尋日冇打日記~ 因為都唔得閒打

本來諗住上午做功課, 但係訓到成 3 點半先起身... 做左半份 newspaper clipping 就出門口~ 去左鰂魚涌食飯....又見到果對 twins bb la~ 好得意...我第時一定要生BB!!

8 點左右就開始食飯~ 食到10 點, 今次唔係好飽ja wo~ d 菜又上得慢, 不過d 野幾好食~ 返到去成 12 點, 上左陣網就做功課~ 係度諗用咩做時事評論好都諗左好耐... 2 點幾訓覺~

今日就要返學, 早會排隊果陣趙sir 突然同我講話會整個上山睇草藥ge tour........好似幾好玩咁, 另一方面都好似好無聊~

頭2 堂上UE, 又比miss luk 話我上佢堂做physics 功課, 一d 都唔體諒人地不嬲都慣左返到黎先做功課ge 習慣~ 上堂果陣佢果陣佢狂講d listening skills, 好悶...做果陣我覺得幾淺, 應該係第一次做, 所以易d~

phy 堂果陣準時交到功課~ yeah, 唔駛比人打8 折, 但係上次上堂做果份玩野功課彈番返黎, 拎左個C+, 但係其他人都係同我差唔多, 佢地真係失敗~ wakaka

PE 堂就考體能, arm arm 做完就tired, 但係而家又一d 事都冇......我覺得我成日都去唔盡, 唔知點解

lunch 同人食, 撞到jelly 有張card 平左~haha, 但係我諗黎緊呢個月都唔會再食薯條, 因為真係食得太多~

最後3 堂我期待已久.....就係chem堂, 因為要做lab~ 今次lab 都幾易, 但係大家就搞到d powders 周圍都係..... 唉, 我覺得我自己已經避免左好多errors ga la~ 但係個個做到都唔同....

放學開英文學會meeting~ 唔係太想做幹事ga, 但係被迫.....不過都好, 做左總務~d workload 唔會太heavy

突然諗起, 而家d form 4 女仔好唔掂, 勁八卦~

續尋日, 訓到2 點就起左身~ 上網, 打日記咁, 3 點幾就出左去同人會合la~

本來諗左有幾個地方去~ 但係都係因為時間關係, 所以冇去到...最後決定左去mk 睇戲~今日星期日真係好多人, 我都好似好耐未去過mk... 行到去朗豪坊突然超大雨加超大風, 搞到連遮都彎埋........大家都濕晒.. .haha...入到去買左 ' 摯愛 ' ge 戲飛, 就係果度行左陣~

行左幾間shop 之後, 有d 口乾, 就走番出去女人街果邊d 許留山買野飲~ 而家朗豪坊d lift 入面有電梯女郎幫你按lift...原本諗住去潮流特區果邊行, 但係個天又開始落雨, 所以又折返朗豪坊...

我地由最樓上行返落去~ 行行下時間差唔多, 就入場~ 今次套戲都成2 粒鐘, 都幾平淡... 冇乜高潮, 估唔到.....fiona 竟然冇死

then 去左朗豪坊一間食粉麵ge 鋪頭食野~ 真係好好食, 又平... 下次一定要再食!

食完行返去潮流特區, 諗住搵d 野~ 點知都係冇...一係就好貴, 成千幾蚊~

行到咁上下就返去lu~ 又係搭巴士返去.... wakakakaka

P.S. 今日真係好難忘, 除左係中秋之外, 仲有..........

可能會傷風tim~

聽日又要出街, 都唔知幾時做功課好~

今日 12 點左右就起左身~ 之前出左沙田, 接人放補習law... haha

then 行左陣, 影左貼紙相, 成4 點幾先返到屋企~ 終於比我試到個新mcdonald 餐la...真係好幾好食, 但係得好少~ 食完都唔飽ge

返到去訓左陣~係屋企食埋飯, 夜晚又再出去, 約左so sir,60, cream, turtle, yim,yan, yip, 仲有施榮德, 肥嫻...

係海濱度玩~ d 時間真係過得好快, 我地係度玩killer 同埋一個叫唔知咩game..... 不過好好玩~

玩玩下yan 就話要走, 原來都成12 點ga la~ 咁yim, yip, cream 就送佢返屋企

我地幾個係海濱就係度玩踢波, 果個波係由瑩光棒砌成ge~ 比我地踢到爛晒.... 又係度玩馬騮搶球, 出左成身汗...玩到1 點幾左右, 肥嫻, tak 果d 走晒, 60 又話要走, 咁就得番我同龜係度, so sir 就送60 返屋企~ 果陣真係好肚餓, 所以我同龜去左富善7-11 食杯麵, 勁抵... 都幾大碗~ 不過食完之後都仲係好肚餓, 所以又買左碗碗仔翅黎食, 食完又覺得thirsty... 所以又買左枝酒黎飲~ 唔知點解, 我第1 次飲酒精含量有成5% ge 酒, 但係飲完都好似冇乜野咁..

係7-11 食野期間, so sir 同cream返左黎~ albert 都黎左, 之後我地送埋yip 上樓, 就5 條麻甩佬返去海濱果度吹水吹通宵... 玩左成十幾包candles, 真係傾左勁多野...由大學, 現代, 古代, 乜都傾一餐..........傾傾下傾到龜都訓著埋...

果陣半夜三間, 我地成班友係度傾計+ 煲蠟, d 火燒到朝早6 點幾先比我整熄左, 費事比d 晨運ge 阿婆阿伯側目... 6 點半就返富善大家樂食早餐~ 點知大家係果度食完早餐愈傾愈精神, 傾到成 9 點先散..

返到去屋企就沖涼訓覺~ 訓到now, 一陣又要出去lu~ hehe

今日終於星期5~ 我都等左好耐, 唔係因為yipyip 生日, 係因為黎緊有 3 日假放.... 可以去玩~yeah

朝早上phy 堂個老師要我地做 assignment, 我做得勁求其....... 點知原來計分ga~ 我仲以為唔駛交, 佢比我地玩下only.... 搞錯.... 佢終於好似教晒 chapter 0, 快d 教書la... 我等唔切la... 今日自己都已經做埋moment 果度

始終都係bio 堂最好玩~ 堂堂都有得玩公仔, 今日畫 chloroplast 同mitochondria, 愈黎愈like bio...........

lunch 去新興食, d 伙計換晒人, 而家d 人勁唔熟手, 野飲又攞錯, 係你面前行過都唔理你~ 我杯野飲都等左勁耐...

返到去有兩個妹妹仔黎6B班房搵我~ 原來係交理科學會d 錢, 好叻ar~ 識自己上黎, 我form 1 都未必有呢個膽...佢地仲要認得我係主席

之後3 堂UE~ 上practical skills, so easy... just keep copying

放學去左同yipyip celebrate 生日, 去左許留山食糖水.. 真係好, 生日有 65 折, 所以今日大家都係食貴野~ 食完就返屋企

p.s.: 好唔like 比人睇死...