真係愈黎愈唔鍾意打主題... 我平時d 生活已經冇乜主題, 搞到次次打日記都唔知打咩主題好~

今朝返學, 撞到jelly... 佢好驚遲到, 我出門口果陣 8 點, 平時如果用正常步速返去應該都仲有 2,3 分鐘剩~ 但係今日同jelly 傾計, 佢隻錶又唔準.. 好似慢左少少先返到去, 入去果陣仲有 1mins 打鐘~好似成日返學都撞到jelly..

早會果兩個理科學會幹事出去宣傳, 好似好緊張~ 諗落都幾慘, 比我點左上台講野, 都算係咁ga la~

早會完左, 返到上去, 即刻做chem lab report~ 好彩今次得幾條問題要答, 所以好快做完... 仲趕得切係阿sir 黎到之前交~ then 兩堂physics, 就快自修完gravitation, very good~ 我對自己的進度非常滿意, 不過今日張照光有d 火, albert 好似比人罵~ 我都唔知乜事

小息落去擺counter, 比人報名參加葉脈書籤~ 一個小息已經有十幾人報左名, 差唔多lu~ 計埋幹事有成廿幾人... 我驚到時太多人ja~

再過埋兩堂bio 堂~ 又係輕鬆, 有趣的兩堂

lunch 同人去左大排檔食, 一人食左10 蚊~ 好平, 今日食到好飽, 因為係咁比人迫食野...10 蚊真係抵到爛, 可能係食得太飽的關係, 最後果3 堂都係發夢...... d 堂又悶wo, 兩堂CLC 一堂UE, 完美的配搭....... 聽日3 堂UE, 又係lunch 後, 都唔知點頂~

放學果陣比miss luk 話, 話我成日上堂打呵欠, 雖知UE 真係好悶.... 由form 4 開始, 我就覺得中英文真係悶到嘔.....

放學行去太和~ then 行返屋企, 真係好熱, 食左兩杯雪糕~ 今日走果陣仲撞到so sir 成兩次...... 好有緣

P.S. : 而家icq 真係勁少人online... 好似個個都好唔得閒咁, 但係我真係日日都好得閒~ 日日都冇功課

今朝唔知點解鍾意攞住包lemon tea 行返學果陣飲~ 發現唔食早餐都有好處, 就係可以訓耐半粒鐘, 會精神好多ga~

返到去miss luk 又叫我放學去同外國佬講野, 真係一d 興趣都冇~閱讀時間睇果本 ' 李天命的思考藝術 ' , 真係幾好睇~ 張照光真係學左佢, haha, 其實我都覺得本野幾有啓發性...

之後上堂, 今日得 1 堂bio... 好可惜........ 我想上多d bio 堂~ 小息之後果兩堂中化出奇地過得好快wo~ 因為作實用文...

食飯又去左大排擋~ 10 蚊ja, 真係好~ 我要 save 多d money.. 將來可以用~

返到去之後去左 bio lab 整d 樹葉, 好明顯我塊樹葉浸 NaOH 浸得唔夠耐~ 珊珊同yan 果塊都係, 係得 albert 果塊浸過夜, d chloroplast 甩得幾靚~ 真係透明ga~

then 3 堂physics, 都係自己做exercise~ 終於搞掂晒d circular motion, gravitation 今日都搞掂左一半~ 我差1 課就搞掂晒成本書.. haha, 佢而家先講到第 2 課, 我驚我一陣搞掂晒之後唔知做乜好..

放學行返屋企~ 突然間有少少寂寞ge feel... 之後仲有d 頹頹地tim~ 不過夜晚傾完電話之後冇野lu~

期待聽日ar~

今日返學冇乜特別, 最後果 3 堂好眼訓.....

返到屋企無耐終於睇晒成本 harry potter, 睇完之後, 好似成個人都down 左咁

所以夜晚乜都唔想做, then 又發生左d 事, 更加down....

down.....down.......down......down.......down

總之就頹廢...

今日做左幾樣野

1.SLEEP!!!!!

2.埋首睇 harry potter, 暫時睇左一半

本來今日又話去踢波~ 但係我想訓耐d + 有d 腳痛就冇去lu

係屋企訓到成1 點... 超舒服......但係冇lunch 食~ 所以煮公仔麵食

下午都係玩電腦~ 見到論壇有一個post, 話有個男仔有絕症, 淨番一年命

但係佢女朋友就對佢冇晒feel, 想分手, 但係又覺得係佢得番一年命先黎分手好衰

所以就開個post 問下人點做好~ 經d 人追問下, 原來個男仔ge 絕症就係 ' 心律不正常 '

話有時唔開心果陣個心會好痛.........乜原來呢個係絕症?

講真, 我之前有一排極度唔開心果陣, 個心口成日都會有d 痛, 我都一度懷疑我係咪有呢個病...... 但係而家又好似冇乜... 大個d 果陣都係做一個詳細d ge body check 好d~

上完網又走左去訓覺, 7 點左右沖完涼, 食完飯就出左去大埔中心~ 要去大眾攞番本harry potter 6

今次本野有 735 頁,叫 ' 哈利波特:混血王子的背叛 ' ,d字好似大隻左.....................今晚有得睇la~ 好野~我真係等左好耐

好耐都未試過好似今日咁, 咁得閒~