今日冇乜野做~ 係lunch 落左街買野同 grandma share 食

之後係屋企煲周杰倫新碟, 4 點左右出去剪頭髮~ 5 點幾返到屋企

今次剪完都係同上次差唔多~ 剪完舒服晒

then 傾下電話, 沖埋涼就食飯~

成晚都係冇野做.......  悶死了

尋日有d 野唔記得打~ 就係返到大埔之後返左學 8 下d 成績~ 有d 估唔到~  haha

聽佢地講, 中化, UE, phy, bio 都派左卷~ 中化我都唔知自己成績點... 但係UE 都算係咁~ 雖然section E 做得唔好, 但係 section C 拉番~ section E 我得 58 ja... 頹.. 好彩 section C 都好似有 7 字頭(聽miss luk 講)

physics 好搞野, 全班得我一個合格~ 真係估唔到, 其他肥晒...好似都有廿幾人讀physics... 合格率 5% 都冇

bio 都唔錯~ 有71 分~ 但係我答少左d 野ga wo... 有題眼漏眼, 冇左 3 分~我覺得算係咁ga la~ 起碼冇人高過我先... 呵呵呵呵

期待chem ge 成績~

講番今曰, 朝早出左沙田~ hehe~ 之後行下街咁, 咁就返去~ 好tired ar~

下面打番 leadership trainning camp d 野~ 打打下冇心機打tim

尋日一返到去即訓, 訓到今朝, 係時候補打番個 camp d 野~ 我有預感會好長

第一日 2/11

一去到個camp, 就玩左幾個遊戲, 就係 ' 呯嘭wa ' 改版同埋一個唔比用口講野, 但係要全部4 十幾人跟番生日日期派番條對~ 個個都合作得好好ar~ 所以好快就搞掂.. haha~ 之後就要大家手拖手圍成一個圈先~ 之後做唔同形狀, 我地都做到~

then 就分番4組坐, 我同曾文泉, so子健, c wing, 珊珊, kai 俊, 一姐, 阿清, 麥當娜, 琛琛同埋寶寶一組~ 可能大家唔知佢地係邊個, 但係大家已經習慣左咁叫...總之就係精英雲集la~ 一開始就要我地坐低除鞋, 要用隻腳黎運番每一隻鞋比其他人著番wo~ 幾好玩.. 不過最後我地有d 混亂, 所以乾脆用手~ 犯晒規...then 就叫我地圍圈介紹自己, 我就係呢個時候識大家ga la~ 之後叫大家都要替自己諗一個動作... 我地仲表演tim ar!! 好搞笑!! 我地組d 動作好有創意~ 招牌動作 ' 麥當娜 ' 就係呢個時候諗ge~then 都唔多講la~ 仲有一個活動就係要我地諗d 野去表演領袖特質, 又係我地組ge showtime~ 我地組呢個時候就決定左叫 ' 逍遙派 ' , 口號係 ' 逍遙派, 領袖最高境界 ' , 係咪好正呢 ? 我諗ga~wakaka~ 玩晒就食dinner.. 呢度d dinner 唔多掂........

夜晚就玩尋寶遊戲~ 每組得一個人可以開眼, 其他全部都要蒙眼ga.. 我就係其中一個~ 其實行左邊度我都唔係好知, 不過最後我地組搵左5 樣野ge 4 樣野~ 唔錯~ then 就食糖水, 咁就完左第一日lu~ 我地凌晨時間都係踢波, 講鬼故, 打康樂棋~ 搞到 5 點幾先訓~

第2 日, 3/11

唔願起身~ 迷迷糊糊刷牙就出去食早餐~ 食完就玩左幾樣野...首先係爭波仔, then 係要用3 條木搭一條通道去過關~ then 有一個係要d 人行過一個立方體... 詳情唔多講~ 但係真係好好玩~ 食完飯之後就玩其他活動, 本來我地組想揀 spider-man jump~ 但係冇得玩... 最後玩左一個叫無懼柱ge 野~ 上到去我都有d 驚... 真係失敗~ 最後都完成到~ yeah~ 今次個game 真係好體現到團體精神, 大家都幫大家打氣ar~ 好正~ 最後食dinner, 之後玩領袖do did done~ 又係我地組ge showtime, 題目係 ' 陸運會領袖生當值事宜 ' , 我地組有幾個 prefects~ arm 晒~ 傾掂晒我地就用一個 drama ge 形式表達出黎~ 我地有句口號ga~ 就係 ' 陸運會守足規例, 玩得開心鄧sir 錫晒你 ', 又係我諗ga~ haha~ 不過有d 組可能睇唔順眼我地組係分數上領先, 係咁問問題challenge 我地... 無奈law~ 玩完呢個, 之後d 活動好感人ga~ 大家攞住枝candles 圍圈傾計~ 又幫大家按摩, 之後仲跳舞~ 唱歌~ 玩到大家好high.... 最後我地成班人手拖手, 一齊唱 '朋友仔 ' ar~ 走果陣真係好唔捨得...........

返到房~ 出去探險, 同埋係房做d 野... hehehehehehhehehe.... 呢個係我地幾個男仔ge 秘密
之後去左玩 killer~ 玩完就訓~

第3 日, 4/11

尋晚訓得算係多~ 都有3 個鐘ge~ 我地朝早係自由時間, 去左射箭~ 好玩~

then 又有分組活動, 係貼張紙係後面寫對果個人ge 感受, 好正~ 個個都話我風趣幽默wo~ wakaka~ 而家仲多左個阿妹tim... 因為有人話我好有大哥哥feel...

跟住又係唱歌時間~ 唱到喉都沙晒.........

食完lunch 就返去la~ 今次camp 真係獲益良多, 我永遠都會記得 ' 逍遙派 'ge 每一位同學ge~ 口號係 ' 逍遙派, 你係得ge~ ' 順帶一題, 我地組最後大熱勝出~

希望遲d 大家可以重聚la~

今日測 chem, 我覺得算係答得幾好

希望高分

一陣要去 camp la~ 如果呢幾日老師對卷ge 話

請龜先生同 +0 小姐幫我手對下卷~ 唔該晒

今日9 點幾就左身會合turtle and +0, 去自修室溫書~

成個上午淨係睇左energetic 同計左大部份past paper, 都幾無聊下~ 之後lunch 同左佢兩個去新達食飯, 因為要慶祝+0 生日ar~ 生日快樂~ 果度d 野幾好食, 一個lunch只係 20 蚊~ 非常之抵, 下次我想再去果度食~

食到 2 點鐘就返去溫書~ 一開始都係發呆多.... 之後 4 點幾 5 點先開似發力睇書~ d 時間真係過得好快ar~ 我地溫到8 點走人, 仲見到 60 tim~ 佢個頭好得意wo.. haha

then 行返屋企, 中途食左萬利牛丸~ 好耐冇食ar~ 好好食

而家好眼訓~ 雖然今日係果度發呆ge 時間比溫書多好多...