補打番yesterday 日記, 請看

今日考bio, 抱住吹水心態去考~ 考果陣份野都唔係好難, 係有一題畫 chloroplast 唔識畫+ 有題睇漏左冇左3 分...

考果陣比張G 紙 ' 界' 親手, 流血不止, 差d 想寫血書

考完就同turtle,+0, cream 食lunch, 食完就返屋企~

今日萬聖節, 諗起果日係巴士聽到後面個男人講ge 一段說話~ 好白痴.. haha

今朝返左教會搵作基哥哥之後, 再同so sir  行左陣街, 就一條友去左m 記溫bio!!

係果度真係見盡人生百態, 係我隔離有幾個阿婆, 一直陪住我係度溫書... 佢地係咁傾計, 我一路溫書一路聽

左手邊d 人就不停咁換, 一開始係一個family, 一家三口好溫馨, 第 2 個都係family, 得媽媽同個細路仔... 個細路仔係度睇叮噹, 笑得好大聲~ 然後個媽媽就同佢睇埋一份... 之後兩個一齊笑.....

第 3 次就係兩個女仔, 不斷講粗口, 攞住係櫻桃買ge 西餅係m記食~ 食果陣已經係度爆晒粗, 食完之後更勁.... 之後佢地拎d 筆出黎畫公仔, mcdonald 個盤d 墊底紙就咁比佢地畫花晒... 難為紙上面的陳奕迅--- 我暫時最like ge 男歌手

then 有個女仔話 ' 你而家玩殘晒d 筆, 聽日邊駛 ut ? ' , 我聽到之後, 心諗 : 點解好似咁多間學校要ut...再過一陣, 有個女仔攞一本何中ge 簿出黎... what the hell....  我完全估唔到佢地係何中, 而家d 低form 真係...

溫到4 點半左右走人~ 溫左 3 個鐘左右, 都溫左幾多下~ 之後去大中買下野食, 返屋企lu

夜晚顧住睇生化危機同傾電話, 都係冇溫書.........

唉...

最後... 今日下午都係冇溫過書

好失敗!!!

呢兩日因為server 升級, 所以都上唔到日記~ 簡單咁講下之前兩日考成點

physics 就比我預期之中難左, 加上時間分配都唔係咁好~ 所以我都唔期望今次會好高分, 果日考完physics 就返屋企... 訓覺....

尋日考UE, 考section C 同sectionE, section C 都 ok, 但係section E 我覺得好多野可以抄, 但係又唔知抄咩好~ 同埋唔知應該點抄, 放學果陣miss luk 話佢已經改晒section C, 淨係話我 comprehension 唔錯~ 14 題arm 11 題, 我覺得好似錯好多wo... 3 題都叫少 ?

尋日另一件事就係阿sir 通知我可以去leadership trainning camp, 本來都諗住唔去ga la~ 但係交比運氣同埋神決定之後, 都係要我去, 希望去到有所得著la~

返到屋企食埋飯, 訓左陣, 又出街lu~ 出到成 11 點幾先返到黎, 之後好tired, 即刻訓覺.........

講番今日, 本來諗住去自修室~ 但係冇起到身, 咁唯有係屋企溫la~ 而家bio 溫都未溫過, 都唔知點好~ 我諗今次bio ut 都係死ga la

今日測ut~ 又訓遲左la... 搞到出門口好趕急........ 又冇食早餐.... 所以其實狀態不太好

不過真係考果陣都算咁~ 我做左實用文先, 再做閱讀理解, 最後係文化問題... 實用文用ge 時間比我預期中長左, 用左1hr 15 mins~ 所以做埋閱讀理解果陣, 得番 40 mins 答文化問題~ 始終都係唔夠時間, 我覺得自己答得唔係太好.... 不過都答左3 pages, 算係咁~

考完就成班人去左自修室溫phy~ 我都冇乜心機溫, 去到果度都成11點9, 我係度hea 到12 點9 then 食飯~食完飯12 點半, 我返到上去自修室再訓到 15 mins 先真正開始溫書....所以去到果度頭兩個鐘我係冇溫到書ge~ wakaka

之後就 ' 的 ' 起心肝溫physics, 做左成 5 十幾條唔 long 唔 short ge questions....... 做到 5 點鐘左右出左去傾電話~ 之後5 點半就走lu

夜晚果陣又係冇乜點溫過書..又係掛住傾電話

聽日考physics, 希望好好地la~ 不過根據以往ge 經驗, 通常ut 都會考得唔係咁好, 之後exam 先會發力大比數勝出... hehe.. 所以我都唔期望今次考得好~ 可能係宿命.. 盡力而為la!!