時間過得好快咁,話咁快就到星期四喇,同樣功課又開始累積起黎喇=="例牌有ge功課,唉~

早會之後要留抵聽mario(傅sir)講聽日去聯校畢業典禮既野,好廢...家良佢話冇校褸,佢答,咁你今日好攪掂佢喇..超廢既答案,十年如一...之後要上禮堂poor old lady...又有d新野咁...

上會計堂,第一時間對返琴晚做果題數,點知原來都錯左唔少,都係睇錯少少野之後攪成ge...=="

兩堂UE做Section E...

企業堂,miss冇啦啦叫我,原來係比返份野我(琴日交),成班得我一個人做,分數都ok啦...24/28(冇記錯的話)...之後講下筆記...之後派測驗卷...好期待,兩題past paper,成班得一個人叫做pass(計一半分的話..25分)得幾個係20分或以上,我係其中一個,今次又係21分,真係好有緣囉同21,第一次又係21vs0,今次又係21vs0,每次都係一條有分一條冇分,每次都係一個分有gd一個冇,真係宿命...榮今次竟然係0vs0,超驚訝囉...今次好似係阿pet最高分...

放學之後去搵玲姐,哈~條褲攪掂左喇,連冇叫佢ge都幫我整埋,真係唔該晒玲姐...^^

之後就去補m&s喇,教書,哈~咁快就要補課喇,都唔知之後點算,冇辦法啦,一如以往,d人都係好嘈...上唔到堂ge

唔知點解好快就補完,比預期少左一個鐘,之後阿榮同佢地睇掌...係咁講佢地,又咩官非呀,條仔靚唔靚呀,幾多歲嫁呀咁...又話佢地個個都冇$,我就有喎...輝哥條女最靚...有A喎...哈~唔知係咪呢?講左好耐,一齊走...走果陣見到犯眾憎,又引起共鳴,真不愧為犯眾憎...名不虛傳

去青協做pa...

會計做到lee一刻,我平到條數,好開心,希望平到之餘係岩啦,因為冇乜幾可可以平到數...^^去訓lu~好驚聽朝又唔知醒

今日閱讀課要練習poor old lady，又擺左個新陣型，d人冇咩意欲去講，聽聞聽朝都要練。

中化堂第一堂用左黎做閱讀理解(計平時分喎)，都幾難做。之後果堂用左d時間做專題介紹，今日我都有份比意見人(胡嘉雯)。

小息既時候，fionn整甩左個百葉廉，令為班人起哄，攪到佢冇聲出咁制。

UE堂，唔知點解好似聽到琴日話今日用oral堂黎練poor old lady，點知冇左回事，我冇帶到oral份野，不過算啦，我都唔記得準備，結果成堂既氣氛都唔係咁好咁，因為好多人都冇準備過。

lunch，今日食炒麵，但唔多夠飽．．．

之後企業堂，miss見我地有past paper就突然間唔同左，講講下佢叫班同學多謝我，果一刻超無奈，上個星期五先至好似係度鬧我攪小小野都唔掂，依家就做埋d咁既野，都唔知佢想點。講講下，唔知周婉婷講錯左個咩音，miss勁大反應，因為有機會串返人(平時佢堂堂都講錯音，係咁比人串)，今日一搵到機會，就失晒控，起越拎起個水樽，好似想打落周婉婷到咁，哈，個情景超爆攪笑。之後講講下，拉左校規黎講，miss之後係咁比人串就引經據典咁話：「要尊敬師長」，攪攪下咁就一堂。之後果堂講左條case，之後就放學喇。

開locker既時候，fionn冇啦啦走黎claim＄，我唸係一早用黎做研究既＄，又唔早d拎黎。之後去左搵玲姐，叫佢幫我改褲，哈∼我地既感情實在太好喇，佢一口就應承左，唔該晒玲姐 。之後去左補會計，點知阿sir話今日唔會點教野，所以我就拎份好耐之前既newspaper commentary出黎做，去到４點幾就完，超早。

