今日係第一學期考試既開始,今日考中化實用文同埋閱讀理解,寫實用文一係寫專題介紹>600字,一係寫兩篇書信@400字內,我唸左好耐,都係寫專題把啦...字數岩岩好咁制,唸唔到寫咩好...考完之後聽到有人話做晒兩題,=o=好勁囉,竟然可以有咁多時間去做晒佢...

難得有半個鐘小息,係到吹水...

之後考閱讀理解,一個鐘做八篇,開頭果d都ok易做啦,之後果d就幾難下..有d麻煩既感覺...最尾係做唔晒ge...

放學之後要去考中化個人短講...我個題目係「內在美」、「外在美」孰重...我唔知個「孰」係咩黎...考完問miss,完來個音係(熟)=="  孰重就=邊個重要d...我內容冇講到囉好似...不過算啦~都考完

之後去海達食飯...食食下Hons同我一齊食,之後返返學校...吹下水咁,等班Form7要上堂,之後就去圖書館做Section C份功課,做到成3點幾先做完=="之後交比miss,見到miss lao,佢比左份曹劌論戰ge筆記我(莫sir轉交)...上返去做Section E,仲有兩份要做,唔係平時分就會冇晒=="不過都有好多人應該係唔記得lee回事...

去到4點多d,我起行去5樓唸住補課,點知改左係3樓,ja係白行(因為圖書館就係係3樓)=="等左好耐莫sir先黎,我果陣做緊section E,之後佢一入黎,竟然話quiz...+0+...我係個腦到搵左好耐,搵返好耐好耐之前ge記憶...之後寫左d野,竟然都有岩...勁野!!之後補到5點半,即刻去搭輕鐵落元朗,因為仲要去遵理再補中文...

補完返天水圍,去左天澤買sock,同埋lip ice...因為個嘴好痛了/...

今日好似係得11~14度,新界會再低d...出門口勁凍囉,又大風....難以形容!

今日第一堂本身係UE ge,點知miss冇返唔洗上,本來又要聽listening喎,但係我地就死都話冇帶聽唔到,不過我又真係冇帶ge,之後變左做自己野,我地d VP又開會啦,傾下下次出咩貨...又講下我地賣左幾多$野...大約係咁

之後本身係PA堂,但係變左做bs...又係講past paper...今日miss講d野講到冇咩point,我唔核d同學仔浪廢光陰,跟住就連同劉禮榮發表我地ge意見,之後就引起全班人一齊去唸lee個問題,同時間我地有好多同學支持我地,我地ge市場佔有率不斷上升,miss越黎越縮,佢個樣超白痴,佢死都要堅持,最後屈服,哈哈哈~之後仲要話我,「枉我平時咁錫你...」之後全班望住我=="救命,miss竟然出到lee一招...嗚~miss唔錫我喇...

lunch去左海達,哈~見到麥魚同christy一齊lunch,cutter好似話病左...

下晝返黎PE,著返我一年四季都一樣gePE衫,就係咩都係短,唔著底衫...出到黎其實唔係十分凍,但係等左好耐先開始,=="之後圍住學校跑3個圈做熱身,心藏好似唔係好負荷到咁,有d痛=="跳得好快...之後考攬球,我地果組好似未訓醒咁,唉~係咁失分囉,之後由我寫下入0的突破...之後就有劉禮榮超型入球,倒後行攞分,「你要波呀?拎囉,又拎唔到」之後睇d女仔打都幾得意,睇睇下踢波...

中化堂..叫我地帶實用文,都唔知有咩用,佢話要考口試,劉禮榮第一個話想考,如果唔係唔多舒服的話我唸我都會考ge,不過真係唔掂當...最尾考得果6個,哈哈哈~我地反抗成功!!!何慧玲講瘦身公司越講越激動..阿明講市民公德,講話d人點解唔申出緩手幫佢拉褲鏈...

放學之後清locker...then開會...之後去等miss拎返本實用文簿,成班人等左好耐,係度食風,點知miss同佢地係會議室入面傾緊=="之後我地入去,miss續個講,我係最尾,之後一齊7點先走...

今日換季lu~同時間今日都凍左好多,都冇簡錯日子^^...今日朝早要比條呔方婷,我又遲左出門口喎,攪到一返到學校就打鐘,超準時...

朝早練poor old lady,去我地冇咩幾可可以入ge gym室...入到去超嗅,太少開,又加上去木地版,哈~再加埋我地既嗅腳味,唔嗅都幾難...

第一堂轉左做bs...又答返上一堂ge past paper問題=="好彩我仲有少許急材,唔係都唔知點應付miss chan,因為開頭有唸過話,我地唸唔到...但係又比我唸到個好功ge答案,miss話連model answer都冇,wakaka,原來我係咁勁...(傻左)...

中化堂quiz...完全冇溫,只可以靠吹水,係咁吹吹吹...可能最尾又係個位數字ge分數,shit~

之後上m&s.今日唔洗教書,因為已經教完,阿sir比人問數,我見佢成堂都係講得果兩條,激慢都做得,真係有衝動走出去話,你行開啦,等我教...唔好浪費同學ge時間,同時間係lee一堂我做晒m&s d功課...^^

lunch同榮去天耀商場食飯盒...

