唔覺唔覺咁又幾個月嚕

呢段日子都經歷左唔少

不過懶得係度講咁多...有機會見面就話你知@@

做左幾個月就俾老細上司睇得起升職加人工都唔簡單, 實力和際遇問題吧

知道自己身份不同後都即刻報左課程黎讀, 唔上進既話就永遠原地踏步, 將來都有好多顧慮

依家又做番個學生嚕....日頭番工, 夜晚就PART TIME番學, 都咪話唔辛苦

某程度上我都習慣左身處係呢個社會, 人前人後幾種人都唔覺得係咩了....

另外有對象同冇對象分別都唔大。。

慢慢..對感情都開始變得麻木...

依家既我....似乎又變左好多。。。

最近一直想找個伴侶...於是好奇之下請了一個朋友陪我一起去SPEED DATING@@

算是第一次...見識也不少....

整個過程就好像不斷面試一樣....不斷介紹自己...確實很累

有些人則覺得我呢種人廿四歲都仲好細個...冇咩必要參加呢種聚會...真不懂體諒我這種想早日成家立室的想法

日常在工作上沒什麼機會認識到女孩, 另外覺得在教會若為了識女仔都不是太好, 也有些顧慮和放不下的事, 所以才會去參加這些聚會了解一下

可惜簡單認識後對很多人都沒太大興趣......有些人可能純粹想識朋友...有些則是三五成群玩玩下...而有些看似認真的就.....有點唏噓

發覺參加得聚會既人都總有原因....可能是暫時找不到懂得欣賞她們樣子的人...又或是能接納她們性格的人...

經過是次體驗後我想我都應該不會再怎樣參加這些聚會了....還是疊埋心水慢慢草錢好好預備。。。

這些事情想急都急不來....就算急著搵另一半搵到都未必係好事。。

Well....仍然單身...時不感到孤單.....不過日子也是這樣照過@@。。。。

話咁快番左兩個月工....我既皮膚已經明顯變黑左好多好多了。。。

依家期待緊幾時加人工@@  當大家都覺得自己好做得野幾醒既時候難會有少少虛榮, 驕傲自大的感覺....

星期日跟我上司入左西貢同一大班另一個地盤唔識既同事燒野食同聽佢地吹水...俾我見識到唔少地盤佬

佢地係咁飲啤酒我都係扮晒野少少慢慢飲@@.....琴日應該係有史以黎飲得最多了...都唔太知自己幾時先會醉都係就住就住

有時都會係度諗要同呢班友相處係咪真係適合的......

琴日最意外係識到個大我幾年既女仔...佢係個同事既老婆...佢睇落同我差唔多或仲後生過我的..

但已結左婚有兩個女..佢本身有大學讀緊但因為拍拖QUIT左...後黎番律師樓工作就突然有左.....

佢廿一歲就結左婚嚕...最估唔到係佢同佢老公係玩ONLINE GAME識@@ 

原本好純品但跟左佢老公就學識飲酒同玩牌九等等.....真係估佢唔到

感覺上佢都顧家同定性....佢老公大佢五年.....個男人雖然依家收入都唔錯但因為自己性格同學歷問題好似幾大壓力成日都話唔想做的...

佢依家好似都三十幾...以前成日落酒吧..後尾因為工作同家庭先冇嘜...見佢有時都會覺得有D束縛的....

不過其實都幾羨慕佢地..咁早有家庭同女....暫時覺得個男人唯一唔多好就係會飲醉酒麻煩自己老婆....

琴日佢飲到醉醉地打的車埋去去接埋佢兩個女...見到兩個幾歲都幾得意又唔怕羞又醒目又乖咁.....

過左琴日之後我就好期待了@@...如果可以的話我計劃緊廿六歲就結婚...HA...努力@@

就算曾經發生不少爭執, 動過多少粗, 曾幾何時想過他快些KO......但發生起事上來總會有些少擔心  .....  家人就是這樣。。

有時我真的覺得爸爸很蠢, 工作這麼多年, 以前受欺壓都不會作聲, 很怕事和怕麻煩

容易受氹, 以為能夠落力為公司工作就好好, 說到底人家也只是為了賺錢

他領的薪金對我來說可算是俾人搵笨...我自己覺得即使為家庭都唔係日日唔休息唔用腦就番工的...

本來他打算做多一兩年就退休的....星期日冇啦啦開工整親受傷入左院.....雖然冇生命危險... 但對我黎講都算嚴重的了

想不到當日母親節朝早第一次做下乖仔先同媽媽飲完茶  帶佢去佈道會  跟住下晝就出事了

佢公司開頭仲想唔鬼報工傷…………白車又唔叫就咁車完佢入院就算（詳情唔多講了……）

扮晒野咁  簡直無良的  下刪三千字……

腰錐第五節斷開  肋骨列了  還撞傷了腎...醫生說沒手術可以做...只能靠慢慢復原.....對於一個六十一歲既人黎講慢慢復原即係等收皮吧。。

現在發生了事故他看似都不去導出事實的真實, 還有心去為間垃圾公司及其他人著想....

唉...佢自己都唔爭氣真係冇人幫到佢.....我爸爸就是這樣.....

見到媽媽為了他搞到自己都好憔悴....都幾痛心.....只能說他們真的老了

因此   我也要更努力工作負起這個責任了。。

好似有好多野想講...但又好似冇咩野講....

對住人有呢種感覺真係幾奇怪@@。。

呢段日子在認識既人當中發覺有些人不知道是自己不了解  還是別人不懂得跟人相處,

抑或是別人太自我, 連人情世顧, 好意都不會領, 根本不太相處得來。。

要搵到個夾得黎既人的確唔容易...HA。。

話咁快又一個月嚕, 期間老兄又轉左一次工XD   現任工作也快滿一個月了

其實我之前一直做PART TIME從未做過長工@@....所以都真係要搵番份自己覺得適合的

雖然依家做既野同以前所學既都有所出入...不過自覺自己適應力都還好...總算習慣過來

只是要習慣的都是些不太正面的東東...骯髒工作環境, 二手煙, 粗口橫飛, 隨處便溺等等-.-"。。

而能夠令人覺得自己工作能力不錯都是不錯的事@@

題外話..我唔介意間唔時有朋友搵我出黎請下佢食飯的....不過因為要草錢關係每個月當然有一定quota啦      HA  :p

今日查經講到工作有冇意義在於為邊個而做...有好多時人做野都係為左錢, 為左生活

有時自己慢慢都麻目左...自自然都會失卻左當初果團火...

另外都好怕自己會變死肥仔~.~""...但又真係好難keep住日日好攰番到黎都做運動。。。唉。。

anyway  各方面都要加倍努力呢....ha

能夠記下發生過既事都幾好的....得閒再打下啦  :p