今朝唔係好想返學... 好彩聽日放假

返到去上左兩堂討厭的UE, 好心 miss luk 比我地做 listening 果陣就一次過播晒,唔好 cut 下又講下答案咁...
真係好悶, 之後physics 堂, 諗住問阿sir 野都係冇問~ 因為我驚冇左個小息... 一陣張照光又答埋我d 無聊答案

兩堂PE 超好玩~ softball, 我地打兩場比賽都win 晒.. 最後果場諗住win 唔到都win 埋~ 我地太勁la~ haha

lunch返到黎做實驗... 今次真係咁多次實驗之中最悶ge 一個~ 因為d procedure 係咁重覆又重覆~ 做到最後我都冇心機做lu.... 仲有幾set 未做, 諗住抄data 算~

放學後同+0, 龜一齊係圖書館等人~ 有人請飲野~ good

等下等下, 瘋子都黎埋~ 就一齊落左去hall 睇點票, 真係非常緊湊.....見住d 反對票係咁升, then d 支持票又係咁升~(係支持, 唔係贊成) 到最後佢地都成功當選, 雖然d 唔係大比數勝出......但係身為6B一份子, 佢地當選都係值得開心ge~ 恭喜晒

睇完點票就去左 covered playground 吹水, 等到5 點半左右, 終於等到人la~ 多謝晒大家陪我等(雖然我都唔知你地係咪諗住陪我..), 雖然最後今日都唔係見得耐, 冇所謂la~

返到屋企, 原來有個親戚黎左~ 佢仲比錢我tim..成 1000蚊, 本來我都唔係咁好意思收咁多~ 佢比100蚊我已經好好.. 但係呢排真係好窮~ 最後都係收左......(其實我心入面ge 魔鬼一直都叫我收... haha)

之後即刻訓覺, 因為... really tired, 訓到7 點幾就落街食野~ 一個人ja, 因為屋企冇人, 唔想自己煮飯比自己食咁on 居....落左大家樂食鐵版餐~ 有d 後悔,因為個餐都成33 蚊又唔飽~ 本來有d 想一個人食一個一哥火鍋, 但係好似好怪雞...其實火鍋唔係貴好多ja~比人呃左tim

返到屋企, 沖涼, 再傾電話~ 傾左好耐, 所以成晚都冇online... hehe

聽日放假~ 太好了

今日都冇乜好打, 尋晚諗住做功課最後都冇做... 係度睇波

今日下午又諗住做, 但係真係 ' 諗住 ' , 睇下cartoon 片, 又訓著左

而家 4 樣功課等緊我.... 做到嘔白泡

勁唔like UE!!

今日 12 點幾起身, 半個鐘就去到沙田la~ 真係有史以來最快...... 仲係連城廣場撞到慧慧, 佢要去攞眼鏡~ 真係好似好耐冇見佢咁

then 都係食飯~ 行下街咁, 睇左場戲ar~ 就係童夢奇緣
我覺得幾好睇ga, 一開始幾好笑, 最後個結局都幾 touching... 好耐未睇過d 咁好睇ge 港產片lu~
呢個半鐘就咁過左~

睇完就返去lu~ 返到大埔仲買左糖, 今日帶左$ 160 出黎, 返屋企果陣淨番1 毫子!! 不過我覺得值得ga~ 雖然今個week 儲番黎ge 錢咁快就冇晒, 但係呢兩個月過得幾開心.. hehe

返到屋企好tired, 但係都要煮飯, 夜晚又播harry potter2 , 第n 次睇la~

好多功課, 一陣要做功課

今日冇早會, 真係好~ 有得直接上課室, 唔駛係下面排隊聽無聊野

then 上 phy堂, 突然諗到d physics 問題, 又唔係好想問張照光, 但係唔問佢又唔知問who 好...........佢今日唔知食左咩藥, 突然間教得快左勁多~ 睇黎佢都心知不妙... 教得太慢