返黎之後要去返gym室,練poor old lady,因為之後要出去何文田到competition...join埋班中4就出發...中4果個叫怪獸ge女仔,超嘈超尖囉佢把聲,攪到我訓都訓得唔好,不過我真係好想繼續訓落去,因為琴晚都夜訓,好似1點幾...去到果到,發覺同想像中差好遠,場地好up doub...又要我地企係度等,等左勁爆耐囉,由3點去到,等到4點幾先開始,本來係話4點幾可以完=="又比miss"昆"左...今日文成昆同埋阿聰冇返,唉~逃避,睇唔起你地...上到去hall,坐低,6隊我地係第5隊,之前果d(除中4果班)之外全部都好似舞台劇咁=="對比起我地,差天共地...但係明顯地果條友話唔可以超過10mins,多左就冇分,只等評語,但係我地計落~隊隊都多過咁制,點解佢地仲有得攞獎,真係好有問題囉我覺得...我地最尾得78分...都引到人地係度笑^^,可能係我地超kai啦d動作...

之後無啦啦講起我數學攞B lee個問題,都唔知係邊個發起,打佢先得,之後係咁問我點拎B ga??....好多好多問題...講講下又講到會計,冇人信我會計拎D喎,哈~冇計~之前唔鐘意,之後傾左好耐計,因為架車遲遲都未到,傾左咁耐都係第一次^^...回程,好想訓,唔係咁訓到...都訓左一陣咁啦,

返到去又清下locker...之後一大班人搭lift...哈~一齊面對住要記缺點lee個危險...wakaka,超開心..之後過M記...7點2走人...去到西鐵站唸住仲有時間,禁埋$先走,點知前面條友超慢,攪到我最後miss左班車,又要比$搭車返屋企...8達通又負$=="唉~

今日都有少許賴床,因為天氣凍左少少...返到教會,今日早左開始,o左嘴...=o=...符太唔等人>"<未到搭半就開始崇拜..今日bonnie住我隔離,唔知點解佢個樣又好似唔同左???今日讀既經文好正~但以理團ge團訓,「忘記背後,努力面前的,向著標桿直跑,要得神在基督耶穌裡從上面召我來得的獎賞」又令我唸返起好多好多野.要忘記真係好難...

之後陪阿森去銀座還書同埋入票,之後去左power city補太鼓...^^"阿森津貼左我一半,今次打得順左,可能今日清醒d掛...^^之後走lu~去到運動場就見到wendy同佢男朋友,之後就到教會又見到美婷,佢個頭highlight左d藍色,之後要兒童崇拜,今日我惡左,因為我唔想班細路成日都係咁樣,我又好叫走d唔應該係度ge人,又拉走左卓恩,乖果d我想佢地keep住乖,洩ge都唔希望佢地學唔到野,或者阻住其他想學ge人,我一開始就鬧左佢地,好難得地,好靜,從未試過,唱詩歌都會有小朋友係肯去唱,雖然隻CD既音樂係快左少少,但係佢地都有試,都幾感恩...之後讀經,我分開左佢地兩組,一人一節,都聽到有小朋友係真係好聽話咁比心機跟住讀,之後就問下問題,見到佢地ge反應都唔差,之後佢地真係有背金句(雖然有d最後都係唔識),最開心ge係今日李展誠背到金句,好感恩!!係佢地背緊ge時候,有小朋友提議話不如下次做手工,咁我都好buy佢ge意見,就問下佢想整d咩,都幾好ge見議...之後就係到玩大風吹同埋扑傻瓜,扑傻瓜佢地有幾個超狗,係咁講同一個名,有d悶^^,不過幾得意...

完左之後就執下野,幫下手,之後就去左練詩歌(for聖誕),有好多首都好正,我地好有感動咁將會去唱幾首,本來只係3首,但係最尾好似變做4定5首,好似係唔止,因為豔秋果邊又有,哈~真係多不勝數,難保我25號把聲會變成點,因為有d歌幾激下囉,不過真係好正~好有feel

去到4點幾,阿mike突然話去佢到打牌=o=...上左去,其實越打越冇癮,可能係太多牽掛啦,好多野都放唔抵,所以唔可以好投入咁去玩,雖然都贏左幾次....之後同阿兒傾計,一路傾傾傾,有d話題傾到我又唸起d唔係咁開心ge事,我又落淚了...><"都只怪幾年次ge一次打激,攪到淚線通左...之後傾左好耐,傾到成9點有多先走...

激鬼氣,去到天盛果個站架車個私機打左係個舊站,新果個站我捷左車佢都唔停比我 可惡...都唔知係咪新黎ga架佢...攪到去左搭巴士...

中午既時候徐同學問我下晝得唔得閒,唔通佢想約我去街,問佢咩事既時候,原來係話去做義工問我去唔去,不過可惜我要返團契,難得有得返丫麻,佢搵唔到人陪佢去,問佢點解會有人叫佢去,原來佢話佢係街到報名,有d其怪...

晏晝返團契,查經,好耐都冇查lu,因為成日都要返JA==",今日查約翰,佢寫左5卷書,約翰福音,約翰1 2 3書,同埋啟事錄,又講左d關於愛既經文,原來約翰福音超多愛字...

因為幼稚園要報置,所以今日團契係課室,地方屈質,不過唔緊要啦,今日團契講返5種性格既人,鬥爭型,屈就型,逃避型,妥協型同伙伴型,而我當然係屈就型啦,都幾準下,又係用玩具熊黎代表,點會咁岩ga?我之前都係用玩具熊lee個名黎寫信.

完左團契,就上26c幫手拎野落教會,之後就摺程序表,之後又整其他野,坐低傾下計咁,都好耐冇咁傾過計lu,之後買左兩個包食,因為都仲未食lunch,然之後過去青協,去到果陣冇人,等等下就有岐哥之類,之後同浩兒傾,都傾到七點幾,之後入返去,坐左陣,同阿mike去街市買野飲,一路行一路有d唔對路,唔係咁c服,之後返上去,坐左陣肚仔有d痛,都唔知係咪果兩個包唔乾淨=="唉~

去銀座,又打唔到簿,唉~都唔知我本存摺有咩問題...