補打番yesterday 日記lu~話咁快已經係9 月的最後一天.............

朝早起身返學集合, 去左個 ' 創新科技展 '
去果陣比較塞車, 所以搭左一個鐘車先去到~

我覺得都算幾多野睇, 一去到就比左個 badge 我地.......
上到去, 真係好多 ' 創新科技 '
見識到城大個無線充電平台... 有d 中學生真係幾勁, 整左個成個小露寶咁ge 機械人
可以用手提電話control ga~ 好得意下
有d 中學生就整左個模擬磁浮ge model, 但係唔知佢係邊度搵舊咁勁ge 磁石返黎
如果有我都識整la~
仲有科大個機械人足球比賽, 係度撞下撞下咁... 都幾悶
理工大學就有得打機, 比我打到 12 level 之後覺得太易唔玩
中大就真係遜色少少....除左一班無知少女為左中大d 書籤爭風呷醋之外, 得d 中醫係度幫人把下脈, 整下你d 穴位咁.... 不過中醫真係幾好玩~
仲有好多~ 但係唔arm 我地level, 好似關於物流, 製衣果d....
12 點半就走~ 行左一個鐘多d ja... 想行耐d
不過冇車錢ge 關係~ 都係跟返學校車走, 返去果陣快好多~ 半個鐘就由灣仔返到大埔

下午係屋企訓左陣..... 之後又出去lu~ 遲左5mins...... sorry~
搭火車+ MTR 去到九龍灣, 交埋份學生個人八達通申請表
果度真係幾多野行~ 有德福商場+ 淘大商場
又重臨sars 重災區..... 見到果陣新聞成日播果幾橦樓........行商場果陣心諗: 可能呢度有1/5 人都感染過sars~

等人期間返去德福商場間商務睇書, 仲係pie and tart 買左個鮮奶撻食~ 好好食~
then 搭巴士再加火車就返到屋企lu~ 架巴士成 13 蚊程.... 好貴......

今日d 病好左7 成~ thanks god and thank you!!

今日有心機打日記, 就整d 相比你地睇下~ 用手機影ga, 質素冇相機咁好~ 但係都幾大張下, 本來成 200 像素~ 要resize 晒先出得街..

可愛的bb~

創新科技展ge 一架車

中學生發明的機械人

polytechnic university photo....

機械人踢波

加送 : 後腳出波...

今日早放~ 實在太好了

朝早上ue 堂都未訓醒, 發緊夢, 加上病病地, 篇listening 又難

好多野都聽唔到~ miss luk 仲要叫我出去答問題

唔識做ar~ 無奈.......佢成日都叫我答問題ga~

之後phy 堂, 算係幾好~ 因為有得做下d exercise

今日果兩堂pe 先係最好玩, 本來都病病地唔太精神, 但係一玩softball 就充滿活力~

真係好正, 下堂又有得玩la~ good

放學去左cafe polanka 食飯, 之後周圍行左陣就返去la~

傾左陣計, gd!

p.s.:今日係咁流鼻水, 係咁打乞嚏.........夜晚出左大中買野, brother 請食許留山龜苓膏~
真係好正, 食完之後個喉嚨痛即刻好番.. .wakakaka

今日頭幾堂又係無聊, 上physics 同中化...
physics 自己終於睇到去circular motion, 好多式要記
而阿sir 都好似講得快番少少, 終於講到moment~

中化堂miss ho 係度講d 社評, 佢堂堂都話會講文化篇章, 但係次次都話咁快打鐘, 所以就下堂講...
佢教書... 真係唔係太掂

then 兩堂bio 勁好玩~ phy chem bio 之中暫時難到我ge 都係得bio, 有d 野仲係諗唔明...
同chem 有關, 但係我又唔係好想問而家個chem 阿sir............... 或者同佢唔係太熟
其實佢都幾nice ga~ 不過係有d 怕醜, 再加上聽完佢d a-level 成績, 好似對佢信心減弱左...
始終都係doctor wong 好d ? 定係我地低估左佢?
anyway, 對bio 而家教緊d 野真係好有興趣, 要綜合晒chem 同bio ge 知識先可以精通bio, 真係幾難...

lunch 返到黎有d 無奈....... 因為有人係我張table 寫d 無聊野, 搞到勁多人圍觀... 都唔知乜事~
對呢d 咁ge 小動作都幾厭惡, 開始覺得好煩

最後3 堂作文, 份outline 比miss luk 收左之後唔見左....不過有得睇人地果份都係一樣~
我地3 堂有一半時間係用黎吹水, 係咁係度玩~ 搞到放學都未作完.....
成班人去左圖書館作文~

之後就走lu~ 返到屋企訓左陣就煮飯....
今日喉嚨有d 唔舒服~ 唔知做乜...

