無驚無險又到星期六,不過今個星期要返星期日所以冇乜holiday mood!今日放工去左哥哥新屋BBQ呀,因為嫂子個好朋友Alice由泰國黎左香港,所以o係佢走之前我地就攪下小小Function,之前我同蝦子餅過泰國Alice同佢既老公都抽左好多時間帶我地去玩,所以今次佢黎,我地都要陪下佢!哥哥個屋企啲裝修都七七八八喇,不過一入到個廳好似去左Neway啲K房咁,但係都幾靚既,我比較鍾意佢個房,好Thai Feel架,好舒服....今日除左我地一家同嫂子既dad & mum同嫂子幾個朋友之外,仲有嫂子二隻可愛既史納沙狗仔,佢地得二個幾月,好可愛架,佢地分別係pepper 同亞tank,不過我地隻西施-BoBo就慘喇,以前我地有咩Function都會帶埋BoBo去,但宜家因為pepper 同亞tank仲細個,唔可以同其他狗玩住,要等12月佢地先可以一齊玩,所以就算宜家有咩Function都未必有BoBo份,佢咁慘,我要錫佢多啲!