今日覺得自己好勤力，竟然可以用三堂時間完成左九十幾題數（當中既方法不便外傳．．．）

之後既ＥＣＯＮ　ＱＵＩＺ．．．竟然無ｍｃ．．睇黎ｅ次實拎０分

放學之後同６Ａ打籃球賽，３１比３０．．險勝

我地既其中一名女將竟然入到波！仲要係穿針！！勁！

下場對６Ｓ應該無咁好彩．．．

好耐之前已經想買個新銀包,不過之前無錢買

不過今日終於買左啦~好開心^^

各位聖誕快樂呀！唔知大家過得開唔開心呢？

我就．．．

一朝早就比呀媽嘈醒，去教會參加聖誕崇拜，

最後悶得濟有ｄ想訓，完左之後就去酒樓食聖誕聚餐。

今年收到最好既聖誕禮物係咩呢？．．．無呀

不過算啦，年年都係咁架啦∼

今日約左ｄ朋友１１點出尖東玩，點知個死仔庭遲哂到，

算啦唔理佢住∼之後出到去見到鯨豐同佢ｄ朋友都ｏ係度，

到３點幾到，終於有機打啦，個死仔庭先出黎！

突然發現到一樣野！有人用緊我之前唔見左ｏ個張卡！

哈哈∼！世界真係細，條友都話比番我，不過算啦∼我自己都開左張啦

打完都９點幾啦，我地出到去先知封左路，係ｗｏ∼平安夜．．

人比以前多左好多∼可能ｄ人岩岩食完晚飯先出黎玩，

而我地就好搞笑咁番屋企．．．

番到去新港城，去到ｆｏｏｄ　ｃｏｕｒｔ食野∼

個阿姐好好人，請我食多個餸

之後就番左屋企訓ｌｕ

好多謝亦好興幸有班ｆｄ陪我．．．

但係當我所有ｆｄ都走哂．．到時我可以點呢？

都係到時先算啦

今日八點先出門口，搭搭下車肥仔打比我，叫我買汽球玩遊戲，

之後佢話我知原來今日番八點半．．．落左車睇睇錶，橫掂都遲到，咪去買汽球ｌｏ，點知無ｗｏ！

之後九點鐘先番到學校，比我班ｄ女仔串．．．今日做左唯一一個遲到既人．．

之後就去左聖誕祟拜，完左之後．．．就番上課室食野，ｗａ∼有好多野食，正呀！

邦邦話ｄ曲奇好食．．咁我同友友咪食ｌｏ，點知粉ｃ話ｄ曲奇係女班長整既

有咁好既野，當然昆埋其他男仔食啦。

食完野就抽獎啦，又食白果．．．（死邦邦中左大獎！仲要成盒送左比ｋａｐｏ！你地有路呢．．．）

放左學之後就同ｄ同學一齊去左觀塘ａｍｐ睇戲（Ｋｉｎｇ　Ｋｏｎｇ），套戲都真係幾正∼到最尾都幾ｔｏｕｃｈ

睇完之後，就同佢地玩捉迷藏．．．ｋａｉ子同陸俞欣捉我、鯨豐、雞浩、友友 、迪迪、邦邦，

癲完之後就番屋企ｌｕ∼