今朝 9 點幾就比樓上d 裝修聲嘈醒左, 係咁 ' 嘭嘭嘭 ' ..... 真係頂唔順, 訓唔到, 所以起左身~ 不過好彩我今日約左人出街, 本來都係 10 點要起身, 所以都係早起身左 15 mins je~ 今日ge 目的地係去以前風靡一時, 而家重出江湖ge 新人體奧妙展.......

去到 hung hum 就食野先~ 果度都幾多野食... 又平又多 choices
之後係果度周圍行左陣就買飛入去新人體奧妙展個會場 lu~ 學生 50 蚊
果度連個門口都恐怖過人, 所以我都好期待入面會有 d 咩睇~
但係點知入面除左十幾條乾屍之外, 淨係得 d 比人斬到一忽忽 ge 骨頭同埋人體
我覺得就一 d 都唔恐怖~ 學術成份多
見識到 d 病變器官係咩樣, 人ge nerve 係咩樣, 仲有好 多生左 cancer ge organ 都放晒出黎
最印象深刻都係有副骨頭係度耍太極, 從佢ge 姿態可以望到好多人體內部結構
仲有一個就係將一男一女切片....從側邊睇到晒 d structures.....好震撼
因為係真人黎, d skin d 質感同外表一模一樣 (其實係唔比摸.. 我多手)
如果你想像力夠, 憑空砌番埋 d 切片, 仲可以睇到果個人個樣
有一個 counter 放左唔同成長階段ge 胚胎同埋 foetus, 血淋淋咁.....可惜因為 d 玻璃 refraction 睇得唔太清楚
最後入到去一個咩激之館, 都唔激... 又係放晒成副骨頭係度, 有 d 係度睇書, 有 d 係度坐......
反而到 exit 果度真係好好多, 有 d 器官比你摸, but 得果幾個
有 brain, heart, lung 等等, 我摸落去都好似冇乜 feel.........  ' 硬掘掘 ' 咁, 似係玩具多 d
成個展覽行左一個鐘~ 都係學到野同見識到野ge, 但係 50 蚊真係太貴.... 成人仲要成  80 蚊

之後就行海旁.... 幾舒服
去左尖咀果頭, 本來諗住去太空館, 原來今日休館
咁就去左隔離藝術館~ 5 蚊入場ja........入去坐同涼冷氣絕對超值
但係都真係幾多野睇, 係果度行左好耐.............算係陶冶性情la~ 得閒入去睇真係唔錯

 then 去左 mcdonald 食左 d 野, 今日 d 薯條特別好食~ 因為...我好乖ga..wakaka
再去埋因為得一個海港, 所以只有一個ge 海港城
其實係想去玩具反斗城
呢間真係大過沙田果間好多~ 係果度行左好耐....

本來諗住行海旁返 hung hum 搭火車, 但係驚落雨, 廢事lu~
行左去尖東站搭火車返屋企

今日真係 lucky, 落雨果陣我地係戶內, 放晴果陣我地就係戶外 

today is really a happy day  

今日係呢幾日黎第一次出街, 感覺良好 !

雖然落雨,加上比人串, 但係都無損我ge 好心情~ 不過因為 last night 夜訓, 今日起身果陣都係傻下傻下咁(希望唔好次次都係我提你, 搵番次你提我....)

今日ge 主題係買書, 首先去左太和, 之後又返左大元賣書, 再去寶湖買書~ 行下街咁, 一開始攞住要賣果 d 書好鬼重, 好似膊頭都 ' 粒 ' 左落去咁, then 放晒 d 書, 真係輕鬆晒~ 今次賣晒 d activity books, 雖然 d 錢唔多, 都可以夠食餐飯ge~ 而家考慮下賣唔賣埋 d textbooks, 因為好似冇乜用, 入面 d 野我都差唔多識晒..........不過 brother 又叫我唔好賣, 佢話攞黎同人補習........最後係果度買埋本 bio 磚頭, 好多字, 好期待快 d 上堂

行到去寶湖都買唔齊 d 書~ 買得果一本 physics...咁咪行番去大中果度坐陣 law
中間 d 過程我都唔係好記得 la~ 不過就去左大埔廣場買 ' 撈撈 ' 食
食左幾啖殘廢餐, 好難忘~ 希望下次耐 d la.. haha

之後都係係大中遊蕩.......途中見到大埔廣場有間書店, 果度 d 書幾齊 wo~ 一次過係果度買左 5 本.......

最後係返去太和商務買, 排左好耐隊.... 先買到一本 ja, 另外果兩本 phy 同 chem 商務話未出, 其他我都買晒 lu~ 一日就搞掂, 真係開心

去到商務仲見到arm arm 出ge 2005 ce solution, 睇左 phy chem bio.... physics long q 真係好似冇乜錯, 唔怪得有 A~ chem 我明明係答番果本 solution ge 野, 但係又冇A ..... 唔通 mc 錯得多 ? bio 我真係唔記得答過 d 乜, 總之有 A la~ wakaka

聽日同後日又有街出 lu~真係開心

打多少少野..... 考試局arm arm 話免費幫全體考生 check 英文 oral, 希望有得升......
但係突然間發現一樣野我都幾唔順氣, 就係中文卷2 我唔明點解會 D 左
頭先問番, 真係好多人都有 C~ 我自問平時讀本都唔差過佢地...............!!!!!!!!!!!!!!!!!!!!!!!!!!!!!!
我都覺得自己答得幾好~ 好想 check 卷, 但係 450 蚊咁貴我又比唔起
加上 overall 有 C 就算 lu~ 再加埋 chem 冇 A 之謎, 簡直係火上加油
考試局班友正廢柴!!!!!!!!!!!......... 好嬲  !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

今日已經係 start 左一個禮拜lu~

今日天氣好似好番好多lu~ 希望唔好再落雨... 唔想落雨

今朝遲左起身, 返到去都係遲大到, 所以冇返................訓到 1 點幾就起身食飯

下午都係玩下 icq 咁~ 同瘋子 chat 左陣, 好耐未同過佢 chat lu~ 真係開心

夜晚睇到又有勁歌金曲, 最後果 d 學生唔知係咪圓玄 2 中果 d 學生黎... 坐晒係地下度唔知做乜

呢幾日都過得幾無聊.... 所以日記內容都係無聊~ 好想出街............. 下個 week 應該有街出la~ wakaka

今日真係冇野做~ 係屋企訓覺........仲食左好多野
連續休息左兩日~ 真係好

my brother 買左部 O2 xphone IIm..................................... 無奈, 又買新電話

成日唯一有意義ge 活動就係下午傾電話....