本來今日約晒人 2 點買野食去 bbq ge~ 但係訓訓下突然比人叫醒左~ 原來係去飲茶wo......... 又係去迎喜!!!!! 好悶, 其實我好想去明星飲茶........食到好飽, 果陣先 1 點鐘, 咪行過去太和商務睇下書~

原來係約左人 1:40 係商務等, 之後一齊去集合地點ge~ haha, 不過我見悶, yesterday 又遲到, 咪自我懲罰下先law~ 早到左半個鐘, 睇左兩本書, 一本係講世界之最, 一本係叫 ' 地球未解之謎 ' , 睇到我好入神..

2 點左右就係圖書館果度等齊晒買野食果d 人la~ 途中有一段小插曲, 就係我行行下圖書館手機突然響起... 搞到我比人趕出圖書館, 同埋大埔綜合大樓電梯大堂依然好迫............ 同我溫書時一模一樣

因為今日下午仲落緊雨...又驚天氣會持續壞落去, 所以我地都未決定去唔去 bbq 好~ 咁原本去霸位果批人都黎 join 埋我地先, 之後先傾下去唔去, 點知我地等左半個鐘, 第 2 批人淨係得 so sir 同 60 出左黎, 其他人話係屋企睇下點先..... 無奈law

成大班人係 m 記度傾下之後去邊好~ 講真果句, 我本來都唔係好想理果 d 係屋企睇下點果 d 人..... 又唔出黎, 不過咁又好似好衰, 最後打左幾個電話, 知道左唔可以係教會打邊爐, then 我地全體贊成去龜home 打邊爐, 搵日再同果 d 係屋企等消息ge 人再出黎~ 話時話, 果幾個電話又要我打.... 成日都要我做埋 d dirty work

決定左就去新街市買野食~ 我地今次效率好高, 因為冇乜頹人, 應該係搞咁多次活動買野食最快手ge 一次... 大家記得還錢!!!!!!!!!我係大債主, 我都唔明點解次次都要我出住先

買晒就等巴士返粉嶺.....搭巴士真係好快~ 之後上到龜home 咪交晒d 洗野ge 工作比女仔做, 我就負責鋪枱, 之後咪同龜係度打 winning 9~ wakakaka

打完機, 佢地又搞掂晒 d 野, 終於有得食野la~ 又有小插曲.... 我諗住帶大家祈禱果陣突然 yim 按門鐘...打窒晒

今次幾開心, 因為大家打邊爐果陣都有講有笑~ 我最初冇諗住我地呢班人會傾得咁埋ga...因為當中某d 原因, 仲以為大家會有 d 隔膜tim, 原來我係過慮 je~ 太好了

食到好飽... 因為d 人唔食野, 我係咁夾..... 又係益左龜.... 下次要叫佢回水

之後大家又係度傾計, 去到 10 點幾就返屋企lu~ 因為要送人返屋企... hehe, 11 點半先返到home, 今日又發左生d 第 1 次~ 真係開心la

黎緊幾日又冇街出lu~ 頭先arm arm先醒起要續借, 點知遲左十幾分鐘... 過左期~ 得閒先去還

今日又發現到神ge 安排真係幾奇妙, 好似佢一早知會發生咩事咁...同大家分享下

第 1, last night 成功將龜又霸爐果批拉過黎買野食果批, 如果唔係... 佢可能係屋企等緊, 咁就可能冇得打邊爐

第 2, 呢個好重要... 今朝又成功將沙僧由買野食果批踢出局, 令到佢今晚冇得 join 我地, 真係神機妙算

原本諗住今日都可能會玩得唔盡興, 但係比我預期中好好多......可惜的是, 成晚都冇落雨

朝早 9 點比人叫醒左起身踢波... 又話差一個人, 點知去到發現比人呃左~
其實之後都有人打過黎叫醒我, 不過我仲係好眼訓
之後又打黎~ 煩住晒, 咪去law~

 9 點半去到, 踢到 11 點左右就走lu~ 唔係踢左好耐, 但係都出左成身汗... 因為好曬

返到屋企就沖涼~ 之後又出去lu, 真係一萬個 sorry!!!! 遲左到, 不過我知你唔會嬲ge~

跟住一齊去左龜屋企, 原因... 都幾無聊, 所以唔講la~
係度睇龜睇小櫻, 又玩埋d 低b game, 之後仲要一齊睇ATV d 兒童節目......
果d 獎品都幾有名堂, 有 ' 整整齊齊文件夾 ' 同埋 ' 色彩繽紛顏色筆 ' , 真係比佢地吹脹........

then 去左同人食下午茶~去左一間好靚ge 餐廳, 入面有 d 坐位係 ' 千秋 ' 黎ge~
坐係d ' 千秋 ' 上面食野都幾得意...
諗住比錢果陣, 收銀果個人話呢餐經理請wo~ 完全唔知乜事,聽到佢話咩 ' 玻璃整親手.....'
我地明明乜事都冇, 淨係坐低食野, 之後我地都唔理lu~ 佢話請咪請law
我地即刻走人, 食左餐免費下午茶~ 不過而家諗番起, 又好似呃左佢地咁, 其實我都唔知乜事... 無lala 又唔駛比錢

走果陣見好似有d 雨, 急急腳返屋企lu~ 返到去又沖多次涼, 成身汗~  

今日繼續都係留係屋企~ 本來屋企冇人, 以為要自己整夜食, 點知grandma 話買飯盒比我食wo~ 真係好

之後下午咪開左部電腦打機, 聽歌, 好耐都未試過下午係屋企開電腦la~

then 就熄左部機傾電話, 有人叫我去打波wo~ 最後都冇去......

today 都係係屋企頹廢, 所以我d  日記d 內容愈黎愈無聊...... 聽日應該有得出去la 掛.................

值得一提ge 係, 今日同人傾傾下電話發現左一個天大的秘密...... 嘿嘿嘿嘿嘿嘿嘿.......

so sir 同cream 都咁快報左補習....始終都係唔想補

今日一句講晒.....

訓覺, 食飯, 訓覺, 傾電話, 食飯, 玩電腦

今日都冇乜野做... 出左去行街

首先去左新達果 d 陪人睇下 d 補習course, 之後行返去大中~ 都冇乜野做ga.. 係周圍行下咁, 期間咪食下野, 買下野, 之後就返去 lu~

本來諗住今日去 Peoples 果度叫果度 d 人幫我 set GPRS 上網, 但係諗諗下我係屋企都應該整到... 所以就冇去lu
而家搞掂左~ 以後部手機可以用 GPRS 上網 lu~ 遲 d 去 Peoples 申請番個 $ 5 plan 先, 咁就可以 download java game....

今日最開心ge 都係可以同人出街同埋整到上網~