| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
 最 新 的 日 記 |
|
| |
|
我 的 好 友 |
|
| |
尚無任何好友
| |
|
我 的 連 結 |
|
尚無任何連結
| |
|
| 2005 年 9 月 5 日 星期一 |
 | |
 game
 |
龜話要每人寫 5 個怪癖... 就寫下la
1. 每朝會食完早餐先刷牙
2. 唔會淨食生菜
3. 同han 行街要企佢左手邊
4. 平時出街銀包放右邊, 手提放左邊
5.鍾意日頭訓覺, 唔鍾意夜晚訓覺
|
|
發表時間︰2005-09-05 10:05 PM [ 訪客留言(0) ] [ 編輯日誌 ] [ 分享至FACEBOOK ]
|
|
第 2 日正式返學
|
今朝起身真係幾精神~ 又係 7 點起身係度睇下電視咁....
終於用得locker~ 即刻放晒d書入去, 今日放學果陣書包一本書都冇~good
第 1 堂上chem, 講enthalpy, 都ok明~ d 數都幾易計, 遲d 試下做下d exercises 先, 之後bio 堂真係幾正, 愈黎愈鍾意上 bio 堂~
小息後的中化堂搵人出黎短講~ 好多人都講搵工d 野~ 我就冇返工, 遲d 都唔知講乜好..
phy 堂就真係無聊..... 條友講野勁悶, 講 d physics quatities 都講左兩堂, 咁我就自己搵d mc 黎做, 都係ce level 再深少少, 咁就過左3 堂........
放左學就等埋人先走........雖然見得一陣~ 但係都幾開心...wakaka
下午係屋企訓覺, 夜晚就煮飯...好耐都未炒過餸, 今日係呢一兩個月黎第一次炒餸.......炒得太熟, 因為驚有豬鏈球菌............再蒸埋條魚, 咁就搞掂一餐飯~
因為傾緊電話, 所以打得比較簡潔d~ haha
|
|
發表時間︰2005-09-05 09:29 PM [ 訪客留言(0) ] [ 編輯日誌 ] [ 分享至FACEBOOK ]
|
| 2005 年 9 月 4 日 星期日 |
| |
|
終於整番部機~
|
呢兩日部機壞左, 連機都開唔到~ 最後brother 問人借左部機返黎....換番自己d hardisk...但係唔知點解有一個hardisk 用唔到∼ 搞到而家都係用人地個os, 勁唔方便, 好唔慣, 不過上到網就算~遲d 有錢即刻砌過部... 舊果部應該係 mainboard 壞左..
講番呢兩日~ 第一日教書, d 老師都冇乜野, chem 個老師講野好細聲, 張照光講野勁快, 沈志明講野好搞笑.....最記得就係沈志明成日都問' 你地知唔知我講緊乜 ? ' , 之後又話 ' 我諗你地知我講乜 ' , 仲有 ' 千祈唔好放低你本書 ' , 又有 ' 舉一反三 ' , 即刻諗起 wongken... 佢仲講 ' 學海無涯, 唯勤是岸 ' ....... 佢真係成日講呢幾句野, 不過我覺得佢教 bio 唔錯~ 都講得幾好
頭呢幾堂d 老師都係比 d statistic 我地睇, 就算 phy 同bio ce 有A, AL A 得番ge 機會有 3 成同2 成, 我諗都唔係太難~ 反而chem要升grade 有d 難度, 不過我相信 chem 今次A唔到係意外je~ haha~ 小息見到wongken 果陣佢過黎話我叻仔, 不過佢話我都要keep住, 唔係會比珊珊果d追過wo~ 好~ 我都要努力
果日放左學之後諗住同han食飯, 撞到 60 同慧慧, 點知去到大中又撞到so sir 同60, 真係有緣~ 咁咪 4 個一齊食, 果度d位真係幾舒服...有d坐到唔想走, 不過都係走左..then 行左陣就返home lu~
返到去father 話比我聽grandma 入左醫院, 原來佢係百佳買野跌親, knee cap 碎左......要做手術, 唔係行唔返....呢排屋企好似有好多事咁, 想安靜d都唔得, 不過都慣ga la~ father 一日到黑淨係識發脾氣, 又唔肯用腦諗下野... 唉~ 算了~ 返到去又知道電腦壞左, 果陣真係悶到嘔.. 好彩有得傾電話~ 傾到好夜~ haha
星期 6 都係係屋企無聊... 下午咪傾下電話咁..夜晚睇第 2 次海底奇兵, 睇到訓著..
