今日明顯比yesterday 熱左.......

返學果陣都冇乜野做, 不過今日 miss luk 唔知做乜係咁叫我~ 又叫我坐前面, 又叫我答問題... 好彩d 問題都答得ok, 錯左1 題only.. section c is so easy... wakaka

但係今日派番份 practical skills, 都係得 6 字頭, 我知道呢兩次 practical skills 係因為自己唔認真所致... 仲記得果陣求其到明知自己有d points 冇寫都是但~有個姓馮ge 傻仔見到我咁低分仲係度串我, 到時ut 派卷我就要 show d quali 佢睇... hehe, 呢兩次當讓賽, 費事學期尾埋單贏咁多

放學果陣 miss luk 走過黎同我講叫我比d 心機... 仲問我溫左書未....... 我真係未溫... 一黎覺得冇野好溫, 咁多科係得 bio 要認真溫下...但係下個禮拜先考~ 二黎我都冇乜心機溫, 始終心散~ 我覺得miss luk 好似對我好大期望咁....不過佢成日唱衰我話我懶, 上堂唔專心, 唔聽書, 成日訓覺~~ 我已經收到風...

因為今日UE 堂開班會搞耐左~ 一放我地 5 個男仔就搭的士去圖書館自修室... 果然好快就去到~ 都係arm arm 有位ja... 見住d 中化, 諗緊其實睇課文係咪真係有用..之前miss ho 比 d past paper 全部都係吹水多ja wo... 可能睇左多d 野吹掛~ anyway, 第一篇課文真係幾難明下, d 句子好多個 ' 之 ' 字, 唐君毅係咪唔識中文... ? 我唔敢話佢有語病, 但係文字寫出黎就係要人明白.. 睇到大家咁辛苦, 何必呢 ?

睇睇下都頂唔順出左去圖書館行左一轉~ 返黎已經決定唔睇, 轉睇 applied maths... 我今日借呢本 applied maths for advanced level 果陣已經好多人覺得好好奇, 問我係咪諗住讀埋 applied maths...其實係因為 applied maths 入面d mechanic 題目比 AL physics 深, 我想鑽研下... 話時話, 睇完我都有d 想考 applied maths... 只係比一般AL physics 更深, 讀一科等於讀兩科... 正, 不過埋頭睇一堆 differential function 同 integral function 果陣, 有d 肚餓~ 就同so sir, turtle 落左去買野食

好耐未食過大埔墟d 麵包~ 今日係一間新開( 其實都唔算新開...) ge 鋪頭買包食, 都幾好食..

溫到 8 點就走lu~ 行返屋企, save 番d 車錢... hehe

對唔住ar~ 我平時返學唔帶電話, 所以唔知你send msg 黎...

頭先唔記得打, 今日bio 堂 sum sir 唔記得上堂, 不過佢最後都上左黎... 仲以為可以集體走堂

我發覺我朝早唔食早餐真係唔得~ 如果果日唔食, 一到lunch 實好肚餓... 加上未到lunch 果陣, 捱肚餓好辛苦...
但係又唔記得買早餐.....冇計... 今朝出門口果陣好大風, 大埔得 18 度

頭 3 堂 chem 同physics 又係hea......... 我覺得上堂好似好waste time.. 因為教得太慢...... 搞到個人都好似好眼訓咁...

之後bio 堂就唔同d, 因為要聽書~ 又開左新 topic 教.. 唔知點解, 呢排上bio 堂好似冇以前咁專心, 有時又集中唔到精神, 掛住玩咁~ 我唔可以再咁落去~ bio 一唔集中精神, 好快就會唔知佢講緊乜~

lunch 又見la~ haha~ 金源d 飯真係好細碟, 一碟真係唔夠飽... 我覺得我要食兩碟先夠飽~ 但係兩碟飯成 36 蚊... 好唔抵.......仲未諗到去金源食要食d 乜先夠飽......

