今日一起身，隻手超痛，先發覺左尋日打壁球個時整親左隻手，尋晚重壓住我隻手訓添~唉~今日冇出到街行，只係落左去買D解暑既野食，好味呀！之後又訓，訓後之後又痛，啞曬~

今日一早六點幾就起左身啦！尋晚成點幾兩點先訓，不過我都起到身，之後就打俾水泡叫佢起身啦！到左七點就打俾華少叫佢起身啦！到左七點三打俾包包叫佢起身啦！近排我都叫左唔少人起身，之後七點半係新都城M記等啦！點知水泡第一個到，華少第二個到，咁我搭八先黎，因為去左mtr到增值，咁包包未黎咁我地食左野先啦！途中有D gap野~咁包包同鐵雞黎到就一齊食野啦！咁我地三個走先~之後我地去到游泳池啦！之後見到呀kwan，sungwing同呀yo啦！途中發生左D gap啦！之後呀yo佢地行左過黎，有一個不明物體行左過黎，我驚到走左呀！之後包包佢地同左佢地傾左一陣就走啦！之後我地就去搭地鐵去灣仔，行左好耐先去到比賽場地"港灣道運動場"，之後我地入左去啦！之後華少又話悶就同我去左打壁球，途中又發生D gap野啦！唔講啦！玩完之後我地就上返去睇鐵雞比賽啦！好好睇呀！最後28:14 win左，happy~之後我地又去玩乒乓波啦！玩輸左就跨欄，華少~跨啦！次次都係佢輸，次次都跨，之後我地就去mk到行，咁chicken又出黎啦！之後食完野行左一陣又返新都城啦！之後我地又飲珍珠奶茶先返去啦！諗住返去之前去左正影音到睇碟，點知個防盜響左，之後我地就走啦！華少好唔鋸就去多一次，咁我都入埋去啦！最後我地買左一隻"獨家試愛"既碟就出黎啦！出黎之前重要串多兩句，咁之後我地就返屋企啦！

今日又考唔知咩考試啦！考完之後咁我同chicken同華少去左寶康公園玩韆鞦，之後例牌去食野啦！咁我地就去左食"和民"啦！D野有少少唔好食既感覺~食完之後我地係東港城行左一陣，諗住食雪糕，但係點知冇我鐘意食既口味~啞曬~之後我地又去左美國冒險樂園到玩啦！係個時包包打俾我問我係邊，咁我講我地係東港城到，之後佢就話佢同鐵雞同水泡依家黎搵我地啦！之後我地會合左就去左頌明苑玩韆鞦，水泡好野~係個時先知道佢地發生左D咩事~之後我地覺得悶就諗住去華少屋企玩，點知佢屋企有人，我地上唔到去啦！咁我地就係新都城到行左一陣，又去拍鱷魚啦！之後我地就上去到美食廣場到飲珍珠奶茶啦！飲到七點幾先返屋企~