今日都係例牌叫醒人起身，之後就返學校啦~以為中四D英文報紙已經送左上去，點知原來係未黎，咁我地就係到等英文報紙啦！今日佢終於冇買錯早餐啦！我既腿蛋治返黎啦！Happy>3<不過佢都係係打鐘既時候先返到黎，有D無奈，都唔知聽日叫唔叫你幫我買早餐好啦=.="~今日以為水泡冇返啦！原來佢係因為遲左起身所以遲到，佢係第一堂就返左黎啦！到左小息落左lib，見到鄭嘉明羅住一大疊英文圖書，O曬~之後上生物堂，呀sir係到扮巴士呀叔去鬧mimi，超好笑~又扮李克勤唱"高妹"，重向住江傑雄同mimi唱，mimi成日都係呀sir既目標，笑死呀！之後到左英文堂係到調位啦！到左lunch我同水泡，華dee同chicken係到睇家教會D相，好鬼好笑嫁！到左生教堂係到講升中四D野，上到課室又係到test，無聊~到到放學同左水泡去買燒八爪魚圓，之後就去左剪頭髮，突然睇到大嘴鳥，超O嘴~之後chicken同華dee兩個去食野啦！剪完之後就去左OK買新地，點知見到小楓，咁我同小楓就送水泡返屋企啦！之後同返小楓去返新都城，跟住就見到momo豬啦！咁我一定走嫁！咁我就返左屋企啦！到左七點左右，去左我細佬屋企整dinner，之後就去左樓下玩左一陣韆鞦就返屋企啦！

今日一早例牌啦！唔講啦！之後返到學校，等到左打鐘，我送完報紙去完洗手入黎個時睇唔到佢，好驚佢遲到~之後冇啦啦見到佢先放心左D，因為係我叫佢買早餐俾我食，如果係因為我份早餐所以令到佢遲到就唔好啦！今日佢都係買左唔知咩黎既腸仔包，又買錯啦！你幾時先買岩嫁？T.T還返個腿蛋治俾我呀！到左小息落去食野，做左一D野，我冇野講啦！到左音樂堂林卓芝冇返，又要面對個呀sir啦！冇野講呀！之後到左放學，又要補習啦！上堂係到玩，哈哈~好快就過左去啦！之後小楓等我放學，小楓要去學樂理啦！咁我返屋企啦！之後又再探熱，重有少少燒！(37.5度算唔算少少燒呀？=.=")，之後就訓左啦！訓完起身就打日記啦！

今日一早就起左身，諗住七點打電話俾人叫佢起身，最後都係七點四先打俾佢，俾佢訓多一陣，點知佢十分鐘前起左身啦~之後就等包包一齊返學啦！之後等到打鐘mtt返黎，本來叫佢買一個腿蛋治俾我，點知佢又話想食，我就食左佢個唔知咩黎既腸仔包啦！哈哈~上社會堂到食個包，我都係想食腿蛋治呀！T.T俾返個腿蛋治我呀！之後到左小息唔舒服冇落到去食野，係到鋤大D，到左中文堂要說話訓練，O曬~今日講既話題係"巴士呀叔罵人事件令到全城意見紛紛，你有咩意見？"講到我笑呀！最後50分只得35分喳~諗住今次係考試黎啦！點知隻企鵝話今次只係練習，聽日開始先係真嫁考試！冇野講啦！到左視覺藝術堂個時做左一件蠢事，本來我同小楓已經做完堂課啦！之後包包同呀yo未做完，咁佢地做完之後呀yo係最後一個做啦！係唔係應該由佢還野出去先，之後我睇唔過眼自己去還囉~唉...不過算啦！都過左去啦！到左英文堂檸檬魚冇返，第一堂由一個呀sir代堂，之後我，包包，水泡同chicken玩鋤大D啦！俾呀sir見到就收左啦！之後到左第二堂由一個miss黎代堂啦！個堂冇咩做，只係係到做視藝個份功課~突然包包問我今日上唔上mtt屋企鋤大D，之後我話是但啦~咁佢地係課外活動課個時問左佢話ok之後就去左佢屋企啦！去佢屋企之前去左食野啦！之後食左一半之後包包就要去搵鐵雞啦~咁食完之後得我，包包，華dee，鐵雞上佢屋企啦！返到佢屋企，佢有佢打機，我地有我地玩鋤大D啦~之後包包話肚餓，去左佢個廚房到啦！之後件事唔講啦！玩到差唔多七點鐘就走啦！之後我地去左M記到食野，咁我只係飲左士多啤梨奶昔啦！其實我唔應該飲嫁！XD"之後返到屋企冇咩事嫁！只係覺得好眼訓之後就訓左啦！訓左九點半左右就起左身啦！起身個時發生左一件事啦！唔講啦！之後就on左msn啦！玩左一陣覺得好想嘔呀~=.="，到依家都係好唔舒服呀~灰呀~