今日係母親節，本來係要去我婆婆到，點知佢又唔得閒，咁我地就去左探我公公啦~所以我一早九點幾就起左身啦~去到果到都十一點幾啦~到左兩點左右我同呀媽就走啦~之後就去左mk，本來只係諗住行下，點知去買野，我呀媽去到買左兩套裙俾我做生日禮物，一套係連身，一套係唔連身嫁！之後又買左兩條頸鍊，都幾靚呀~足足行左成四個鐘，成七點幾先返，之後又要返去屋企放低D野~又再出去食餐飯慶祝母親節，哈哈~都洗左我唔少錢呀，佢都好識食呀，俾我細佬重要叻呀！(啦~唔好嬲呀~)之後我就九點幾返左黎啦~

我今日一早就要去中心開會，但係因為時間關係我去唔到接小楓，行到去新都城果條天橋到就見到小楓，咁樣我地就一齊去左中心啦~去到中心見到何志明就扮唔識佢，之後中心有個人叫我地入去，咁何志明重係出面啦~之後過左幾分鐘佢又入黎啦~傾左一陣iman黎左要我地上去先，咁我地就上去啦，上到自修室到開會，哈哈~新裝修係好D嫁~咁我地就開會先啦，過左一陣，就有唔少fd黎到開會，之後開完會，最後決定左我同小楓負責獎品同兩樣活動，每組有$120，夠啦~我地又唔係買好多。開完會我地就走啦~我同小楓去左買野先，之後就去左美食廣場食粥~咁我就打俾我個fd同佢講我放左啦，叫佢出黎，佢出到黎我地D粥都食洗啦！咁我地同小楓都byebye啦~(因為小楓要去教會呀！)之後我同我個fd去左睇戲，點知全部戲都開洗啦~咁我地得下一場囉~之後我地就上左去食蛋糕，我冇食去，佢叫左一個意大利蛋糕，個樣有少少...之後好悶就去左美國冒險樂園玩，玩左$100，都幾好玩呀，之後玩完差D唔記得左時間，咁我地就去左百佳買野食啦~都買左唔少嫁！=.="到左2:08pm，張飛寫住2:15pm，但係我地都入左去囉~一入去我就羅左佢部電話玩啦~之後開場啦~我地前面個七個係到食M記，到到完場之前我又羅左佢部電話黎玩啦~不過原來完場之前先好睇呀~不過我都有睇到，之後就走啦~佢講好悶，出去行，咁我地就出左去啦~本來我去諗住去藍田，但係我話冇咩好行就去左apm到行，我去左無印到買左兩枝筆，咁佢就去左小飛俠睇野啦，行左唔係一陣就諗住去買朱古力熔漿蛋糕，之後我地就走啦~今日都幾開心啦~

今日我又寫matthew啦！不過你今日只係佔左好少字姐，唔係嬲呀~講返今日啦~我一返到學校，都冇咩事發生過，但係今日冇中四既報紙，所以我同小楓就唔等啦~之後呢就睇到mtt，我問佢羅本數學書，之後佢又唔知今日佢地班RA要畢業，咁我同小楓就拉左佢出去啦~到左小息就去左換PE衫，第二個小息先去食野，其實係第二個小息個時冇事，到左lunch，我同華dee同chicken去左買紅豆冰啦~上到去華dee係302A噴包包D唔知咩啦~令到miss氣管閉塞啦！好彩miss都冇咩事~到左上電腦堂，我就on左msn，之後見到電車sir on左，我就add佢啦~之後呀yo同包包都想知道電車sir個msn，但係呀sir叫我唔好俾佢地，咁我就冇俾到啦~係個時我覺得好似已經發生左D事啦~到左放學，雖然我要補習，但係我補完之後就去左圖書館，個時呀kwan都係到，咁圖書館只得我，小楓，呀kwan同sungwing係到，之後我地講左唔少野，可以講係關於呀yo的關係啦~呀kwan今日唔知點解好似好唔開心咁，咁我地又有野做，咁我地就一邊做，一邊傾計啦！但係都只係講呀kwan D野~其實我真係咩都唔知~我諗都係得mtt先知得最多野，但係今日我終於知道發生左咩事~但係知左又可以點呀~我可以幫佢到咩？不過我身為佢既家姐，知道左都好過唔知道，咩都幫唔到佢。我依家知道佢身為圖書館副主席點解唔上黎圖書館！知道佢要避一個咩人！知道佢憎邊個人！知道佢後悔D咩野！知道佢係一個咩人，知道左好多好多既野，佢平時唔同我講既野今日都一次過講曬~係個時我只可以做一個旁聽旁觀者，唔係一個可以幫到細佬解決問題既一個好家姐~佢個哥都係我呀哥，但係佢個哥都好少講佢既野~但係我今日可以一次過知道佢發生左D咩事，到到五點四十五分左右，小楓要去買襪膠，咁我同呀kwan就陪佢買啦~本來我到左我樓上就係返屋企，點知就送左小楓去地鐵站之後就走啦~之後只得我同呀kwan，咁我地就返屋企啦~本來係行到去我樓下就走，點知佢就同我講左一句"做家姐既唔係要送細佬返屋企咩？"咁我就憑佢講既野，我就陪到佢去到佢樓下啦~行緊個時佢都講左唔少關於佢既野，我又做一個旁聽者啦~