last night 終於搞清楚 d 野lu~ 不過心情複雜...... 開心 ? 梗係開心, 不過好似仲有好多野困擾住我咁.... 唔緊要~ 樂觀 d 面對 la~

仲有一個禮拜就放榜....但係我仲未感受到放榜的壓力................上網睇討論區見到好多人都好緊張, 但係自己唔知係咪太淡定, 一d 緊張都feel 唔到.......見到d 人話莊啟程點好點好, 但係如果真係轉, 自己又未必適應到wo~ 都係留番係何中好d....

其實我係好想有好成績(廢話, 大家唔駛理..), 不過天有不測之風雲, 考出黎未必有想像中咁好....係度預測下自己最低幾多分先...hehe
中文應該有C, 如果作文冇炒粉...英文應該坐底有D~phy chem bio maths 應該有B, a-maths 應該有C 掛...咁計法我最低都有22分...
我唔係想晒命, but 22 分的確唔係我ge 理想分數.... 一陣放榜真係 22 分我都唔知我會點......><我可能會覺得好失望........大家到時要安慰我...

唔知到時真正ge 分數同呢個出黎差幾多呢~ 我希望有 24,25 la... haha, 不過英文如果有C, 我會更開心

希望上面一番說話唔會比人投訴la~ 大家唔好話我心頭高...見到我唔好用粗口問候我就得

其實一諗起放榜, 就會諗起到時會有幾多人要離開何中..........或者唔可以一齊升上F.6, 或者去第 2 間學校讀, 真係有d 頹廢......希望大家都考得好d, 來年再見

我呢幾日成日係度諗, 攞到張成績表會點..... 我會望左個總分先, 定係逐科逐科咁睇呢 ? 我覺得我會好快望下成張野有冇括號.......再望總分,再望下每一科考成點..... hehe.. 不過我驚我一望就頹左..... 一陣一睇就發覺自己中文唔合格...................再望落去個總分, 20 分都冇..... 咁就真係頹爆

好~ 唔講咁多放榜野lu, 其實係因為今日冇乜好打先打埋 d 咁ge野... 突然諗起尋晚幫豬媽譯左兩句英文, 爭我一串魚蛋..........

last night 其實好唔開心, 搞到訓唔著... 係張床度由 11 點呆到 4 點幾, 你唔答我唔緊要, 我唔會迫你..
今日收到個 msg, 仲係唔係好明.. 好想搞清楚件事~

今日食完 lunch 去龜 home, 有 d 比較 stupid ge 人去左 ' 往尖東 ' 個月台等......
去到粉嶺之後因為要等慧慧, 所以係果度行左陣....

去到龜果度都有 d 熱, 所以就叫佢開冷氣~ 去到之後悶左陣...龜就開左部 ps2 比 yan 同 yip 玩...
佢地玩得好 high~ 肯定係好耐未打過機......

睇左陣 grad din 相就同 so sir, 60, 慧慧落左去打波... 好熱
打左陣都出晒汗, 所以又返上去涼冷氣~

之後都係睇佢地打機, 睇到 6 點半就走 lu...

今朝個鬧鐘冇響, 結果一直都唔知醒... 唔知係咪我較錯左
so sir 打黎果陣都成 10 點5, 所以費事返教會lu....

之後就一直訓覺~ 好好訓wo

夜晚睇勁歌金曲, kellyjackie 唱歌真係幾好聽

今日真係冇乜野做.................... 除左訓覺
所以都係唔打咁多 la~ haha

今日好似訓到點幾就起身食飯... 之後上網搵左兩首詩歌今日聚會用, 因為我要帶詩歌..
搵左'歡欣' 同埋 ' 就在這天 ' , 兩首好易唱ge歌~ 呢兩首真係小學已經唱 la~ haha
4 點返到教會, 見到 so sir, 但係大家都唔知個大門 pw... 最後有個細路打電話上去比d 住客開左
一入到去就見到朱國輝同埋 jonathan.... 呢個朱國輝都幾好, 講 d 經文幾清楚~ haha
咁就完左今日ge 聚會........ 過得好快

之後就行返屋企, 今日深思熟慮之後打左個電話, 係樓下傾左一陣....... 希望我咁決定係冇錯
打完返左屋企, 玩左陣電腦就出去 lu~ 本來約左 d 小學同學 8 點, 但係我7 點9就去到 lu~ 個個都早到~ haha
個個都高左好多, d 男仔我全部都認得, 但係女仔淨係認得幾個ja......... 佢地又染髮, 總之變左好多~
其實我地今日打邊爐都唔算食好多野, 反而係咁傾計~ 真係好開心....
個個都話我個樣變左好多....... 我就覺得個個除左高左好多都冇乜變過
不過聚寶好唔掂, 一碟肥牛得果幾塊... 所以我地就一次過寫左 20 碟肥牛, 佢最後先黎~ 不過我地都食晒... haha

食完我地係大元邨度影相.... 好搞笑, 大元果度龍蛇混集, 有飛仔, 有小販, 有阿伯......
但係我地 30 人就係佢地中間影相~ 之後就分開影... 雖然唔係影左好多, 但係都算係影左.....
then 成班人去左昌運食糖水, 唔太好食, 食完就返home lu~

返到去都12 點9, 冇得睇尋秦記...