今年的生日雖然依然沒有某人的祝福...但是次我的心情並沒因這樣而變得糟糕...發覺慢慢我亦體會到何謂無條件的愛....
雖然我距離這種境界仍然很遠很遠...但我仍然會努力去學習
建立關係需要很長的時間, 但簡單短短一句說話就可以摧毀一段關係
不知道用多少時間才能修補, 但我相信總有一天會再等到她給我的祝福
今年的生日其實過得頗開心, 或許第一次有這麼多人約會我吧
在正日阿朱突然即興約了我食飯.....老實說....我起初興致其實麻麻地
不過想到好像很久沒跟他談談心吹下水, 而他給我感覺又好像很悶生活很枯燥想找人輕鬆一下, 所以就應邀了
其實都唔知邊個陪邊個...HA
後來碧裕也來了...三個人能夠輕鬆鬆鬆說說笑笑其實都不錯
對我黎講, 阿朱係個成日咩都收收埋埋既人, 好似怕俾人知道左自己既秘密就唔得了咁。。
有時佢可能會好奇睇唔少關於你既野, 之後就裝作咩都知懶係神秘咁....
除此之外, 佢都算係個有計劃既人, 感覺上佢唔鍾意受太大既束縛,另外佢對感情或許都會有一份既執著同憂心, 而某程度上佢都係個需要被愛既男人
至於碧裕, 給我的感覺比較樂觀積極, 有唔少時候佢都會為人著想, 但性格就同樣比較被動
有時佢都會有心維繫各種唔同既關係, 但就欠缺左踏出一步既勇氣同動力
對於將來雖然冇明確既計劃, 但係都會懷住信心走落去
我相信我地既相識都係一種緣份..而關係亦都唔會話唔見一排甚或之後都冇咩機會見就冇左。。
做兄弟確實有今生未必有來世, 所以真係要好好珍惜
我自問只係個比較低能既弟兄, 不過能夠識到兩位都算係我既榮幸吧
今天則跟佩琦和阿MING吃飯了
雖然好耐冇見, 但大家見面都總會有講有笑, 分享下自己身邊所發生既事, 自己既開心, 唔開心, 感恩既事情等等
大姐MING由約團做我導師到依家都起碼有六七年嚕, 而係約團既時候佩琦亦都一齊做過我導師
果時自己都仲好細個, 周不時要兩位導師餵奶
歲月催人, 唔覺唔覺我都長大了, 亦都經歷左好多, 期間確實好多謝兩位既照料
另外都繼續大大祝福兩位...HA~
後天又準備跟門訓慶祝 :)
除了跟樣衰輝他們MEN'S CLUB之外, 門訓亦係另一個能令我安躺及珍惜既地方
雖然大家唔係成日見面, 但關係就一直KEEP得好好, 我地都深知大家在心中都總會記掛住大家
而去到真係分享既時候, 大家一見面唔洗幾句就可以分享得好深入
我知道唔同既門訓都有唔同既相處方式, 有時某D情況可能相處左一年都未必夾得黎同未必好熟咁....
或者要有更深既關係都需要大家真心既付出同唔去計較太多吧.....我亦都好珍惜門訓開組及同大家相處既時間
某程度上我其實都好幸福, 我亦都好感恩身邊有咁多好朋友好弟兄姊妹:) |
