告別BA後, 第二日即刻番新工~~ 呢3日的感覺都ok, 成組同事同我迎新飲茶, 不過有成十幾人, 除左d manager外, 全部都係女仔, 全部都幾靚幾nice, 不過真係好難記得佢地d名~~

入黎第一個感覺係:亂, 因為公司裝修, d人搬到亂哂, 而我頂替嗰個同事又未走, 攪到我無位坐, 要坐住meeting room先~ 一個人坐成間meeting room, 真係好free, 加上剛入黎又無野做, 不停上網都得~ 不過我好乖, 都係睇下資料, check下email, 做下data entry~ 另外就係原來公司而家大改組, 原來之前係跟product, 而家會轉做跟客, 而家仲係過渡期, 所以d野會幾亂, 9月先正式轉, 所以我而家就跟住一個大客先, 9月先真係跟另一個大客~~

食飯時d同事問我跟邊個, 知道後話我阿頭好, 泊到個好碼頭, 不過佢係英文人, 咩都要講英文~~ 暫時同阿頭都唔多接觸, 因為佢坐左另一層, 不過interview同第一日番工傾計都覺得佢幾好人~ 佢仲勁快咁安排我下星期上東莞廠training, 佢會帶我上去~~

呢間公司規模好大, 睇到佢地應用左好多讀書時學的management theory, 仲有好多organise 好的 traing俾所有同事, 可以去好多唔同地方的廠去training, 遲d我可能會有機會去台灣& 檳城廠tim~ 下2個星期就要留响東莞廠, 仲要自己一個人上training同住宿舍, 好彩之前試過番金泰intern, 有D經驗~

 又要執野起程了~~

今日係我响BA嘅last day了, 有d唔捨得, 要將我一手一腳做好的工作pass俾嗰隻麥樂雞新人, 話哂我d工作都做得幾好, 交左俾呢個咁唔掂的新人都唔知會點~~

另外好多謝d同事, 成team同我farewell飲茶, 連design Elaine都話一齊~~ 上次阿邊個走嗰時都無ga~~ 之後我地影下相, jayson, jeanie同henry都有送禮物俾我, 成team仲寫左張卡俾我tim(連betty都有寫...), 真係好感動~~ 連一d隔離team的同事都有過黎同我say goodbye~~ 臨走時我同大佬theo講多謝佢呢一年嘅照顧, 佢仲好好咁祝我出面有更好的發展, 話我record好, 隨時番黎都無問題~~ 呢一team雖然有d人好懶, 但無一個係壞人, 個個都係心地善良, 呢樣好難得~~ 相信到我事業上到一定位置時, 我會考慮番黎做ga~~ 再見喇BA~~

今晚又係4人聚會, 而今晚主題係: 補祝我生日...無錯, 係我生日, 過左個半月先補祝~~ 不過唔緊要, 玩得好開心, 仲有煙花為我贈興tim~~ 多謝你們的卡, 叮噹公仔, kfc叮噹&叮噹射籃~ 圖中係我俾大家的深圳手信,各自畫自己, 唔知大家認唔認到邊個打邊個呢?

呢2日同mark去左深圳玩~ 去左行東門, 揼骨, 食buffet~~ 不過2日都下大雨, 行得好不暢快...人又好多, 行到好似好污槽咁... 下次去都係唔好行街了, 都唔會買d咩, 都係only食同玩算~~ 今次仲响地鐵遇到小偷大哥, 好彩佢都幾nice, 只要啤一啤佢, 佢就會放棄, 唔會夾硬搶~~ 上到去真係要睇緊d財物, d人真係明偷, 唔使偷偷摸摸ga~~

今晚同Henry/Jeanie/Jayson食飯, 去左觀塘工業區間任食餐廳, 上次食都仲好地地, 今次真係好唔得, 又加價, d野又縮皮!!!唔會再去了!!!

不過間野有電視, 又唔多人, 我地可以慢慢睇電視, 由7點幾坐到10點幾都得~ 我地傾左好多野, 講左好多公司不為人知的事, 原來老闆真係咁... 原來靚女真係好著數, 另外又講左好多好笑野, 笑到我收唔到聲~~ 仲有解開左我地對Henry的疑團, 呵呵~~

仲有2日就離開呢間公司了, 真係有d唔捨得~ 响呢一年來都無一日覺得係唔開心的, 最多係有時覺得悶, 工作上俾唔到滿足感我, 不過日日番工都好開心, 同同事笑下笑下又一日,  有時大佬無番我地仲可以唔做野掛住傾計同玩tim, 有d似以前中學時代 (我地3個都係同年)~~  佢地2個呢幾日都話我走左之後會無咁好笑, 無咁好玩, 一定會悶好多, 靜好多, 我又何嘗唔係咁諗呢~~ 我出到去仲驚啦, 出面一定無而家咁free咁好玩了, 無得隨時隨地搵人講笑傾計, 我會好掛住佢地GA~~

至於黎左代我嗰個新人...唉, 原來請個正常人真係唔容易~ 而家d人好懶散, 教佢做野佢好似好辛苦咁, 每教一樣野都話麻煩, 一話唔使佢做就話好野.... 講完又唔寫低, 禮貌又無乜....希望佢而家只係未慣啦, 希望佢有改善, 咁jeanie教得都無咁辛苦~~