今日都冇乜特別事發生~ 係bio 堂好玩law, 其他真係不值一提.........

不過呢兩日小息同 lunch 收左好多理科學會members, d form1 好得意~ 一聽到乜乜學會就問我地有咩玩, 佢地仲好踴躍tim~ 而家members 人數有接近 100 個.... 好開心~

放學果陣我地又開班會, 今年學生會好似真係冇人搞.......我都想有人出黎搞, 但係希望係合適ge 人~ 似乎都係冇乜人合適..

放學走果陣見到趙sir, 佢叫我星期 2 要搞掂理科學會個board~ 我聽到即刻話 ' 今日已經星期4, 星期1又放假, 咁咪即係要聽日搞掂 ? ' 佢話: ' 你發夢ar? 今日星期 3 ja~ ' , 果陣我都半信半疑.... 咁arm 李穎欣行落黎~ 我就問佢今日星期幾, 佢都係話星期3............果陣我真係以為自己記錯左, 佢地兩個d 語氣仲要好肯定~ 但係我arm arm 睇番手提, 明明寫住星期4, 我傾電話果陣, 果個人都係話星期4....... 明明就係星期4..... 夾埋黎呃我... 痴線

而家開電腦都冇人online~ 打日記成為我開電腦唯一ge 寄託........好悶

略略打下今日ge 野先:

頭 3 堂phy 同chem... chem 我始終覺得佢個進度太慢, phy 都ok ge~ 一開學教果d 都係淺野...

小息之後ge bio 就唔同~終於教完一課, 但係我覺得佢教得快...我都有dd get 唔到, 因為有d 野實在太抽象~ 其實唔駛學咁深, 係沈sir 教得深左~ 但係我覺得好好玩...呢d 先叫A-level

lunch 去左食雲吞麵~ 之前未食過, 我覺得幾好食~ 返黎就係課室同人吹左陣水就去掃樓, 有d form 1 真係好得意, 好似1C 班咁, 個個都爭住參加理科學會wo~ haha, 但係d form 2,3 就真係好唔掂, 諗住收會員就叫我 '收皮'....無奈law

之後 3 堂上左中化同UE, UE 冇乜好講~ 中化就做聆聽past paper, 我覺得幾易wo.. haha, 不過有d 答案都幾陰下, 可能就係難在呢度~

 放學問miss luk 可唔可以唔去孔聖誔, 因為果日同CUHK orientation day 撞正.. 我好想去中大, 雖然已經去過幾次~ 但係今次去ge 性質唔同, 睇下有咩科讀都好ma~ 仲有係可以拎紀念品.........呢個先係主要目的... hehe
係wo~ 突然記得miss luk 話我係一個乜都收埋ge 人... 真係無奈law, 做左我一陣班主任就咁講..

放學自己返屋企~ 好耐冇試過lu

而家升左上中6 開始感受到d 忙ge 氣氛...... 好似而家小息, lunch 都冇幾個人係課室, 因為個個都出晒去有自己野做~ 諗起以前得閒就可以去圖書館, 或者可以食飯食到好遲... 而家唔得lu~ 可能下個week 會得閒d, 今個week 都係忙理科學會d 野... 已經收左60~70 個members la~ haha

中6 係忙d ga la~ 不過我知我地可以keep 住ge~

呢排好鍾意聽HOCC d 歌, 覺得佢唱歌幾好聽~ 都出左道好多年, 浮浮沉沉而家終於叫做紅番少少~ 特別鍾意佢果種有時rock 有時又好柔ge 唱法...

今日真係好平淡.... 所以冇乜好打~

夜晚屋企電話比人霸住.... 所以冇打比你~sorry........
希望你開心d la~我好冇用tim...

last night 好多野做, 搞個理科學會財政預算... 預備埋中文d 短講, 搞到好夜先訓~ 今日比趙sir 睇下盤數, 不出我所料, 佢果然嚇窒左.......

中文堂講短講, 台上的 3 分鐘好快過~時間 overrun 左幾秒, 我覺得我算係講得唔錯ga la~haha~ 講完真係輕鬆左....

phy 堂同 chem 堂繼續唔駛聽書~ yeah~好心d 老師就快d 教新野, 我等得唔耐煩...

lunch 第一次係返學果陣同人食...haha, 都幾開心~ 返到黎見到珊珊果d 繼續收會員, 我地lunch 唔係收到好多人ja~ 小息就多, 今日都收到30 個members...... 我覺得算係幾好ga la~ 多謝miss luk 同埋趙sir 幫手宣傳

bio 堂就玩顯微鏡, 玩左2 堂........... 係咁睇果d plants and human structures, 睇到隻眼好 tired~

放學果陣就召開左理科學會第1 次會議, 大致上都plan 定晒來年有咩做~ 估唔到會開到 4 點半咁耐, 所以咪等埋人一齊放學law~wakaka

平淡的一天~

今日係yan 生日~ 生日快樂先

朝早訓過龍, 所以冇返教會~ 但係下午出左去搵佢地, 因為佢地話同yan 食飯慶祝生日.. 成班人係度諗左陣就話去扒王之王食, 每人請埋yan 食都係用左40 蚊~ 算平ga la, 食完就坐係果度傾計......影下相, 又將d 相send 黎send 去咁.... 好搞野

之後佢地話去大埔墟m記溫書, 我就返屋企~ 返到去聽左陣歌, 上左陣網就 zzzzzzzzzz.......

冇得打機, 真係好悶~ 遲d 等我同 brother 出左獎學金或者等 my brother 出左 grant loan 即刻買電腦~

而家ge weekend 真係好得閒, 一d 野做都冇~ 唔知呢種生活可以維持幾耐呢? 聽日就開始要返全日lu~ 有d 期待, 又有d 唔捨得而家返半日學ge 生活..

好似好耐冇傾電話la~今晚要傾, 但係仲要prepare 中文個短講... 一陣要諗下講咩~

話時話... 我日記好耐冇人留言, 雖然個人氣都升得幾快, 但係個個都淨係睇完就算.....