| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 11 月 16 日 星期三  |
| tired... |
分類: 未分類 |
今日冇落雨,不過都係凍,希望今年冬天會係凍啦,千其唔好好似上年咁...
上中化堂,miss叫我地短講我先記得我唔記得準備,到最後有叫到我,不過最尾我都唔洗出去^^,個題目係「我眼中的中國人」分別有阿un同張運發出黎講,今次就講得麻麻喇,我覺得呢個題目唔係人人講到,真係幾難去講下...之後果堂竟然話用書信而唔係公"咸",琴日明明講左,今日又唔係...真係吹漲,派返之前做果份專題功課,爆低分,要重寫...又比功課,寫兩封信,姐係加埋要做三篇,><"
oral堂唔知點咁就過左喇...冇準備之下都講到野,算係咁啦
企業堂講組織...用左黑社會黎做例子,講講下講到佢地個架構,由龍頭一路落,去到白紙子扇既時候,個個人都望住我咁制,佢地係咁話我係白紙扇,因為呢個人既工作係講數,處理帳目等等,通常都會係一啲會計師律師等等,一啲高學識既人...真係比佢地吹漲...資料來源:http://www.whkonline.com/urusai/gangs/triad.htm
放學之後去左圖書館,唸住做末功課,點知都係做唔到,最尾係度傾計,之後走左去324補下會計,佢地教緊costing...依家睇睇下都知佢講d咩,之後我係度睇社制,唉~勤社好唔得呀...成盤散沙咁,叫孫龍睇下佢地會好少少,不過信社真係勁,仲有家良,打得唔錯!
之後去補習,好眼訓,上次測驗拎u,唉~好down,不過其實預左,但係第一次拎a第二次係u,真係幾大打激...
去商務唸住有past paper拎啦,點知果條友同我講話未返齊d貨,依家得7本..唉~又白行
|
| 2005 年 11 月 15 日 星期二 |
昨天、今天、明天  |
分類: 未分類 |
大家好！我今日所同大家講既題目係「昨天、今天、明天」。
昨天、今天、明天，其實可以用過去、現在、以及將來黎代表。過去，係一啲已經經歷過，無法改變既事實，正所謂「過去已成過去」；過去又帶比我地好多好多既回憶。每個人都有尪W特既過去，有人多姿多采，亦有人干淡無奇，更有人擁有複雜既過去。
今天，就即係現在既呢一刻，唔知大家係度做緊咩呢？留心聽緊我講野？定係好專心咁做緊其他野呢？其實，現在轉眼間就會成為過去，就例如，我今日係一個百萬富翁，今日係會過去，究竟我將會會變成一個點既人呢？好似依家咁係一個百萬富翁？變成一個千萬富翁？定係會變成一個窮光蛋呢？就好取決於你點樣去善用你既今日喇，如果你把握機會好好運用你呢一百萬，好可能你將來會成為千萬富翁；但係如果你甘於現狀，收埋呢一百萬，你既將來都會係一個百萬富翁；又或者你唔珍惜今日所擁有既一切，你胡亂花費你呢一百萬，好可能你將來就會係一個窮光蛋。正因為現在你所做既一切，會好影響將來。所以，我地要把握現在所擁有既野，為將來而努力。
將來，可以話係一樣虛無縹緲既野，你觸唔到，亦都摸唔到。將來會受住我地既過去同埋現在所影響，仲會受到好多其他因素所影響，包括身邊既人、事、物。正所謂「世事無常」，則使我地為著將來有充足既預備，但亦都唔等於我地會有好好既將來；但係相反，若果我地唔為將來做好準備，我地就一定唔會有一個好好既將來。就好似讀書咁，讀好書就可以令你將來能夠搵到一份好工既機會上升；但相反讀唔到書，冇技能，係社會毫無立足既地位，真係難以想像將來會變成點。
時間飛逝，光陰一日一日咁過去，人始終會老，生命亦都會有終結既一日，若果唔想將來受苦，又或者打死一世工，我地應該把握今天努力讀書，用知識黎充實我地既人生。正所謂「經一事，長一志」，我地要汲取過去累積得黎既經驗，又或者將人地過去失敗既經驗為為自己既借鏡，警省自己；再加上今天既改進，我地先會有一個美好既將來。因為唔係每個人都含住金鎖匙出世；即使係，今天都會成為過去，可能聽日就會變成一個窮光蛋。
其實我地可以用一條數學公式黎表示過去、現在、將來：
過去＋現在＝將來
過去唔好＋唔好既現在＝天唔好既將來 -2+(-2)=-4
過去唔好（大）＋好既現在（小）＝冇咁差既將來 -2+1=-1
過去唔好（小）＋好既現在（大）＝比過去好既將來 -1+2=1
過去好（小）＋現在唔好（大）＝唔好既將來 1+(-2)=-1
過去好（大）＋現在唔好（小）＝冇咁好既將來 2+(-1)=1
過去好＋現在好＝好好既將來 2+2=4 (百萬富翁變千萬富翁)
過去唔好＋加好好既現在＝好好既將來 -2+4=2(窮光蛋變百萬富翁)
所以，無論過去係好係壞，只要我地把握現在，在好現在，我地既將來都會係好。
最後，我想送一句說話比大家，就係「忘記背後，努力面前，向著標桿直跑。」意思係，我地要忘記我地既過去，無論係富足或貧窮，今天努力向著我地既目標進發。
今日我所分享既去到呢度，多謝各位！ |
