正文係下面...

今日係兩日黎第 2 次BBQ... 所以今次主題係BBQ volume 2

下午2 點左右, 食完飯, on 左陣line 就去左m 記集合去BBQ, 行過去果陣真係晒到燶....不過好彩有得傾電話~ 心情都好d~ 去到得 yip yip ja, then 諗住去toilet... 順便整下條鞋帶, 點知一出 toilet 諗住行番上去果陣有人叫我, 原來珊珊, 黃宣華同沙僧一早黎到~ 頭先都見佢地唔到tim, 之後yan 同龜都黎左~

咁我地就去買野食, 又係去番上次果間~ 個老闆娘話認得我... wakakakaka
去到一次過買晒d 野食, 本來 $214.5, 最後佢收左我地 $210~

then 就去惠康買埋d 野飲, 買埋炭, 就入去大尾督la~ 搭車果陣係咁同龜, 珊珊果d 傾計, 入到去都仲係好晒, 個沙僧又蠢到去完廁所蕩失路, 打電話黎煩住我.. 真係勁炆, 不過我地揀左果個位都幾好風, 一開始都係係果度吹海風ja~ 好舒服, 之後起爐, 起完爐果陣so sir 都黎左lu~

食果陣發覺d 丸勁少, 同last night 真係好大分別... last night 都食左 4~5 round 丸, 7~8 round 扒, 真係勁飽, 但係今日就真係唔夠食..... 諗諗下冇理由得咁少, 一人都夾左 30 蚊~ 食晒d 野好似冇食過咁, 不過我地都燒左好耐~ 燒到個天黑晒, 搞到都睇唔到d 野食有冇燶, 要用電筒照先睇到.. haha, 最後大家都燒到冇乜 mood, 淨係燒綿花糖~ 雖然我地個個都唔夠飽, 但係都食剩少少野.... 不過今次剩番好少ja~ 都唔係 waste 好多

之後成班人上晒條堤壩度, 果度真係黑到伸手不見五指.......我地係果度傾計, 都幾開心~ 沙僧又係度講埋d 白痴野... 又問 ' 加拿大 ' 係咩意思, 又問點解天上面會有咁多星........ 唉, 聽得多都變低B, 仲衰過睇放學 ICU...  傾到悶果陣我地係度玩 truth or dare~ 最搞笑都係沙僧對住個海大嗌同埋龜做埋d  動作law.. haha~ 至於做過d 乜, 講過 d 乜, 就係我地 9 個人ge 秘密la~

玩完就搭車返大埔中心, 珊珊同yan 就返屋企~ 我地去左 raonbow 食糖水... 好耐未去過lu~ 之後成班人再送yip 返屋企, so sir,龜, 沙僧同黃宣華就搭 K17 返火車站, 我就孤身返富亨~ haha

今日好tired, but 都算開心~ 聽日應該仲開心~wakakaka

本來last night 都幾頹下~ 但係今日訓醒, 都算係冇乜事lu.... 希望我地以後可以開開心心la~

下午係屋企聽歌, 之後傾左陣電話就出去lu~ 去到我係最早果幾個.....

等人等左成半個鐘左右~ d 人先到齊, 最遲又係許銘la~  今次bbq 都算係幾多人去, 有成 22 個...有一半人, 所以我地用左班會d 錢~ 到時大家一人分唔番 20 蚊lu.. 只怪你地冇黎la

講番個BBQ, 果度都算係咁~ 50 蚊任食, d 野都幾好食...haha~ 今次真係食到飽到上心口, 好耐都未試過咁飽.......一路食一路傾下計咁, 今日都算係5E 臨散band 之前ge 一個 good ending... 都幾開心 la

我同cream, albert, 謝鎮, 蕉, 周周 6 個走先~ 返左大埔機鋪打機... 一黎我都食到好飽, 係果度好悶, 二黎去機鋪好似都幾好玩~ 去到其實我都冇乜點打.. 係睇佢地玩同埋幫周周玩 ' 捉錯處 ' , 好搞野.. 坐係隔離打機果條友好勁, 一眼就睇到邊度唔同, 仲幫我地按埋~ 有幾次都係靠佢先過到關ja, 雖然我地唔識佢~

玩到咁上下,其他人都係大尾督返左黎, 就一齊去左食糖水~　可惜 rainbow 冇開, 去左芒果大王食... 今次試新野, 幾好食wo~ 芒果大王都唔係咁差

之後就返屋企la~ 聽日有 BBQ volume 2, 敬請留意

P.S. : last night 唔記得左打... 出去BBQ 果陣順手攞埋考試局封信, 果然係 ' I am pleased to report that your result was found to be correct and that no error was detected... '

搞錯, oral 拎E 已經成為事實

是是但但打番篇日記先... 冇乜心機打

今朝 10 點幾起左身返教會la~ 一起身屋企一個人都冇.. 嚇窒... 返到去都好準時~ 今日有新朋友返黎wo~ 就係yan yan la, 返完之後問佢感覺點, 佢話幾好wo~ haha, 希望佢可以繼續返la

完左之後就諗住收番上次打邊爐條數, 收得 20 蚊ja~ then 企係條街度講去bbq d 野  =_=
決定左 星期2 去bbq lu~ 我諗多d 人會得閒d

傾完我就去左圖書館還書, 佢地就有自己地方去... 比人罰左6 蚊..
諗住叫佢地出黎食野...... 極度 hungry
但係約唔到人~ 所以行返富亨, 去大家樂買野食.... 新出果隻意粉好好食!!!

下午係屋企無聊... 冇得傾電話, 所以訓左陣覺~ 都幾 tired... 尋晚睇波睇到差唔多 4 點

夜晚就傾左陣電話同埋睇波~ 而家好似日日都睇兩場波...... 睇到傻

就快開學, 好想趁機會出多d 街...... 可惜事與願違...
but 我一定會珍惜每一個同你出街ge 機會ge~ 用多少少錢都冇所謂la~

P.S. : 頭先發生件事令我好頹... 好耐都未試過有d 咁頹ge 感覺
        令我諗左好多個問題.......心中充滿問號....
        究竟.....係我諗多左 ? 定係......

今日主題係 ' 大家還錢 ' , 所以今日日記內容就係要叫大家還錢~ haha

其實係因為今日成日都冇乜野做, 費事打lu~ 唔知點解訓覺發夢見到楊千樺...... 痴線

so sir 話尋日每人要夾 $27, 大家記住la~ 如果有咩財政困難可以慢慢黎ge.... 我唔等錢洗, 不過都希望大家記得 la~ 因為今次打邊爐有超過一半ge 錢係我出... wuwuwuwu........ 大家可憐下我la ~ haha