我今日唔知做咩事，好似有D咩事我係唔記得的。返到學校我先知道原本我只係唔記得一個人~佢就係matthew啦~係lunch既時候小楓帶我去搵佢，點知我真係唔記得左佢，放學個時包包叫我陪佢溫生物，我就留左係到啦~之後又見到matthew，我先開始記得佢就邊個，到左最後佢只係同我講左一句"你唔好玩啦！"我都唔知有咩好講啦~晚上我打左俾我表哥，由於我表哥係醫生，所以我一五一十講左俾我表哥聽，佢同我講由於我係前一日食左三粒藥，藥力太高，有間歇性失憶，所以我先唔記得左matthew係邊個，不過算啦~途中呀yo同我講唔記得好係一件好事，下......我都唔知點講好囉！

今日係包包生日，生日快樂呀~我今日一早俾小楓的電話噪醒左我，佢哭住同我講話唔去得，唉~我同佢講左差唔多十五分鐘的人生道理呀~過左十分鐘左右，包包打左俾我，問我點~我就一五一十同佢講囉~之後我就打左俾matthew，我就咁樣噪醒左佢啦，sorry呀~其實係前一日我同小楓打左俾佢，佢就叫我係我出門口既前一個鐘頭打俾佢，我就同佢講不如早兩個鐘打俾佢，佢就話ok啦！佢九點幾就要同佢部電腦發生下關係~我O曬......我一打電話俾佢，佢同我講"可唔可以俾幾字我同張床發生下關係呀？"我聽左之後又再一次O曬，最後都係冇俾幾個字佢，之後我就叫佢打俾包包，同佢傾左十分鐘左右我地三個就收左線啦！因為包包要同水泡去食早餐，我玩左一陣電腦就換衫啦！點知包包同我講佢同水泡想睇下我隻倉鼠，我就帶左仔仔落去俾佢地睇，睇完之後我就上返去拿左個袋就走啦~之後就同包包，水泡同鐵雞去頌明苑找matthew，我地十一點四十五分左右去到佢樓下，我就打左俾佢，佢又話佢部同電腦發生關係中......，唉~佢之前又應承左我同我去食lunch，點知佢十二點十五分先到，我個時已經好肚餓啦！因為已經係十二點幾啦！再唔去就遲到啦~我地就去左搭地鐵啦！我地去送水泡搭地鐵返屋企之後我地都搭地鐵去觀塘啦！之後我再狂罵佢，佢冇野講~我同包包講你問下matthew有冇帶啤牌，點知佢冇帶，包包又狂罵佢啦！係轉車之後，我搶左matthew本keroro黎睇，睇到落車都未睇完。行到去海皇粥店，matthew同我地講佢要去羅錢，咁我地就去左百佳啦！去到百佳，我就打左俾matthew同佢講我地係百佳，買買下野，佢無啦啦係我後面出現，嚇死我囉~之後包包見到佢問佢幾時黎啦！之後我地去俾錢，我就叫鐵雞幫我去俾錢，我出去先，matthew跟我出去，我買左兩罐酒啦同一盒餅乾，包包買左兩桶薯片啦~包包就叫我地去左neway羅房先，鐵雞話睇下佢個fd黎左未，去到neway樓下，佢買左件仔餅黎食，點知見到鐵雞個fd，但係最後我同matthew上左去neway羅房先，去羅房個時，個工作人員狂問我野，我唯有在點頭囉！之後又要填form，唉~之後包包，鐵雞同佢個fd上到黎，因為book房個時同佢講左只得四個人，點知個時有五個人，個工作人員問我係唔係五個人啦~之後羅左房，間房號碼係37，同包包學號一樣呀！上到去，我就同matthew去樓下海皇粥店食粥，原本佢之前果件格仔餅未食，佢就係門口食左先入去，佢叫左一碗皮蛋瘦肉粥食，我就叫左一碗艇仔粥加一杯豆漿飲，途中我同佢左唔少關於xx的野，我地食完之後佢去俾錢，我就收到包包個電話，同我講被人發現左，叫我地快D上去呀~佢同我講被人知道左咪算囉！之後我地兩個上返去，鐵雞個fd已經唱左唔少歌啦！包包佢要我唱歌，我同佢講如果matthew唱我先唱，最後我同佢都係唱左，突然包包話想飲伏特加，佢地三個男仔就去左買啦！包包係這段狂唱歌，之後佢地返左黎啦~又冇人唱喎！我就叫左matthew同我唱啦！我同佢都唱左唔少歌呀~之後包包突然哭左出黎，我就叫佢班男仔出去啦！之後佢又唱左唔少歌啦！突然D工作人員入左黎，點知枝伏得加個桶唔小心跌左係地下到，被人發現左，過左一陣，又有第二個工作人員入左黎，佢同我地講佢懷疑我地飲酒，我地就話冇，點知俾佢發現左兩桶薯片同盒餅乾，就俾佢收左啦！佢話我地去之前會俾返我地~到到四點個時，我同包包去左延長時間到六點，佢問我地講食唔食自助餐，可以張個時間去到八點，咁我地食啦！到左五點幾，我地玩game，我過左一陣就出左打俾我細佬，就出左去，點知matthew都出左黎，鐵雞個fd都出左黎，同我地講唔好阻住佢地啦！由於二樓有PSP玩，三樓就有得食自助餐，四樓咩都冇，我地出左一陣就返左入去啦！到到六點，我同matthew同鐵雞個fd去羅野食啦！我羅左兩件cake同三個貝殼啦！matthew就羅左一碟飯，鐵雞個fd冇羅野就入返去啦！由於包包同鐵雞佢地輸左，我地三個又出去羅野食俾佢地啦！點知包包個father打俾佢叫佢返屋企，包包又唉啦~之後我地走啦！但係我地唔記得羅返個兩桶薯片同個盒餅，唉~我返到黎先記得，最後我地走啦！包包同鐵雞搭小巴，我同matthew同鐵雞個fd去搭地鐵，點知佢個fd行下行下唔見左佢，我同matthew都冇理佢就去左啦！今日都玩得好開心呀~