走果陣見到 miss luk 同 miss tsui~ 比人串tim

最後 3 堂都冇乜好打~ 作下文,對下 exercise 就完左

不過miss luk 係最後一堂同我地講左d 野, 話唔好諗住睇小平時d 小測驗,功課, 諗住去到 HKAL 果下先發力~ 佢話如果你平時都唔認真, 做d 功課又求其, 到時就會唔掂... 諗諗下佢好似講緊我...其實佢都講得arm~ 但係好難避免我會咁諗...平時d 功課同小測太過低B

不過我要改下~ 雖然暫時都仲係心散.........

今朝返教會, 雖然小組得兩個人~ 但係都學到d 野

之後唔打咁多lu~ 開心ge 事情放係心入面好d

wakakakaka!!!!

呢兩日過得好開心~ 但係一d 書都未溫過
兩日都出左成日街.... 唔緊要~ 仲有大把時間溫

今朝會合左LP 就去lu~ 搭緊火車仲撞到珊珊, 真係意想不到ar~ haha
我地3 個算係早到, 得張世kit 同李尉濠係早過我地ja~

等到 10 點左右先齊人... 但係其實係約 9 點 9 ge
第一站就係去道風山基督教叢林, 係由一個牧師好耐之前起ge~
入面ge 野多數都係同基督教同佛教有關, 融合晒兩個宗教ge 特色, 例如果度都會有專比和尚住ge 宿舍~
因為呢度傳教ge 對象主要係和尚, 所以一切都同和尚ge 生活環境好夾
果度真係幾清幽下, 因為係山上面... 一落車, 即刻感受到一陣涼風吹埋黎~ 好正ar~
係果度都影左幾多相下...
果度仲有 lunch provided, 雖然得 3 樣餸, 但係都算係唔錯~ 呢d 清靜地竟然有咖哩牛腩食........
不過我都係食飯多, 果度d 湯都幾好飲~

之後周圍行左陣, 就去左第 2 站黃大仙廟~ 果度真係香火鼎盛.... 我唔係太鍾意陣味..
有兩個小姐帶左我地行左一圈就解散lu~ 原來果度係以金木水火土五行佈置
d 女仔仲話想去求籤~ 佢地最後都有求, 唔知結果點呢 ?
求籤唔駛錢, 但係解籤好似要廿蚊..

走果陣搭巴士返去ar~ 係上水行左陣, 我好耐未行過上水ar~
then 又係搭巴士..........今日搭好多程巴士
搞到八達通冇晒錢lu~ 但係今日好開心... wakakakakakakkaka

夜晚返到去又係訓~ 訓到成 10 點...

本來好唔想到星期5, 因為星期六要去果個參觀... 但係而家好想去~ 因為有人陪我去ma... wakakaka

今日, 又係hea 左成日... 如果冇UE 堂, 返學真係好輕鬆~ 首先中化其實係討論堂, 你鍾意可以講兩句, 加上d topic 都幾好玩~phy 堂更加冇得頂, 真係隨心所欲, 聽書又得, 做功課又得, 訓覺又得, 出座位玩又得~ chem 堂又係聽唔聽書都得, 阿sir 講野又細聲, 加上而家鍾意自學, 通常都係佢有佢講~ 我有我睇書, 之後上堂果陣再掃晒後面 d exercise, 唔識先問阿 sir, 我覺得呢種方法幾好~ 我而家physics 同chem 都係咁, 進度都幾快, 我覺得咁樣幾好wo~ haha.. bio 就要聽阿sir 講書, 雖然進度比較慢, 但係學到好多課外野, bio 真係好好玩~ 加上阿sir 上 10 分鐘堂有 10 分鐘休息吹水, 所以而家返學都幾開心 ga, phy chem bio 係我最喜愛ge 3 科, AL 有得讀番呢 3 科, 真係 perfect !!! 所以冇UE ge 日子真係幾好...

講番正題, 今日 bio 勁搞野, 講左10 分鐘之後 25 分鐘都係休息.... 史無前例

之後都冇乜好做la~ 小息又係度講埋d 二十四孝的故事ge 白痴野, then 兩堂中化就係度討論...好快就完左~

最開心都係lunch time... wakakakakakkakakakakaka... 今日金源d 飯特別好食~

返到黎 3 堂physics~ 淨係計左一條數..

放學行大中ar~又係好開心

今日真係幾開心~