今日瞓到好晏先起身，起身之後食完早餐就開始做功課，特然間fionn打電話黎，同我講話林生出左事，我當場唔知點好，個氣氛突然變得好壞，我好擔心佢會有咩事，之後我不斷係度亂唸野，我真係唔想佢有事，之後就同左阿樂講，叫佢一齊為林生禱告，之後唸唸下，要搵多啲人幫人一齊祈禱，因為我心想多人既力量遠勝於一人。之後就做左一個好唔理性既決定，我用訊息話晒比所有我有佢電話既人，希望大家一齊為到林生禱告。正因為我一個咁既決定，令到大家都好擔心，令到件事攪大左好多，而我都知道，林生都唔想有咁多人知，但係我就出於唔想佢有事而攪成咁，真係好對唔住！

　　之後上左２６ｃ了解下個情況，個氣氛令我好難受，因為我真係錯得好嚴重。當時我感覺自己好似只係可以再生存多幾分鐘，因為我個心起伏得好快，跳得好亂，幾乎係透唔到氣，之後大定一齊禱告，希望快啲有人搵到林生，同埋希望佢冇事。之後返學校

　　對唔住大家，我遲到！等埋阿品就開始，一開始就要我報告返個預算，我真係唔知可以點講好，就講返啲我計過既數據出黎比大家聽，之後就係咁比人插，其實我唔想咁，我唔係唔可以預計賣到幾多，而係我唔想成日都要公司冒險。講真做預算既時候我都有叫marketing做埋銷售預算，但係都知佢地好難預到，因為連舊野係點既樣都唔知，又點去預佢要賣幾錢呢，定價真係好緊要，一定錯價公司就會蝕大本。講真，我只係付出左俱俱５０蚊，我去定價唔係問題，但係為住其他果４９５０蚊既股東著想，我想將風險減到最低。之後收到蕭姑娘電話，佢話林生無事，真係感謝神。

　　之後返教會，行到門口有少少唔敢入去，入到去我冇搵到佢地，即刻去左波波池果邊開帳篷，之後就靜靜雞係度摺程序表，點知比愛慧發現左，之後佢地就知我返左黎喇，有啲唔知點面對佢地既感覺。

　　之後去左青協，做左陣功課，free writing開左個頭，今次寫"Life is full of wish"。

今天是一年一度的東華三院中學聯校運動會,跟以往一樣,都在小西灣運動場舉行,18間中學聚首一堂,場面熱鬧非常.

今早與劉同學一同選搭相信是最經濟的路線前往,首先是乘西鐵(自悠通來回$20)往南昌,然後轉乘東涌線至中環,轉港島線至杏花邨($5.7,來回$11.4),最後乘62號專線小巴($2.5,來回$5)total=$36.4,東華三院好像會每人資助$50,那就賺了$13.6,當作午飯的資助吧!

到達的時候,進了會場,首先看了看成績公報,看到張運發同學得到了跳高的金牌,但可惜成績未如你所想,哈~懶惰的張運發^^之後到了我們所在的位置,嵐已經早早到步,原來他誤會了九時便開始比賽,所以早到了.

整天幾乎都坐在看台之上,只有少數時間到了下邊和他們一起照顧啦啦隊和打氣,午飯前又和歐陽sir談天,講起lcci,他想我這年試考,(3級),但我又不想只得到合格的成績,因始終還未完全讀過所有課程,還要作考慮,而我又不想浪費金錢來報考2級,想一步登天(真是痴心"網"想),談話中又提及了不少他的生活事,特別是他的女朋友^^

下午大約也可上午差不多,只是經常被人說我自閉仔&冷淡怪><"心情低落....

回天水圍後到了26c,做家課,沖茶遞水,煮麵,洗碗....最後為美梅訂立讀書大計,好讓她有準備迎接高考...

　　跟平日一樣，朝早到慧景軒等專巴返學，人多了，又或是我遲了，不過總算能上車。每朝看到人們趕不及時間，而要改乘輕鐵的失落模樣，真替他們難過。加上現在其中一班車不知因甚麼的原固，而要由２９座交為２４座的另一輛細小的車子，令超額需求問題更為嚴重。

　　回到學校，往常的到四樓儲物室拿取上學所需的物品，然後到小食部等候鐘聲的響起，然後排隊，但可惜今早人太多了，連坐的位置也沒有，唯有站著等吧，幸好只是數分鐘而已。

　　今早的早講題及到冬至，但是天氣熱得很，與極形成極大的對比，我聽上去，真的難以忍受，加上時間也特別長，熱得我像快要暈倒般。早講完了，題及到下星期一將有管弦樂團到我校作表演，起初滿心歡喜，盼望著星期一的來臨，誰知，只是中一至三的同學能參與及少上第一節課節，我們倒要加長１５分鐘的閱讀課時間，心裡極其不滿。