落元朗交電話費，之後見肚餓，唔想一陣補習分心，就去左買野食喇，一開始買左兩個粉果，食完之後再食多４粒魚肉，哈∼正！好耐都冇食過。補習早到左，加上佳哥又遲到，所以等左好耐，放又準時過人喎！唉∼又呃我鐘！

去青協，拎左條呔，坐左陣就睇左陣書就走，因為冇落抵既作用，同埋冇咩心機留係度。(可以話係心無可戀)

　　今日好唔想圯身返學，真係好累呀近排，成日都做功課做到好夜先去訓．．．

今日ｐａ堂兩堂都用黎做數

ｐｅ堂打欖球比賽（帶式欖球）男仔５打５，我同肥ｂ，發，榮同班長一組，一開波我地先拔頭籌，又我拎左第１分＾＾，之後比人追平，但我地都係食住個勢，不斷咁進攻，最尾贏左．．．之後打左兩場女子，好得意，明明佢地冇比人拎到條帶但係都會停係度傳波比人，而yuki同fionn呢就好鐘意跑好大個圈，佢地一人跑一邊，分別由加跑去左，同左跑去右，兜好大個圈．．．最勁果球應該係yuki，由自己底線拎住個波，跑到去人地底線得分，成班拍晒手＾＾，之後又到返男對男，今次我地個個都唔在狀態，防守好弱，係咁比人得分＝＝”輸左，anyway今堂幾好玩，下堂繼續．．．

中化堂做短講──「當生命還有一天」，今次又係有好多人都想講，最尾用左一堂．．．之後果堂教公函．．．放學之後即走，去青考做功課，但係應該係做唔成．．．之後玩下，跟住上８課，上完睇左陣電視，就送浩兒同美梅返屋企，途中又講到讀書同升學ｇｅ問題．．．之後行去銀座搭車．．．

　　當有人對你說；「你的生命只剩下最後一天」，你會怎樣運用這一天呢？環遊世界？借一大筆貸款糊亂揮霍？還是做其他很想做的東西呢？

　　一個消極的人，聽到這句說話之後，很容易會想著：「我還有很多東西很想做，而還未做到呢，例如理想還未達成。」不斷的在憂慮著自己只剩下短短一天的時間，而又有很多的東西希望做到，反覆的憂慮、思索，時間一分一秒的過去，可能直接生命的最後一刻，連一件小事也沒有做到就已經要離開人世。

　　若是一個積極的人，他不會介意自己還剩下多少時間，他只會想：「我怎樣好好運用這短短的一天？如何活得有意義呢？」直至離逝前，他也發覺自己是死而無憾的，因為他不會對自己所做的後悔。

　　而我，我必定會好好珍惜這一天。雖然時間真的很有限，但只要好好運用這短小的時間，其實也能夠做到很多很有意義，且很有價值的事。首先，我不會反覆思想著：「我的理想還未達到呢？我還有很多事情未做到呢？」等等，而我卻會儘可能與我的親友道別，並且一同回憶一下我們在往日相處所遇到的事，不論快樂與否；之後，我很希望能解開與他人的隔膜與不和，我會主動與他們和好，因為生命已到盡頭，再不解開大家的心結，就只會抱憾終生。其後，我希望做一些有意義的事情，例如義工、捐血等等，因為這些事情都是往日很少做的事，到了現在，生命快要終結，此時還不去做，那麼就再沒有機會，沒有時間去做了。正所謂：「生於社會，用諸社會，付諸社會」我們不能白白享用別人勤勞得來的成果，而不去付出半點東西，這是很自私的行為。最後，我會把我的所以，捐給有需要的人，包括我的財產和身體，一切一切都全然付上，因為財產是不能帶走的，而身體可以幫照一殘缺的人，幫助他們延續生命，這比起親力親力可能更有意義。

　　當然，最理想的，就是所有人都相信耶穌，大家都有永生，那麼就不用憂慮甚麼了，因為我只是比其他人早一點到天家，將來也必會重聚的。