唔覺唔覺都應該有好幾個月冇番團契了。。。
當初冇番其實都只係因為需要錢走左去番工...慢慢就習慣左冇番....
到後黎突然有其他既誤會發生就覺得番到去會唔知點了。。
有時唔同既人都會問到我幾時番去團契, 好多時我都唔知點答
亦有唔同既人問過我轉唔轉組或邀請我去另一組, 不過覺得這咁會有點對不起自己那組, 有些問題我知道一定要解決的。。
其實我一直都不太懂得跟自己曾經用情的人相處.....
現在只有星期日時出席午堂, 有時自己確實會感到些孤單, 但畢竟是自己選擇的....
日子久了, 也會有點想念大家, 我想過多一陣子我會浮出水面的....
另外也很感謝在這段時期關心過我的弟兄姊妹
剛剛的星期日機遇巧合下被邀請去了服侍...其實都幾開心....真感謝你的邀請:)
原本我對義工工作不是很熱衷主動, 但又不抗拒能幫助人的, 始終自己比較被動
是次去了屏山附近的中轉屋派月餅及關心一下那裡的住戶
果度既人多數都係申請緊公屋, 又或被扣分等問題才會住在這
房間不太大, 房間之間就只隔著鐵皮, 冬冷夏炎....如果有得選擇的話大家當然不會想住在這...
基本上分組我就探了一位婆婆和一對夫婦
婆婆將近八十, 完全看不出, 她很健康的, 而之前曾讀師範又做教師, 但可能經歷比較坎坷吧
探訪期間跟位婆婆講到冇野好講竟然話朵花好靚...呢個係我覺得幾搞笑既地方
另一對夫婦, 婦人正懷孕, 仲有十幾日就生了, 但佢都仲走去國內買BB床, 就係因為平幾百蚊...
佢都好好客又請我地飲野, 以上兩戶人家都好健談, 仲要開埋冷氣俾我地...事前我也不太能想像自己能跟陌生人談半小時以上
當地負責既工業福音同工阿俊只係俾我地探訪左D願意去同人相處既人, 仲有好多人係唔願意同人相處收埋自己的, 果D先最需要人關心
住係中轉屋既人可能有D家境唔算貧窮的, 但大部份心靈都貧乏
其實我地可以做既都唔多, 淨係吹下水傾下計, 但佢地都話已經好開心, 因為黎到呢度都唔多朋友, 生活又悶
阿俊講到, 其實呢個世界周圍都有好多人需要幫助
另外佢又提到本身D人既生活都差, 傳福音其實好難, 因為你就算同佢講完句耶穌愛你都改變唔到佢貧窮捱苦既生活
所以有時自己都要踏出更多步去幫助他們
有D人會為左買平D既餸由好遠行過黎元朗買, 窮人在社會上真係好似冇咩地位, 政府又做唔到野...但我地又做到D咩呢.....
阿俊話就算自己附近既鄰居可能都有唔少人需要幫助, 有時真係有心想服侍唔需要特登走去咁遠或去短宣等等
可以的話都多察覺身邊人的需要, 多給他們一點愛 |