　　閱讀課節的時候，劉禮榮同學介紹了一本書給我看《百萬英磅》，它是一本單簡的故事書，且內裡有還有練習和其他課外資識，文字淺白易明（English），且我又頗有興趣去看，好極了！

　　英文堂依然是最沉悶的課節，將兩堂的時間用來做Section E的練習。

　　企業堂在上堂前的時候，陳老師發現了桌上有一部有提電話，原來是周婉婷同學的，真的不小心呢，她在玩完電腦後忘了拿回，她們兩人的對話，又引起一陣歡笑。最後，分組討論的時候，在決定誰人要匯報，我們又以慣常的做法，猜情尋解決，我對此連一點兒的信心也沒有，因為上兩回都輸了，打定輸數，誰知（烏鴉口一出），真的又是我輸了，大三元＝＝！可惡的猜情尋！！！算了，總要找一個人出來的，匯殼也不用（上刀山落油獲），去吧！不過因時間問題，下星期一才匯報。

　　放學後，我到了學校的圖書館，繼續幹那未完成的Section E的練習，一邊做，一邊和中七的舊同學們談天，才知道原來這年是郭一葦中學負責聯校陸運會的工作，葉倩梅更是明天的學生代表，徐鳳霞同學是後備。幾經辛苦終於幹好了，交了就離開學校，到青協繼續努力！直至七時多離開，回家吃飯。

改名為---子符

今日上中化堂討論到自己個名既由來,每個同學都講下佢自己個名,好多人都同我一樣~係唔知點解,跟住又講下如果比你改你會點改,好多人都好知足咁,唔改,又可能係唔知點改啦~小明比人幫佢改做黃小仙^^,榮都係改做柴榮,真係可能係情有獨鍾啦,因為我都見過佢用係icq,之後何紹聰就話要改做呂布,哈~佢話因為呂布有貂蟬喎,佢可能仲發緊夢^^未訓醒...一講完貂蟬之後,全班既注意力放晒係佢隔離既fionn身上,傳說中既貂蟬...之後講佢個名講講下話佢智慧係零^^超爆攪笑,引起全班共鳴.之後就到我喇,我唸左好耐改咩好呢改咩好呢,之後唸起休,休咩呢?就係休子符喇!除左貨玩之外,其實真係有意思,我覺得好多野都好快咁黎好快咁走,我真係好想多一點空間,可以比我透一透氣,當有休子符既時候,一切都會停一停,其實係咪真係快就好呢?我自己就唔係咁睇喇...其實邱子符都幾得意丫^^

企業堂第一堂係quiz,兩題past paper話要1個鐘做完,真的有問題,之後比埋個小息,不過當然都係唔會做完啦,除非真係唸得好快同寫得好快啦!同埋其實都唔多識,唔知要答咩咁,算啦,盡左力就得,起碼對得住自己既應該!hope 啦^^"

難得一日放學之後冇野做,好快就走,搵岐哥,因為要陪佢去買野,佢係26c,咁我就上青協做一做野等佢,之後同埋阿森一齊落元朗,等埋岐哥就行動,首先係G2000(因為我有會員卡),但好可惜褲頭最大去到36',唔岩佢,之後去Crocodile,果度褲頭去到38',都係唔岩,之後去兄弟,點知又係38',次後佢地去同益,我就去補習,補完之後上青協睇下有咩人,見到wendy同小景,之後講左兩句就走,去頌富商務,問有冇bs past paper,因為三聯話冇貨,商務又要等一兩日先知,好擔心買唔到比你地,希望有貨啦...

返屋企

唉~今日一入學校門口就比miss叫住,開頭仲以為佢捉我個頭,點知原來係我件底衫太高,佢話要著低胸喎,之後佢叫fionn記我名,我無奈咁笑,之後又比miss話,你地識ga?fionn即刻話唔識,唉~朋友就係咁,識都唔洗死姐,今年留下第一個污點,深深咁刻係我心深處,我會好好記住。

今日上星期五課節,第一堂就黎個企業問答比賽,唔知點解我地組既必答題好似特別難咁==",係咪同我地組5個有4個都係讀過bs有關,哈~賴得就賴...不過好彩,最尾總算有個第2,輸左ge兩組就要請食糖

之後上stats.都係講log function.(common log & nature log),同埋講下d function點轉咁,之後就比左好多題既家課,兩個單元,之後就起勢咁做做做,終於集合左我同流蟻榮既努力,好成功咁係落堂前交到功課,睇返起,榮今年應該會好有進步,希望唔會令我失望啦.

會計同講mark up轉margin同埋做少少數,攪左一堂有多=="救命...第二堂仲拎晒黎計數添,好浪費真係...

放學之後佢地econ研究小組又開會,肥b,發,同榮講到拍晒枱,超攪笑~

之後就補英文,都係讀果篇詩歌