中化堂, 聽presentation, 發呆

小息玩埋d 無聊遊戲~ 玩完的結果就係陳志偉同albert 本中化書多左幾多holes......... 之後好快就上去bio lab 霸位~ haha, 而家上bio 堂要霸位ga,.... 因為大家都想坐得舒服d~ 今日阿sir 兩堂就講晒成份notes, 一次過講晒 ABCDEFG parts..... 結果仲有成20 mins 剩, 果20 mins 咪用黎傾計law~ 又問左阿sir 少少野,我地果組永遠都係最多問題ge 一組~ bio 實在太有趣了...真係一d 都冇後悔揀左bio, 雖然年年公開試成績都唔係太好, 但係我寧願讀鍾意讀ge 野~

lunch 去大排檔食, 比d 豉油彈到成件衫都係.....好似中左槍咁... 不過返到學校係廁所洗乾淨晒~ 真係不留痕跡, 我自己都估唔到~

最後3 堂上UE............ a nightmare, 上practical skills, 講點做講左兩堂, then 要我地一堂之內做晒 3 個tasks.......... 不過到最後佢都比我地返屋企做~ 因為個個都做唔晒, haha
上堂果陣都仲係發夢, UE 真係好無聊.............................................X1000

放學後去左bio lab, 理科學會整葉脈書籤~ 去到見到好多form 1, 原來佢地除左黎整書籤, 仲比趙sir 罰背生字...d 中文仲難過英文, conical flask 原來即係錐形燒杯, 個名一d 都唔優雅......

最後默晒書, 我地就正式開始個活動~ 教晒佢地點整, 就周圍睇下佢地做成點~ d form 1 好暴力, 成日整爛d 樹葉~ 雖然我已經提左佢地好多次要溫柔d...女孩子就整得幾好~ 佢地個個整到大半, 之後我先開始整..得番一兩塊葉~ 仲要 d chlorophyll 唔係太甩, 所以整得核突......albert 果個就整得幾靚~ 因為個個幹事都整得唔靚, 我地一齊要求趙sir 比我地整多次~just for 幹事... 下次又有得整lu~ 一定要整靚d

then 落番去搵人, 再去埋大中行左陣, 就返去lu~ 返去果陣仲見到+0同瘋子, 瘋子真係好驚狗... 但係我覺得d 狗仔好得意wo~ 本來諗住買糖, 考慮到銀包冇錢同聽日要出街... 都冇買lu

今晚... 依舊得閒, 但係今個week 係升左上黎成個月最多功課ge 一次...淨係UE 都有 3 份功課, 再加埋bio 功課....4 份

今朝起身果陣好眼訓............ 我尋晚已經早訓左, 點知有反效果........

返到去都仲係好眼訓, chem 堂講一題練習竟然講左兩堂.. 都係係度發呆, 得閒訓下咁~ 之後中文堂就討論性觀念的問題, 變左鹹濕笑話發表區, 有人係上次本論語度搵到一句 ' 少說話, 多做事 ' 是合乎 ' 仁義禮智 ' , 聽日present 唔知有冇人講得出口...

小息後.... 期待的bio 堂竟然比以往沉悶, 上堂和落堂好像只是一轉眼間的事

lunch 後返到去都係好眼訓, 食得好飽... 果碟河粉太大碟, 食極都唔完~ 不過返到課室有得欣賞mtv, 因為蕉駁左佢部notebook 去個projector 度, then 係度播松浦亞彌的mtv...... 總算係有聲有色, 不過大家都以為係佢部電腦可以搵到D 限制級電影, 搵唔到顯然有d 失望

最後 3 堂UE 非常難頂, 係咁打呵欠, 3 堂都係對練習...只得miss luk 係咁講, 悶到喊.. 禍不單行, miss luk 問我 allergy 個meaning 點解.,.... 我以為咁ge 情況可以講中文, 就答左佢 ' 敏感 ' , 點知比佢罰抄~ 落堂果陣佢問我篇 exercise 錯幾多, 我隨口答左佢話12 題arm 10 題... 因為我其實係抄答案, 唔通答佢 ' 全對 ' ? 佢竟然話我 lucky..... 咁串? 等到遲d UT 佢就知我 section C 的厲害, 哼....

放學後成班男仔係度討論訂唔訂 past paper solution 好, 最後佢地都係訂.... 我就唔駛lu~ 我有晒d solution, 去到 04 年, 都係my brother 剩低ge... 到時差一年半年, 問佢地拎黎影印~

之後同佢地分左手, 去左圖書館等人... 我的罰抄速度不遜當年, 10 分鐘就搞掂 ' allergy 敏感 ' 100 次比佢... 雖然d 字係 ugly d.................然後再做埋chem, 睇陣報紙, 等埋人就走la~

今晚又係好得閒...............................................................