由於因為星期五晚發生MSN大戰同埋我呀媽我細佬鬧交既關係，今日我係我細佬屋企同左我呀哥細佬一齊討論呢兩件事~MSN大戰可以講係由我搞出黎先，sorry~我冇諗華少會鬧呀yo，個時係咁岩先講左出黎，我唔係有心想篤背脊~就呢件事我呀哥既分析係就一句講曬"誰人背後不說人"，即使班朋友玩得幾好，總有一日會鬧交，只不過係差在幾時~朋友幾好總有一日都會內訌，會係另一個fd背後講另一個fd的壞話，壞話永遠都講唔曬，即使好耐之前你講左人地一句壞話，唔一定你之後會記得返。每一個人既性格都唔一樣，鐘意就係埋一齊玩，唔鐘意就唔同佢地一齊玩，時時都會發生，又係個句只係差在幾時~我細佬既分析就係返學一樣，返工一樣，都係要對住D人，只不過係對住D咩人。真正既朋友，係會指出你既錯處而又幫你去解決，其他fd有問題個時會去幫手去解決問題...咁樣先係真正既朋友，唔係指出左你個壞處之後就去鬧你~而唔可以因為你已經講左一個朋友既壞處所以去逃避左問題，逃避只會令到個問題永遠都解決唔到，只會令到個問題更加加深落去，最緊要就係自己有一班可以改變到自己既fd就得啦！
之於關於我呀媽同我細佬鬧交既事~即係關於我既事~我已經諗左兩日，最後我既決定都係冇改變到，我呀哥就話如果我既離開係可以解決到個問題，不妨做下！坦白講，即使冇MSN大戰，我都係要離開，件事都已經拖左好耐，係呢個時間要做返我之前既承諾可能重好D，或者可以咁樣講，MSN大戰係一個好既終結，如果唔係因為今次件事我都唔會下定決心離開呢到！而我細佬就話一些都跟住我心點諗就得啦！離開定係留低，點樣都要睇下我究竟想唔想離開先得~點樣都迫唔到我~佢會跟隨我既意思去做~
聽左差唔多六個鐘頭既分析，我只可以講我件事已經已成定局，冇辦法再去改變，更加唔想因為MSN大戰既關係而令到我冇左班fd，不過如果真係變成咁樣，而我離開係可以解決到依家既問題，我都會選擇離開，咁樣做對我，對大家對我D屋企人都會好D，之於我究竟到到最後我可唔可以做得到我一年前既承諾，我諗一些都要睇下黎緊七日既日子同埋我班fd點樣講我，係呢兩日我已經收到我唔少fd既電話問我究竟發生左D咩事，我只可以講希望你地唔好再問我啦！一些已經過去左，而我都已經得到我應有既懲罰~我只係希望你地可以俾到一D意見我究竟我可以點做，如果我呢七日重未俾到我呀媽一個回覆，我就只可以跟住我呀媽既指示去做啦！
最後我都係要我班fd講一句：sorry~
．我 的 資 料． 
真名︰ 你傻嫁，我緊係唔講啦 
暱稱： /\*~"螢火蟲"~*/\ 
性別︰ 女 
生日︰ 1991-5-18 
國家︰ 香港特別行政區 
ICQ︰191504256 
．訪 客 留 言． 
．好 友 名 單 ． 