呢排都係勁手緊... 冇$$$$$$$lu 

而家我發覺返學果陣成日都發夢, 上頭兩堂chem 係咁
中化堂又係咁, 不過上bio 堂好留心~
真係教得最好係bio...........但係點解呢兩年都冇人拎C ? 唔明

上左咁耐堂, 証實左中化同UE 係悶到嘔...... 基本上上呢兩堂果陣大部份時間係發夢

lunch 同人去左金源食~ 雖然d 飯唔太好食(果度d 麵好食d)
但係好開心~

返到黎 3 堂ue 唔駛點上, 因為有學生會答問大會
我成日都覺得呢班6B 唔夠團結, 可能好多人唔like 呢個內閣組合...(事實上又真係幾kai ge 一個組合)
但係既然冇其他人出黎去完成呢個偉大使命(kt 話ge....)
大家應該支持下~ 其實佢地要承受好大壓力ga
當佢地失言比人噓果陣... 我真係好想係個位大叫 ' 支持全意社! '
如果成班6b 一齊叫下囂就更加好~ 咁先叫團結ga ma

返到去上堂果陣都冇乜時間, 又係度講作文.... 發發下夢果陣miss luk 突然超大聲叫我個名要我答問題
都唔知乜事.....好彩隔離莊國錢提我先識ja
上上下又有個外國佬走左入黎同我地傾計~ haha
原來係SCMP d 記者, 同我地講英文..... 佢問我地最鍾意邊句孔子名言
我想講 : ' When three people are walking together, there is something you can learn. '
' 三人行, 必有我師 ' ... wakakaka

放左學本來約左趙sir 去bio lab 整書籤, 但係趙sir 自己走左佬
所以我地都自己散~ then 同人去左大中行街, 好耐未食過撈撈~ haha
行到咁上下就走lu~ 呢一程去大中用左好多錢
因為訂左harry potter 6 中文版, $136
又用左10 蚊買撈撈~ 冇錢lu

行到返富亨果陣有個filipino 走過黎問我路.... 我就教左佢行la~ haha
同d 外國人講英文真係好得意, 好好玩ar~

成日都要打主題真係好煩...... 日日打日記都要打主題, 但係我其實又冇乜主題...
算了~ 是是但但, 符合我的性格

今日朝早滂沱大雨, 好彩我攞左一把大遮返學... 淨係濕左條褲, 因為好多水tum
加上d 雨係下面刮埋黎, 避無可避, 但係都已經好好~ 返到去其他同學個個都成身濕晒, 淨係得我一個較為濕得少
聽龜講話6A ge 好多女同學除左隻鞋, 坐係張枱度fing.. 好悠閒咁, 相比之下, 我地班ge 女仔較有儀態.....

上堂果陣, d 老師一連sell 左兩個活動比我地, 一個係商校伙伴計劃....話有得去大公司參觀wo
miss luk 話對諗住讀bba ge 同學會有幫助, 話時話... 我大學除左medic 都唔知讀乜好
bba 都有d 可能... 不過機會細d, 因為冇乜興趣~ 所以我都冇去
另一個係創新科技展~ 應該會去掛...

上堂果陣都ok留心, 不過調完位之後坐後左好多.....成日比張世kit 個大頭遮住晒~ 肯定係佢個腦唔正常, 頭都大D
而家同莊國前坐, 都幾好~ 可以認識下以前5D ge 同學...

小息終於交低晒d 野比form 4 d 幹事, 自己可以relax 下....話時話, 果班女仔好多野講....

今日lunch 果陣albert 第n 次倒瀉野, 佢由上年開始食飯果陣已經成日係咁, 不停倒瀉水........之前佢將呢個習慣帶到學校, 係chem 堂打爛唔知beaker 定test tube, 保佑佢唔好打爛volumetric flask... 唔係賠都賠死佢

到最後果3 堂好快過去左~ 2 堂中化做閱讀理解, 1 堂UE 睇番d 功課... 今日派番份practical skills, 得果 66 分... 搞錯, 可能我做得太快..........大惑不解...點解會咁低分, 不過唔緊要, 我呢d 大賽球員係最重要關頭先出手

放學有人送我返屋企~ 真係好la, 睇番自己以前寫d 野, 真係幾白痴........ 仲要出自自己的手筆... unbelivable !!