尋晚本來想今朝唔去踢波, 之後傾傾下又想去, 但係今朝最後都係冇去.......

訓到12 點~ 就換衫出去lu~ 12 點 4 出門口, 12 點10 就去到沙田....

因為han果個 daniel 好似放1 點, 我又唔知去邊好~ 咪直接上埋現代等, 係度睇番現代d tutors 出ge reference books..... 又睇下現代d 廣告, d 10A 狀元全都都好似有補 simon ge bio... 而A-level考得好ge 通常有補 K.Kwong, 好似兩個tutors 都幾勁咁~ 其實我覺得現代d tutors 係勁過英皇ga... haha

等左人之後就去左食野, 嚇左佢一跳~ 而家新城市仲係裝緊修, 幾時先整好? 好唔like 佢而家咁頹廢ge 樣.....度度都有d 版圍住唔比人行,又冇左勁多商鋪, 好唔掂~

都要搵左一陣位先有得食野~ 食KFC, 好耐未食過~ 好想食佢d 薯塊.. 但係今日冇食, 走果陣見到ida 同關正wo~ida 好大聲同我地講hello... haha

之後同左han 去宜家傢俬行, 今次係我第2 黎ja~ 有d 單位同上次我地去一模一樣....有d 擺設又係, 不過都有新野~果度真係好大, 行左個半鐘, d 單位真係好靚ar~

then 去左食野, 食左個KFC 餐都仲係好hungry,所以去mcdonald 食左個包~

食完就返去lu~ 今日回程係最快ge 一次~haha

好鍾意搭巴士ar!!因為....kekekekeke

今日d 堂... 唔知點解過得好快
頭 3 堂上左oral 同physics, 坐下坐下, 好快就打鐘

小息後ge PE 堂已經算係最刺激ge 兩堂~ 因為要度高,磅重, 仲要揀下pe 堂上d 乜~
高左 1.5cm 同重左 1.5kg... 真係好想增肥.......
至於揀上乜, 我就揀左softball, rugby, funky dance..... 同埋一個唔知乜......
有d 期待 funky dance..雖然係揀無可揀, 但係伍sir 話好玩
成班男仔一齊跳~ 唔駛比人睇到就得la
haha

lunch 後 3 堂chem 都係教番果d~ 都唔知佢幾時先教 entropy
呢 3 堂chem 都唔知做過d 乜, 佢講果d 我又識, 咪係度教下人畫 enthalpy cycle law~haha
遲d 有得做lab, 正! 我好期待
其實個新阿sir 都教得唔差... 可能冇郁sir 咁好掛
未比郁sir 教過, 我都唔知
但係大家都好懷念黃子榮

放左學成班人去左同miss chiu 食飯~ 氣氛好似冇上次同miss lau 食咁好
可能係冇時間, 或者同miss chiu 冇咁多野講...
走果陣撞到校長, 仲見到一個奇景...
就係校長幫何中傳奇人物張世kit 擔遮.................
雖然我地成班人都遲左到, 但係有miss chiu 同校長護送~ 未驚過... haha

上到上library 差唔多全部人都黎齊...... 坐晒係一邊咁, 好似排個陣式黎迎接我地咁
冇計la~ 我地果度差唔多半班6B, 佢地唔等唔得
呢個 so called ' 迎新日 ' 真係幾無聊, 玩左d game, 但係唔知有咩意義... 雖然d game 都幾搞笑~haha
最搞笑就係張世kit 玩d 氣球果陣d 動作勁核突............. 佢好鍾意用條腰對下, 大脾對上的位置頂氣球.......

放學果陣就同人會合, 真係唔好意思~ 久等la
就算有人話我都冇所謂la~ 你支持我咪得law~ 係咪? haha
之後行返去太和, 係商務買左3 個file 同一本簿
再陪埋人等車就自己搭 71K 返去
係那打素落左車~行去大埔醫院, 因為要探 grandma
my brother said grandma 間病房係 2/F, 點知我搭lift 果陣見到 2/F 係精神科............
見到 3/F 係骨科, 就上左 3/F~
探左一陣就走lu

搭lift 落去果陣勁恐怖....間醫院分為 LG, G, 1,2,3,4, 咁多層
我唔記得左個入口大堂係幾樓, 所以就是但按左 LG
果d lift 係前後都有門果隻~ 成架lift 得我一個
落到 LG, 我以為前邊果個門會開, 因為我係前邊果個門入黎.......
點知後邊有d 聲傳出黎, 我一拎轉頭, 就見到一條好狹長又陰暗ge 通道, 上面有個牌寫住 ' 殮房 '
果條通道d 牆壁仲要白雪雪咁..... 見到真係嚇左一窒, 唔係講笑...
之後即刻按關門, 點知架 lift d reaction time 勁慢............
成 2,3 秒都唔關門, 睇黎呢個情景都會係我腦海一段日子...

then 行返屋企~ 今日完

本來今朝約左珊珊 7 點10 返到學校,傾下上台d 野,  但係我遲到,,, 7 點11 先返到
佢已經問左趙sir, 今日都冇得擺 counter... that's mean 要星期1 先可以收members
但係今日就要我地宣傳...... 趙sir 辦事的方式真奇特~haha

望左兩眼份稿就要上去....一開始我同珊珊都唔知點咁
因為miss wong 係咁講, 好似冇空位比我地zip 入去, 最後我同珊珊走埋去.... 原來佢都記得我地~ 好彩
上到去都ok 緊張.....手震
不過好彩把聲冇震, haha
最後都算無驚無險...... 雖然今次宣傳係有d 悶, 因為冇乜準備
但係都算係完成左...good

then 就上堂lu~今日d 堂都冇乜野, 最鍾意都仲係bio堂..... 而家教d bio 基本上係chem 黎
正確d 講全部都係 organic chem, 沈sir 話要教一個學期呢d 咁ge 野先會比我地讀番d 正常ge bio...

