今日同細佬妹一齊玩大富翁。我地之前一早約好左話要年初一大戰的。

哇卡卡卡卡（得戚的仰天大笑∼∼∼真有王者風範）我贏左４６萬呀！！！！

我的總資產，包括土地，流動現金，旅館，仲有細佬妹欠我的債務（細佬欠左我１７萬幾，表妹欠我１０萬零幾蚊，基本上大富翁係唔會有欠債的情況出現的。正常來講只要有人俾唔出租金，就係破產，成個遊戲亦告完畢。但細佬話咁唔好玩，佢地俾唔出錢記住條數就可以，下次佢地有錢周轉的時候再還。）總共係４６萬呀。。。。哇卡卡卡卡

呢個遊戲其實有６成係運氣，４成係自己的智慧。基本上果兩粒細細粒的骰子控制住參與者的命運。今日我運氣好好呀，可以有幸去到自己想買的土地（最貴的山頂同南灣買左，因為係同一系列所以租金可以收兩倍，正到暈呀！），高價格的土地有５塊，我自己一個人都買左４塊，其他靚地皮自己又執左唔少，在地皮上面又狂起樓，三塊地皮上面都有最大間的旅館！細佬妹當然唔夠我來啦。跟住細佬妹又唔好彩喔，每次擲親骰子都去到我的地方要俾錢我，但我自己擲骰呢，又永遠去唔到佢地的地方︿︿！所以永遠只有佢地欠我錢無我欠佢地錢錢的。

細佬妹都玩到超級激動，唔明點解我好運到咁，係咁狂吸金（機會同命運我又成日抽中錢無試過抽中虧錢的）。佢地到後尾直情忍唔到用暴力對待我，我一收到佢地錢呀，或者抽到好的牌，就俾佢地打我搣我＝　＝唉唉，好彩衫夠多，如果唔係就死緊啦！

不過，贏左都係有代價嫁，就係遲Ｄ出街要請佢地兩條友食野囉︿︿！年初一就係咁，響我的得戚歡笑聲，細佬妹的緊張咒罵聲，我俾人打的痛苦尖叫聲同埋細佬妹打完人報仇成功的冷笑聲中度過。

新一年新開始，希望自己可以有所改變！在過去的日子，我實在發現自己不少的缺點：三分鐘熱度，懶散，很容易分心，情緒大起大落，膽小.......實在太多太多了。我在未來的一年會好好的改善︿︿！而家我已經進步緊啦，每日都會寫下書法，一定會睇書，學英文。雖然有點悶，但勝在夠充實呀嗎！！之前年廿九想出去買衫獎勵下自己有進步，點知人多到嘔，逼到我傻又靜係買左一件衫＝　＝果件衫買左番來之後仲要覺得唔係我開頭睇的咁好呀！！失落。。。。。唔緊要，下次再來過，等新年過左我又再去血拼過！！今次我一定會有充足的準備。睇定自己想要咩衫先再去買。