今日同肥貓出去搵工.... 出去之前睇左報紙先.. 見到超多 電話打晒 好似都唔多掂
有一間啊搵左 係JMF公司度做assistant 幫d客填表 解答問題 仲有進升機會. 打左去幾次都無人聽
唔會未訓醒啊成11點幾啦 之後條友打番黎比我 原來間公司做代理架
好似超正咁喎... 而且佢講得好詳細比我知. 不過話如果今日見工的要出九龍灣
 汗!!!!!
如果去旺角見就星期4,5 一於去旺角見啦 原來間公司仲有上水分店 yo~ 感覺幾好啊
但都係出左沙田搵搵先 搵左一小時都搵唔到 似行街多d,,,,, 呵呵..
食KFC
 嘩~~~久違了 成年無食過KFC喇!! 遭受暗瘡的殘害.. 我苦忍口了一整年
woo.. 光陰似箭 一年喇!! 連巴辣香雞翼都加左價都唔知!! =.=好貴喲 3隻雞翼仔10.5 $$
暈暈暈!!
食完出旺角, 點都係要做書店個間架喇 行行下先見到有張紙貼住個名 上樓梯
入到去嚇傻 點解好似人地執左粒咁=.=/// 勁亂 只有書櫃同埋少少書
入到去終於見到個條友.. 頂條友正一粉腸 把口超臭 我同肥貓都頂唔順
佢講野下下中人死穴 一黎到問我地係咪情侶 我見佢都係咁問之前個男,女
我都癈事理佢 仲比佢屈我姊弟戀 佢好似唔憂做咁=.= 話呢度乜都要做 望望個吸塵機
死喇~~~~~ 我咁大個女都未用過.. 我屋企細到豆腐咁 根本唔洗用吸塵機呢樣野
只係用掃把咋 >.<... 仲有條友問我有無experence 我:無 條友:咁你識唔識買菜啊 我:識 條友:咁買面包呢?
緊係識啦正白痴.// 之後我地聽到佢同人對話話沙田有分店 @@ 勁大反應 我:下!乜你沙田有分店架??
條友:你又唔問~ 我:我點知你有啊! 條友:我鬼知你住上水啊
o晒咀啦同肥貓....
條友把口真係好臭 點樣相處落去呢 雖然6月先開工唧
如果調沙田就好啦... 一定唔洗對住佢呀
我怕我做唔夠幾日頂唔順佢走人.. JMF快D請我啦... 我好樂意為客戶服務架!!
行左成日我隻腳唔洗要喇~~~ 好似已經唔再屬於我自己咁... | 
