last night 又係夜訓ar~ 今朝出門口都唔太精神... 但係行行下又精神番 lu
去到火車站得兩個人... 之後等到10點4 左右就黎齊~去到旺角就唱 k~ 今次一開始又係冇乜人唱....但係一陣之後大家情緒又高漲番wo~ 今次龜都黎埋, 係咁唱 eason 同 beyond d 歌, 好正... 到最後我地以為 2 點就要走~ 因為果個人係話唱到 2 點, 但係唔知點解又遲左~ 我地最後係咁唱快歌, 真係全場情緒高漲law.. haha~ 都幾好玩

之後去左尖沙咀搵珊珊同yan, 搵左一陣先搵到....... 再搭MTR 去書展, 比我想像中易買飛~ 入到會場真係令人眼花繚亂... 我地一開始都冇乜停低仔細咁睇, 但係去到 hall 2 榆林果個 counter~ d 書幾正... 但係冇錢......... 途中見到肥雙同豬媽, 一齊行左陣~ 到最後大家都冇買野, 淨係我係中文大學出版社度買左本講 physics ge 書同埋龜又係果度唔知買左 d 乜~ 大家就走 lu

搭船返尖沙咀果陣... 好搞笑, 我同珊珊, yim, cream, 歐陽上左船, 後面個閘突然 close 左~ 所以我地一行十幾人比人斬開左兩邊..... 咁我地就係星光行 mcdonald 果度坐係度等~ 等埋佢地黎, 大家食左 d 野, 咁就走 lu~ 因為龜話要影貼紙相, 我地就搵貼紙相鋪... 但係冇~ 所以大家搭 271 返屋企~ 好舒服

返到去都幾搞笑, 我開左部電腦, 仲開埋部電視睇皇馬, 之後因為太 tired 訓著左~ 我仲著住出街套衫..... 一訓... 訓到10 點半, 皇馬食左3 蛋.....廢到...... icq d 人係咁同我講野~ 好搞笑.. haha

今日夜晚好似冇做一 d 平時都會做ge 野~ 有 d 失望 tim

今朝返教會~ 因為遲左起身(last night 都幾夜訓), 所以就叫佢地自己上左去教會先~ 今日 d 歌連yipyip 果d 都覺得幾好聽, 又真係幾好聽ge~ 唔知點解呢幾次講道都幾悶下...... 但係今日好快完左.... 成個崇拜完晒先 12 點

之後去左圖書館~ 搭 lift 上去果陣so sir 同 60 因為架 lift 冇位, 所以就等下一班 lift~ 我同 yim 同 yip 就上左去.... 佢地借書, 我還書~ 還左書之後係度周圍行, 突然 60 打電話上黎, 我部手提 d mp3 鈴聲就係寧靜ge 圖書館爆發......一陣 joey 美妙ge 歌聲就係圖書館播出, 搞到好多人望住我~ 嚇到我即刻收線....之後打番比 60, 原來佢同 so sir 唔上黎~ 咁我地就返落番去搵佢地 la

咁就去左食飯~ 係原本南風閣位置果間新開餐廳好多人, 所以冇去~ 咁就去左紅蜻蜓.... d 野又貴, 又黎得慢.... 雖然我都唔知點解冇乜胃口.... 食完周圍行下咁~ yip 又要返屋企食飯再黎, 所以就等左佢一陣~ 行過去 7-11 果陣仲睇左陣表演~ 勁, then yim 話要 ' 睇褲 ' , 之後又話唔駛, 因為唔駛著...(講笑), then 佢因為唔駛著褲, 太開心買左包 ' 芥辣味嘟嘟 ', 真係唔知乜嘟黎 ga......我都食左幾條, 可能係馬騮食品......

then 去左 m 仔諗住搵地方坐~ 但係冇位, 所以就落左K 仔, (其實即係 m 記同 KFC...)係度傾計 law~ 傾傾下珊珊都黎埋, 唔知點解佢今日著得好斯文wo~ 唔通......

傾到咁上下就走左~ so sir 同 60 話要去搭車, 咁我就去左大埔廣場買左個 adaptor 就走 lu~ 好熱

之前有一晚係風雨雷電交加之下, 隨住一聲響亮ge 雷聲, 成部電腦突然 hang 左機... 之後就開唔到機, 直到 last night 凌晨終於整番好~ 所以終於可以打日記 lu~ haha

之前幾日都係去左 wongken 屋企同埋謝師宴, wongken 屋企其實冇乜野玩, 係有部量血壓機比人係咁用黎量血壓..... 不過又唔悶 wo~ 因為佢地不斷落手整意粉, 我就係咁係度騷擾佢地(我冇落手整... lazy), 最後終於有得食佢地真真正正自己整ge 意粉, 雖然冇乜味...... 好淡, 但係加埋 d 汁就幾好食~ 食完就玩下 UNO.... wongken 成日比人 draw, 之後玩 killer, 都幾好玩~ 我有次試過殺晒全部人但係又冇比人估到 wo~ haha, 玩到好以 6 點幾就走 lu~

至於謝師宴都算唔錯, 但係我所講ge 唔錯係因為有得同人影相....... 果度除左有 d waiter 係咁同你倒野飲之外都冇乜好..........好少野食, d 野又唔係太好食... 不過我食左一碟魚生同埋一碟飯, 扒之類 ge 野已經好飽, 再食多兩舊蛋糕就真係very good la~ 食完野玩果 d game 都冇乜野... 雖然有d 變態, 但係都算係有 d 氣氛......果陣個主持人問我地想玩咩 game, 我本來想話玩 ' 大長碌 ' , 但係點知玩馬拉松wo... haha, 不過一陣比人叫左出去玩大長碌就唔好 la~ 散左之後我地就返左大埔食糖水... 果間 ' 好好 ' 真係唔好食, d 糖水全部都係芒果....... 對 so sir 黎講真係冇乜 choice~ 下次都係去 rainbow la~ haha, 最後送晒 d 人返屋企就去左肥雙屋企玩, 冇打過機~ 係度傾計/發呆傾通宵~ then 食完早餐返屋企訓到 4 點幾

都算係係咁意打左之前 d 日記........

朝早 8 點幾就彈起身, 係度試手提電話......大致上冇問題, 但係係個 bluetooth 有時連唔到去 my brother 部機~ 佢走左之後, 我就係度試下紅外線, phone book, camera 等等...... 都幾好用, 但係呢部野衰就衰在唔比直接用自己部電腦d mp3 做鈴聲, 因為版權問題~不過上網睇左一輪, 自己又搞左一輪, 終於成功左......搞到食 lunch 已經好 tired

之後同左 father, grandma 飲茶, 又係因為 grandma 生日~ 今日好熱, 所以我 grandma wear 左副黑超, 好型..... 睇黎佢比我教壞左, 佢之前跟我講 ' 勁到爆 ' 同 ' 平到喊 ' 呢 d 咁ge 句子, 好明顯佢心境真係幾年輕.. haha

今日又係去迎喜飲茶, 食左一陣我已經飽晒~ 所以食完我就走先.... 去左翠屏買左張 sd card 同 card reader~ 又要破財........ 我真係所餘無幾 la, 就快要乞食

返到去下午都係試機, 有個 card reader 係部電腦過 file 係方便好多... 唔駛用紅外線幾分鐘傳送幾十 KB ge 極速.....

今日都唔係好開心~ 我唔係有心呃你地,希望你地原諒.....