同某人維持左差唔多一個星期既唔知咩戰之後，今日終於告一段落啦！今日一早以為佢會遲到，點知真係遲左大到，跟住星島日報又未黎喎~咁樣佢就落左黎執報紙啦！佢落左黎之後我同佢冇咩兩句，只係講左一句"唉..."，之後我就叫佢上六樓同我去送報紙，點知佢當我講廢話，算啦！過左一陣佢又跟埋我上去，個時只得我，佢同小楓，我問佢係唔係係到發我悔氣，之後佢同我講可唔可以俾佢靜下，咁樣我就冇野講啦！小楓到左五樓之後佢就同我講佢係兩日內飲左一打jolly shandy，之後我就同佢講左我尋晚飲左半打伏特加之後佢就冇野講啦！同佢講多兩句之後都冇再同佢講野啦！之後到左英文堂，佢無啦啦俾人傳左落去(可能係因為遲到俾老葉傳落去啦！)，佢傳完之後就傳到我地個班啦！個時好無奈...俾包包同水泡佢地成班講左成堂，啞曬。到左小息同包包水泡去食早餐，我預左我會係下面見到佢啦！之後佢落左黎之後我就唔理佢啦！我覺得佢個時真係好嬲所以我都冇出聲啦！不過算啦！我尋晚搵佢發洩，又搵佢發脾氣，今日就俾佢發返啦！何況佢真係係忍冇可忍個時先發脾氣，冇咩所謂啦！到左放學之後係圖書館到玩電腦，到到包包佢地補完之後先過去，過左去之後就玩飛行棋，得呀yo一個溫書，之後呀yo發脾氣，咁我地去左佢張台之後就自己做自己野啦！之後又冇咩講喎~之後小怡問我地食唔食隻野去，之後我同包包落左去叮返熱去，之後包包係下面做左D gap野﹐唔講啦！之後上返去302A到傾計啦！之後到到六點幾之後就走啦！之後呀kwan自己走，呀yo同小怡一齊走，咁我同包包一齊走啦！咁我同包包行左一陣新都城就返啦！

今日冇出過街，成日係屋企訓覺，之後睇左早上既數碼暴龍大電影 - 暴走特急，冇野好講﹐之後就訓啦！訓到五點鐘先起身，去睇變形火車俠，之後睇日式麵包王，之後就出左南豐廣場食晚飯啦！食完之後就去食雪糕啦！買左唔少野食啦！

今日係學校都算係冇咩事發生啦！到左放學都係要補習，好灰呀！補完之後就係lib等小怡，等到六時先小怡先開完會，之後我同呀yo，花花，應智晟同小怡去左靈實醫院到探呂其霖，探完之後我地去左五十嵐到食拉麵同壽司啦！食完之後小怡送到我地係ok到就走啦！