最後 3 堂UE 又係選班會ge 時刻, 陳志偉做左主席~ 控制班會成功... haha
不過佢就冇得做班長~ 搵左個5D 人做
初步覺得miss luk 都幾投入我地班, 其實佢幾nice, 不過係佢把聲.....

放學果陣, miss luk 話黃子榮仲有成日提起我... 佢王子想我做醫生wo~ 我都想ga
希望得, 不過真係要好強毅力..... 話唔定我遲d 又做第 2 樣lu~

放左學就同人會合la~ 今日去左味千食野, 食完就出沙田~
去到陪人報補習.....之後咪行下街咁
傻到係條街度倒數....... 因為今日係一個月lu~
返到屋企, 已經成 7 點
真係好眼訓..... 好tired
但係幾開心ga~

聽日有得度高磅重... pe 堂...

比+0 tap 左.. 其實個 tap 字即係咩意思 ? 有時又話比人貼左, 是但la~

今次ge 問題係 ' 夢中情人 ' , 其實都唔駛點講, 我份人好隨和... 不過都寫下la~ hehe..

1.唔好太樣衰

2.唔好太肥

3.一定唔可以食煙!!!

4.專一

5.對我好

6.唔好咁粗魯

7.唔好太蠢

真係好簡單............ 寫左= 冇寫

我諗我地form 都有大把女仔符合我ge 要求~ haha

又要搵人答... 都唔知搵邊個好
d 人都比人搵晒黎答... 剩番果d 都唔夠5 個

講番今日上堂先~ 都幾開心
今日chem 堂都計唔到條數, 個step 我諗到, 又係同阿sir 講最後個方法一樣
但係唔知計錯左d 乜~ 跟住落堂果陣個個都係個lab 度唔肯走, 搞到中文堂勁遲先上.. haha

之後d 堂都冇乜野~ 係bio 堂放果陣撞到6A 上Geog ge 同學... haha
英文堂就講番d syllabus, 其實最後選班會先係今日高潮所在
真係好搞野, 本來陳志偉都做左主席, 但係而家又話聽日再選~ 我支持陳志偉, 控制6B班會, wakaka

放左學就同成班人去食飯..... then 係果度坐~ 傾計
行到昌運果陣拎番條校服褲同埋諗住去銀行入錢~ 點知見到一個傾緊電話ge瘋子
佢話han係下面wo~ 咁就即刻落去搵佢la~haha
之後行左陣大中, 送埋佢返屋企就返去lu

聽日要上台幫理科學會宣傳, 仲未諗tim~ 簡簡單單算la

今日都算係幾開心...chem 又係講 enthalpy, 而家覺得幾易, 因為d exercise 都識做, 今日果堂都唔係好駛聽佢講, 自己係度做 exercises....可能頭幾課係易 d ga la~

愈黎愈忍唔到 physics 堂!!!都唔明點解條友講unit 都可以講幾日, 只係d 單位...... 真係當我地白痴咩....... 所以physics 堂我都係做番 chem d exercises........... 而家對 physics 個老師真係冇乜期望, 好唔掂.....

小息落左去搵趙sir, 我做左理科學會主席lu~ 後日就要宣傳... 好急下wo, 都唔比多d 時間我地 prepare, 要諗d 特別野搞下~ 費事上堂淨講咁沉悶......

兩堂 bio 過得好快, 今日比佢d 名詞嚇窒左, 咩 alpha-1,4 glycosidic bond, 原來連 glucose 都有分 alpha glucose 同 beta glucose...... 讀得 bio 多, d organic chem 實會好勁.......不過我都幾期待學多d bio 野.. haha

第 2 個小息係課室研究d chem, 之後中文堂真係幾無聊, 又係聽人短講~ 有排先到我, 未驚過
英文堂就講下 UE 點考, 分 5 個sections.... 最有信心都係 grammar 果個 section, 其實我唔係好識 d grammar, 但係次次都比我估中邊個係答案, 我都唔明點解...走果陣同miss luk 傾左陣, 佢話我唔駛驚AL wo~ 其實我好驚~ haha

放學果陣就係今日最開心果陣, 因為約左 miss lau 食飯, 去左富善果間茶樓~ 都有 11 個人去ga, 今日都食得幾開心, 同miss lau 傾下咁, 佢都幾隨和, 之後佢有事走先~ 我地就繼續食~ 最後食到飽晒係度傾計... 真係乜都傾, 大學, 電影, 課外活動..... 都傾餐飽, 大家都有好多野想搞, 既然大部份學會post 都學係我地手上, 今年唔搞就冇機會ga la~ 但係都要過到學校果關先..

返到屋企都成 4 點半, 今晚又要煮飯...... 就快變住家男人

P.S. : 今日見唔到你, 好似差緊d 野咁...

真係好驚...

再打, 頭先一手一腳煮左餐飯, 搞左成粒鐘, 都算係有 3 餸1飯....... 夠屋企 3 條友食, 整完都幾 tired 下.....
夜晚唔知點解頹頹地, 可能因為.......... 唉.... 一言難盡