大家唔好誤會, 曾曾即係曾特首, 今朝11 點就起左身出發...約左成班男仔+ 周健茵12 點係大埔火車站等

一路上都好順利, 12 點9就去到金鐘~ 仲撞到 icy tim

因為1點半先集合, 所以我地去左大古廣場行.. 大家買下糖, 我就買左個包食~ 夠鐘就去搵韓姑娘lu

原來大會安排左校巴接送d 人去個場地, 都幾多人去.. 大約1000人左右掛, 坐滿晒成個hall~ 有d 人仲要企.. 去到果度見到 ida ar~ 大約坐左一個鐘, 個 ' 真情對話 ' 先正式開始~ 果一個鐘個主持人就教我地點問問題, 仲叫d 人試下問問題..所以遲下曾特首黎到, d 問題有好多都聽過晒lu~ 我都係第一次見佢, 佢份人好似幾nice.. 我仲以為佢會著西裝~ 打煲呔, 點知著得幾 casual 下, 可能係想親民d~ 

個對話正式開始果陣, 覺得d 人ge 問題好有深度.. 好明顯係比學校安排一定要問問題, 所以準備好晒~ 有趣ge 問題新聞都講左, 所以唔多講lu~ 值得一提ge 係晚間新聞果度見到我~ 我上電視了......

http://news.tvb.com/630pm/2005/1015/index.html

大家睇下la~ haha

完左成個對話果陣都幾眼訓..... 搭番個大會提供ge 巴士果陣, 我坐左係一個男仔隔離... 個男仔坐坐下車訓著左, 之後仲挨左埋黎我個膊頭度~ 我覺得好核突, 所以就拍左佢一野......... 佢即刻醒左, 仲同我講對唔住...

then 返到金鐘MTR station 就同幾個男仔搭MTR 返尖沙咀, 之後搭 271 返屋企... 中間為左搵廁所, 又搞左一輪...

返到屋企, 夜晚落左去大家樂食飯~ 又係一個人ja.. 之前我講過下次一定要食一哥火鍋, 今次真係叫左一個黎食~ 48 蚊, 咁大個仔第一次咁打邊爐法, 最後成個一哥火鍋船比我食晒, d 肥牛勁少.... 菜就多, 食完真係唔夠飽~ 仲有 d 肚餓, 就算我連d 生菜都食埋都係肚餓..........真係唔掂, 估唔到個火鍋船咁細

隔離有兩個女仔一齊食一個火鍋船, 佢地同我同一時間開始食~ 但係佢兩個仲要食剩就走左........ 有冇搞錯

食完後火鍋船的樣子...

睇黎今晚都要煮公仔麵食~

本來好期待星期6, 但係而家一d 都唔期待~ 因為聽日要同donald tsang 真情對話
我諗都係會淨係坐係度多.... 瘋子話佢地會著校服
但係我地班d 人全部都著便服wo.. 咁咪好怪 ? 一半校服, 一半便服... 或者話女仔著校服, 男仔著便服

今日都係冇乜特別事... 不過好似豬媽一樣咁眼訓
頭3 堂還可以, chem d  dynamic equilibrim d 數愈黎愈熟lu~
真係開心, 本來功課有題計唔到, 原來又係衰大意, 寫少左個符號
咁快就做晒 chem 果兩題~ good, 唔駛帶書返屋企

小息後果兩堂bio 都ok 跟到, 不過佢講得好快~ 未及思索d 細節就飛去第part lu..
ut bio 有排溫.....

lunch 去左mcdonald 食~ 好似都有一排未食過下,但係今日都幾肚餓~ 食完都唔係好夠飽....

返到去課室變左娛樂場所, 真係好正.. 我地已經係課室試過播片, 聽歌, 聽收音機, 差未試埋打機.... 全部都係用課室個 speaker 進行, 好正... haha, 我今日小息返到課室入面就播緊 ' 自欺欺人 ' , 我仲以為校務處播歌 tim...

最後 3 堂兩堂中化 + UE, 中化幾開心~ 雖然好眼訓, 但係因為miss ho 冇返, 所以佢比我地做 listening... 我地一人做一 part 之後互抄便完成了

UE 都係咁悶

放學之後去左大中行陣~ 就返去lu, 之後都係例牌訓覺

今日本來成日都好地地, 但係放學果陣比人屈左下星期6 要去中化果個outing, 真係有d 嬲

雖然你地又話要補習, 學琴, 但係我自己都有私人時間ga ma, 大家都唔想去, 最好就係猜包剪鎚決定

難道我我的私人時間不比你地補習, 學琴重要?

