買左件衫就上左 Wood Cafe傾計+占卜+教小威占卜
Shingo好鍾意小威副牏~~haha~~小威都有幫我地占~~都ok ga~~始終新手，係有D未熟架啦~~
傾下傾下都１１點幾，渣古叫我地落search~~所以我地就完班人馬落左search~~

 咁之前講到出街補習.......其實返到補習社就爆睡
訓左兩個鐘，之後睇下書，hea到放工........

返屋企後又打機，之後訓lu~~~~~~~~
咁又一日=o=

 今日訓左好耐，訓到６點.......(１４個鐘囉........=o=)
訓醒已經好多人打黎，之後小威打黎，一邊傾一邊打(頂......小威玩得遲過我但高Lv過我囉.......氣爆！！！)
傾左陣之後我上網、打機、食飯咁
then 沖完涼就過左去搵小威啦~~~

去到上左小威屋企先
傾左陣計，順便開始教小威Tarot~~~
玩到兩點就落左網bar打機~~打到九點左右
去左椰林閣食野~~~唔知點解次次同小威佢地食野我就覺得自己大食左........可能係次次佢地都食唔哂，我就食哂成個餐掛........

跟住上左小威度，再傾下Tarot既野
之後小威話見攰.....所以我就走先
返到黎上網、打blog，一陣又出去補習(訓)啦~~XD

 今日想去書展，所以１２點幾就起左身(訓得６個鐘炸><)
之後打比小威....................無人聽，無法之下打去佢屋企....................訓左=口=
跟住打比Shingo，佢話出黎既.......
我就起身沖涼，煮左個面食，但其實無咩胃口.....但唔食又唔得.......唔食又無力去書展
食完等Shingo電話......點知等到３點佢先話唔去.........
之後自己一個去........

去到都４點，去到先知原來收５點(我以為６點的..........-.-!)
所以我只夠時期行一樓，本來想去埋二樓的......
係一樓好匆忙咁行左１個半鐘~~~因為一陣約左Shingo出MK的關系，所以今年買少左好少書，好多書留返出去先買，所以我只買左D難搵/特平/特別既書，仲幫小威買左本Tarot書(佢話想學wor~~果本係我以前用開的，都ok好的)
比大家睇下我既戰利品啦~~~
 

幫小威就買左依本書
   
Shingo都話靚~~~(當然啦~~水晶推薦架嘛~~~XDD)

之後出左MK，同Shingo去行下，我就買左件衫
Then Join埋家榮、阿米
上左Cafe食野同占卜~~~( shingo好中囉~~)

去完Cafe就去左潮特行左陣，之後阿米話見攰，Shingo就同人一齊走
我就去左新之城機鋪玩左陣跑馬機
(輪左.........一定係我拎住袋書既關系......一字係！！)

玩完歸家，上網
同Shingo占卜~~Shingo都話我好中，好多佢無講既野我都占到~~haha~~