今日就開心得多la~ 因為有得出街, 朝早 9 點返教會個gathering, 遲左 5mins, 點知so sir 仲遲.....同佢地一齊查左一陣經就走lu~因為約左人....hehe, 係大中行左陣, 之後佢就上左黎我屋企, then 就一齊行返太和~ 佢陪我食野.. 真係感動la~ 今日好開心
P.S. : 果 10 分鐘好難忘, 唔知你明唔明我講咩呢？wakakaka~
用人地部機真係好唔慣, 又慢, 用落d setting 好唔順手, 搞到打一篇日記都用左咁多時間......好想砌過部機... |
|
發表時間︰2005-09-04 08:41 PM [ 訪客留言(0) ] [ 編輯日誌 ] [ 分享至FACEBOOK ]
|
| 2005 年 9 月 1 日 星期四 |
| |
開學了~ 
|
今日 7 點鐘就起左身, 雖然 last night 2 點幾 3 點先訓, 但係毫無倦意wo~ 一起身就食早餐, 刷牙, 洗面, 換衫果d, 搞左一大輪7:50 就出門口~
返到去就睇下 6B 係咩課室, 原來係 3/F~ 都好ge.. 3/F 都算近, 但係其實我上堂只會有好少時間係課室... 因為 phy chem bio 都要係 lab 上, phy 同 chem lab 都係 6/F... 又係要行, 原來6A 係2/F, 仲以為 6A 同6B 會係同一層tim~ haha
上到去課室得幾條友... so sir, cream, 珊珊, yan, 馮嘉俊... 一入去淨係覺得個課室好大陣味, 好臭, 唔知咩味黎~ 又發現我地班有 32 人但係得 30 個lockers... then 傾傾下d 人都陸續返到黎, miss luk 都黎左~ 唔駛講都知佢係班主任... 之後兩年都要對住佢lu
then 就派下野, 選班長, 陳志偉自願做左班長~ 以後收功課唔知會點呢.. haha, 我發覺我地班黎緊d 堂都幾din, 不過 A-level 係要習慣下連續上 3 堂 bio ga la~ 冇經訓堂, yeah!! 又唔駛默書~原來我地 chem 係由新阿sir 教..... 期待中, 聽日有佢堂~
搞掂晒落堂聽校長吹水, 見到 6A 個新班主任~ 正......
跟住入禮堂, 真係極度無聊, 成日都講果d 野, 無lala 又提孔子, 講完咁耐我都唔知佢講過乜........
都係介紹新老師果 part 最開心~ 甘sir 果d 有勁多掌聲...
上番去之後就將d 野放晒落個 locker果度, 雖然唔比用, 但係我都照放落去......
等埋班 pure maths 人就走~ 原來佢地要去聽邵逸夫獎講座.....
落到去學校門口等龜... 等左勁耐都冇人, 蕉叫我地走先~ 成班人去晒 cafe polanka 食飯, 無幾耐龜同陳志偉都黎埋, 坐滿晒一張大枱~ 係度傾計, 都幾開心~
之後陪佢地去睇書包..... 睇左一陣ja, 佢地又話要影學生相, 咁我就返屋企lu~ 今日諗住去換校服褲都係換唔到, 聽日又要攞多次去........煩
返到屋企就有d 眼訓~ 所以訓著左~ haha
期待聽日第 1 日上堂 |
|
發表時間︰2005-09-01 08:46 PM [ 訪客留言(0) ] [ 編輯日誌 ] [ 分享至FACEBOOK ]
|
| 2005 年 8 月 31 日 星期三 |
| |
準備開學~ 
|
起身果陣都已經係 12 點幾... 迷迷糊糊咁食左d 野, 就出門口陪人去元朗買書~
今日去粉嶺果陣又係搞到身水身汗, 真係熱到爆........ 好彩上到架冷氣巴有得涼下, 搭車去元朗果陣架車好唔穩定, 成日 dun 黎dun 去, 不過冇乜所謂la~ 搭左一個鐘左右, 我地就去到元朗lu~
真係好耐未去過元朗, 見到有恒香老餅家......有d 想食餅, 原來元朗果度d 鋪頭都幾密麻麻, 成個旺角咁.... 仲有d 輕鐵係度穿插, 幾得意~ 落左車之後就搵果間書局... 搵左一陣就搵到lu~ 但係都仲未買齊, 仲差一本..
之後就係果度d 商場行, 果度都幾多野行wo~ 本來諗住食野, 但係附近得mcdonald, KFC 果d, 唔係太想食~ 點知比我地行行下見到有間鋪頭d 下午茶都幾吸引, 又平, d 裝修仲幾靚tim~ 走寶lu
then 就搭巴士返去, 又係搭一個鐘......果邊d 景色真係可以用' 荒蕪 ' 黎形容, 除左睇景外, 搭搭下巴士果陣有個人係咁打噴嚏, 搞到d 口水鼻涕出晒黎... 勁嘔心........ 唔知點解成個巴士上層果d 人都係阿叔黎ge~ 我地最後生..
搭巴士回程果陣特別開心~ haha, 因為.......
搭番火車返大埔之後就去左大埔中心, 因為要剪頭髮同買番條校服褲
係果度等左一個鐘左右~ 終於cut 完... 短左好多
再去番昌運買褲~ 今日終於搞掂晒d 野
返到屋企果陣都成 7:35 lu~
今日好 tired... 聽日開學lu
唔知會點呢 ? 唔好搵我做班長就得la~
|
|
發表時間︰2005-08-31 09:48 PM [ 訪客留言(0) ] [ 編輯日誌 ] [ 分享至FACEBOOK ]
|
| « | 62 | 63 | 64 | 65 | 66 | 67 | 68 | 69 | 70 | 71 | ... | 74 | » | |