不過最後都係比人屈左去...今個星期又要去見曾特首..乜野 ' 真情對話 '

下個星期又要再去中化果個參觀..連續兩個week 就咁冇左..............

雖然我係好得閒, 唔駛補習, 但係唔代表我一定要遷就你地, 我都有私人野要做

算了... 世上本來就沒有公平的事, 你地貴人事忙, 今次我去, 雖然我萬分不願意

學校成日都屈人去d 咁ge 活動.... 若果我係家長信寫 ' 不同意 ' , 又會怎樣? 我覺得我們的意願完全被漠視

話' 唔想去都要去 ' , 我真係想講 ' 唔想去就唔去, '  勉強冇幸福....

講番今日做過d 乜, 真係冇乜特別, 同平時差唔多... 不過諗住lunch 落去搵趙sir 傾理科學會d 野果陣, 見到佢罵d form 1, 仲發脾氣丟爛野.....再之後鄧sir 黎到問地下做乜咁多碎片, 佢話 ' 唔小心跌左 ' .....

放學本來唔想自己一個返屋企, 諗住等人, 但係比上面件事搞到冇晒心情

一個人行返去, 4 點鐘唔駛就踏入家門

帶著一肚子氣訓覺, 訓醒後都冇乜事.....

冇功課again~ 太得閒了

話咁快就星期3, 呢個week 過得真係快~ 好想快d 到星期6 tim

今朝食左成包公仔點心, 好好食~ 真係想食多包, 雖然食呢d 野係唔健康... 但係方便...

返到去就閱讀堂, then 上堂~ 我地組今日中化終於出左去 present lu~ 真係講得非常好, 雖然唔係我 present..但係有勇氣出去講 ' 性 ' 呢個 subject ge 野已經好好ga la~

之後chem 堂, 雖然知道要小測, 但係全部野放晒係 locker, 所以冇得溫, 連功課都冇做~ but 今次test 幾易, 衰就衰在我睇錯少少題目, 唔係應該幾高分... hehe, 唔緊要~ 我呢d 大賽球員, ut 一定唔會犯d 咁ge 錯誤~

physics 堂, 重新睇多次 Gravitation 呢課, 明左 9 成, 仲有少少練習未做....諗過lu~ 我仲有一課就完左本書, 但係我諗佢都冇講得咁快.. 所以遲d 會自己帶d 練習返黎做~ 唔駛 waste time

lunch 又去大排檔食, 日日都係10 蚊~ 真係save 番好多錢... 不過今日食粥唔夠飽

返到去同班長, 廖永全, yan 玩飛行棋....yan玩玩下去左廁所, 由+0 接手, 但係佢地兩個成日都 ' 3 條6, 返大陸 ' , 真係好彩la~ haha, 不過一個lunch唔夠玩~

最後 3 堂bio 做 d qualitative ge 實驗, 我發覺呢排做實驗好似失左魂咁..... 成日都係發緊夢, 搞到有d 要做多幾次...但係今日d 實驗幾好玩~ 遲d 要寫 full report, 期待..

放學後就同人去左大中... wakaka, 周圍行下, 又去左食撈撈, 不過今日放學真係好肚餓, 食完撈撈之後仲去左jusco 買左一個薯餅同埋一包薯格黎食~ (d 薯餅好似吉列豬扒 ...) 始終d 薯格都係冇KFC 果d 咁好食......

返到屋企訓覺, 再食左幾碗飯~ 我d 食量又好似回復番 form 3 果陣咁.......不過應該係暫時性...haha

夜晚傾左陣電話, 再做番 chem 果份功課~ 就上網幫理科學會搵d 資料 lu

美好的一天~

今日除左係重陽節, 對我黎講仲有其他特別意義....

呢一年的確過得好快, 仲記得上年今日係星期一, 唔知點解學校會放假~本來果日仲諗住踢波......但係朝早就收到醫院電話, 叫我地快d 去沙田醫院...係我地換衫果陣, 醫院又打黎, 話佢已經...... 所以我地最後都趕唔切去見佢最後一面

一年前, 好似仲係轉眼間ge 事....果陣我地兩兄弟答應過媽媽一定要入大學, 我仲話比佢聽我一定會升到中6~ 佢果陣雖然講唔到野, 但係我見到佢眨一眨眼, 佢應該聽到ge....一年後, brother 以非常好的成績入左中大, 我的成績還算不錯, 雖然比預期低了少許, 但係都升到中6....接到會考成績單的那刻我沒有特別開心....可能是一早預料有這樣的成績, 所以都不太激動~ 而且, 升大學才是我答應媽媽的最後目標.....

我始終都覺得自己會考考得唔夠好~ AL 一定要再加把勁

今日都冇乜好打lu... 聽日又要返學, 唔想返...