今日都唔知做咩，一片空白...唔想諗野，驚諗左一D唔想諗嫁野~今日放左學之後要補習，補完之後就去左電腦室，之後打左俾mtt傾計(內容我都唔想再講啦！)，之後就走啦~同左包包，水泡同呀kwan去食壽司，好好食呀~之後我叫呀kwan陪我去買野，同佢傾左唔少野，之後我送呀kwan返屋企個時見到mtt，個時重講緊佢，我地見佢好急所以都唔企係到同佢傾計啦！真係日頭唔好講人，夜晚唔好講鬼呀~

今日係我既生日，哈哈~終於等到啦~一早返到去學校去買雞翼，之後小食亭D人知道左我生日之後特登俾大隻D我，哈哈~到左小息就陪左呀yo俾生日禮物俾我呀哥，之後就落左去食野啦~一上到去係我檯面就見到一本數學書~我叫左mtt第二個小息先俾我呀嗎，不過個時算啦~到左物理堂覺得好悶，好彩有本數學書俾我畫，起碼冇咁悶啦~到左第二個小息係到玩鋤D，今日上音樂堂俾林卓芝罵，超想打佢喎~根本唔關我地事，佢都痴線嫁！到左lunch，估到估唔到A班咁早放，之後我就張本書俾返mtt啦~之後就出去食飯慶祝我生日啦~因為我同包包，chicken，華dee要等李穎瑜所以我地出唔到去，但係呀yo同水泡同mtt係風紀所以可以早D出去，咁我地就叫佢地訂左檯先啦~之後我地去到就叫野食啦~走個時成班係到玩推人，笑死我啦~之後我突然講野cut下cut下，又笑多一次啦~到到放學同chicken同華dee去食野，我去左M記食野，chicken買左麥旋風，華dee買左手卷，華dee包手卷個時佢個吞拿魚跌曬出黎，笑死啦~之後就去左拍鱷魚同玩唔知咩係打既game，之後就散band啦！今日真係好開心呀~

今日放學同包包同chicken同華dee一齊走，行下行下，華dee羅左包包把傘，之後同D人玩水，超好笑~之後差唔多去到坑口地鐵站個時突然間好鬼大風，包包把傘就byebye啦！因為華dee突然之間講"逆風！"之後個人180度咁轉左，包包把傘塊皮吹走左啦~之後去左吉野家食野我諗住去睇下有咩食，之後個櫃檯有一個人問我食咩，嚇死我啦~之後本來係包包同華dee快過我買野先，點知係我買得快過佢地~之後食完野就去左吉之島啦~我地去左10蚊店去買傘啦~買完傘之後就同chicken上去買我嫁生日禮物啦~包包都有~之後見重早，就去左mtt屋企樓下個公園玩啦~打俾佢佢就講打緊機，不過唔係係自己屋企，係人地屋企，O曬~之後就同佢地過三關，第一次淋雨就係到啦~玩左一陣又打俾mtt，點知係一個女仔聽，聽左之後問佢係邊個，佢又唔應~之後俾左包包聽啦~包包忍唔住cut左佢線~之後又玩過三關~過左一陣又打俾佢，今次我唔打俾包包打啦~之後包包又問佢野，唔知做咩啦~我同華dee突然打起傘戰黎，點知我輸左啦~把傘就爛左啦~因為咁我地又去10店買傘，今次華dee又買埋一份啦~買到連mtt打俾我都唔知，行到一半包包問我羅電話打俾mtt又問佢係邊，唉~之後我地去左千年史睇野，之後出左黎之後chicken就見到佢，叫佢去鋤大D，我地諗黎諗左都唔知係邊到鋤好，最後mtt因為要打機，所以佢俾左啤牌我地玩啦~咁我地去左佢樓下玩啦~我玩韆鞦啦~個時我又唔想帶傘，就係咁玩啦~第二次淋雨就係到，之後佢走左，我地去左呀kwan屋企樓下鋤大D，玩到我地走之前，有一班男仔(我地唔識嫁！)走左過黎問我地可唔可以睇佢一個魔術，我就講左一句"我地係魔術學會，所以唔睇啦..."，之後我地就走啦~chicken同我講好似好串，包包講知道既話就睇下啦！睇完之後到我地玩呀嗎！哈哈~真係笑死我地呀~