天冷了  |
分類: 未分類 |
下雨了，天氣又轉涼了。
「早上不覺寒，出門忘添衣，回校方知冷，只好充強壯。」
雖然下著微雨，偶意會帶來情調，但也令我添了裝備──雨傘。雨配合上寒風，寒風剌骨，令牙齒不禁格格作響。
今日會計堂好似冇咩用咁，只係講左一條數同埋用左黎ｑｕｉｚ，之後歐陽ｓｉｒ拎左啲ｌｃｃｉ既ｆｏｒｍ黎，要我地報考喎，我仲唸緊，唔知報唔報好，報就會報３級，但我都唔知內容係考啲咩。
體育堂依然係欖球，冇啦啦又比人係咁話我自閉仔，好ｄｏｗｎ好唔開心囉，之後玩左陣比賽，好開心，我攞到第一分
 ，之後仲贏埋，哈好野！
中化堂一開始係個人短講，題目係「昨天、今天、明天」有３個人出左黎做分享，其實我都好想出黎講，難得準備到咁多野。
放學之後去左青協，都係教下人做數咁，冇咩特別。 |
2005 年 11 月 14 日 星期一  |
唔c服  |
分類: 未分類 |
又到星期一喇,又係要返學既日子,今日好懶瞓,七點多少少先捨得起身,因為真係好累呀!都係去慧景軒搭車,同車既有鄧美嫺同埋一個中五既女仔.返到學校第一樣見倒既就係yuki(hung)捉人,不過都成日見^^,之後上左locker,返落黎之後,輝哥就好興奮咁同我講,愛滋無藥自醫,唸住同阿榮講,坐左陣我就見到另一個yuki(to)拉直左個頭,唔係好慣,睇多兩睇,原來吳貝同埋jennifer都係,吳貝果個就真係有啲驚訝,佢之前都唔會咁,過多一排應該會好啲~
上會計堂既時候歐陽sir又好勞氣咁喇好似,唉冇辦法啦,數難做麻,大家都唔想既我唸,講講下話會計今次考試可能會轉返考一份卷考,係就好喇!
之後上中化,一開始就有人出黎介紹,第一個係yuki,講陰陽五行,開頭以為會係一個幾悶既題目,點知經過佢既演繹後,變得唔錯,又識多少少野喇^^,之後到fionn,一個超大既對比=="講節日,開頭果陣以為佢想講"立白",點知佢竟然話呢個節日冇咩人識,所以就唔講,真係吹漲晒,仲唸住聽下咩叫立白添,之後講得好唔順咁,超左好多時.之後到吳兆基,開頊講左一大堆野,完來係想講儒家,好似懶係想用層遞or懶係覺得啲野有關係咁講,但係都唔知佢想講咩,啲人覺得佢把聲清我又唔覺得囉,沉左啲,佢大聲多啲可能會冇左呢個缺憾.
之後上ue都係listening,都幾悶下,又同劉禮榮講埋啲無聊野,落堂之前又講起何兆聰甩頭髮既問題
lunch返黎既數統堂要quiz,測測下訓左係度,訓著左(不過係做完),訓醒超爆頭痛,好想死,好唔悶心,有題唔識,但係就好多人都識,我記得上年都係唔識呢啲題目,唉~真係不施進取!!!
之後bs堂,承接之前既頭痛,有少少暈,miss問我係咪唔舒服,但係我唔想佢煩我,我話冇事,之後要出黎present==" 唉~仆直左,唔知自己係度講啲咩,思路好亂!之後佢又吠,唉~好痛,好煩!之後又要抄筆記,睇到花都花埋,落堂都抄唔完
放學之後都係暈暈地,fionn仲想打我個頭添,冇理佢就走左,真係好驚佢打落黎...出左西鐵站勁大雨=="又變落水狗,唉~真黑仔!!上到青協做功課,但冇心機做,因為冇feel,之後浩兒黎左,咁就上8課啦,我今日講到一舊舊咁,唔好意思~之後睇多啦A夢,鋤dee,落M記食野,之後進行所謂既補習,賺左5蚊雞!^^返屋企 |
| 2005 年 11 月 13 日 星期日 |
| lazy bone |
分類: 未分類 |
今日起身頭都冇攪就出門口返教會,所以早左到,返到去蕭姑娘就昭我琴晚瞓唔瞓到呀?呢句說話真係好有意思囉,我唯有答佢瞓到啦!等左好耐都冇人返黎,我就入去先啦,越坐越多人,今日唔知點解會咁多人返,尤其係我地班後生仔,好多都返早堂,今日同時都係新浸完禮既一班會友第一次係天耀堂守聖餐,唔知佢地有咩感覺呢?今日篇道特別長,再加上聖餐主日,所以都幾遲先完,早堂完就要返主日學,今日好累><"之後完左就即刻去買包包食,超肚餓囉~食完之後冇幾耐又肚餓,做左一陣功課,就去左街市買左兩包蝦餅黎食,哈~口痕就真.係到做功課,不過講真冇咩心機做,冇動力!幾驚辛苦先做多半題bs,仲有一題未做,free writing又係寫得一半,中化完全未掂過,唔知點算.完左崇拜之後就推鳳妹返宿舍,之後返返教會,馬可團佢地去行山叫埋我去,不過冇法啦,我要做功課,但係其實都冇咩興趣,因為果度已經去過n次,=="之後阿森去左,留抵本書要我幫佢還==之後就踩岐哥架單車去啦,冇幾耐又返返去喇,之後又係度幫手收好教會d野,例行工作咁好似,因為冇人去做,><"去到兩點九,上青協希望繼續做功課,做做下,做左1/4題又冇心機,一路玩啤牌一路做,依家ko左半題,仲有半題未做.
6點走,同阿兒去收數,都係空手而回,白行,好肚餓,想快啲返屋企食飯...爆肚餓...仲要做功課tim~ |
« | 33 | 34 | 35 | 36 | 37 | 38 | 39 | 40 | 41 | 42 | ... | 73 | »
|
