Sleep for the whole day.

happy birthday to孔子... 祝你年年冇今日, 咁就唔駛再去孔聖誔
話時話,,, form 7 應該唔駛去, 今年應該係最後一次去lu~

朝早起身去cu orientation day, 約左佢地係大學站售票處等, 點知全部人都遲到~ 除左珊珊
都唔知點解d 人成日遲到~ 下次我又遲下先

等齊人就搭校巴上去, 今日落雨.. 行邊度都要擔住把umbrella, 好唔方便
我ge第一站就梗係去 falculty of medicine, 醫學院
有紀念品攞~ 不過冇上年咁多....
上左兩層樓梯, 行左藥劑, 骨科, 精神科等等...藥劑冇乜野睇, 但係骨科同精神科幾好~
骨科有 d 儀器比你睇下, 其中有d相係顯示到一個人ge vertebrae 係彎晒.................我記得我好耐之前做身體檢查都話我彎左~ 不過個 professor 話少少彎係冇野ga
精神科就有game 玩, 珊珊同cream ge 成績都係below average, 得我一個係above average.. wakaka
then 落番去解剖室度睇, 一入去得小貓兩三隻........果度好大陣消毒藥水味, 中間有個長枱放晒d 器官係度~
行埋去, 有條友係張枱度拎起一隻比人斬斷左ge 手, 同我講話 ' 摸得ga wo~ '
勁搞野, 不過都幾好睇...(有好多人覺得嘔心)好睇過人體奧妙展

睇完就係d counter 度行, 拎下單張咁... 成日都比人問我有冇讀 bio... 我係唔會入bio ga la~ 算la
除左 medicine 外我最有興趣都係 molecular biotechnology 同 biochem
佢地睇完醫學院之後都走晒la~ 咁我就一個人行science centre
行晒全部系~度度都幾好睇... biochem 果度有得比你整crystals, 我整左.. 佢仲影左幅相比你留念tim
果度仲有d mutant form of fruit flies... 好正wo, 未見過實物
果度d pitette 超方便~
enviromental science 一入去就放件潛水衣....... 吹脹
其他lab 都幾好ga~ d lecture rooms 又幾舒服

行晒之後都差唔多要返去, 因為要返學...11 點左右就走lu
今日都淨係行左science centre 同埋醫學院, 算係完成左初步目標.. form 7 一定再去

返到大埔同albert, 珊珊食mcdonald, 食到11 點9 返屋企~
點知arm arm miss 左班車... 等到 11:55 先有車~ 返到去都成12:10 左右...
極速換衫, 執野, 搵番件冷衫.....12:20 左右出門口~ 之後行返去果陣心諗橫掂都遲到, 就去左萬寧買糖食
返到去12:30wo~ haha, 比原定時間遲左15 分鐘

上到班房傾左陣計就搭車去新伊館lu~ 真係好快, 一陣就到..
去到坐左陣就開始, 悶到嘔, 成個典禮都係度發呆or 傾計~ 後面果3 個女仔真係好好傾... haha
最好睇都係八德舞, 好懷念以前有份跳ge 日子...

返去又係好快~ 聽左幾首歌就返到大埔......
之後當然係送人返屋企la~ wakakaka
好肚餓, 返到屋企食左兩包公仔麵..

真係好~ 冇功課

 

今朝史無前例咁無食早餐!! 因為冇買.... 冇得食
但係因為咁, 可以訓耐d~

而家返學真係幾無聊下, 而家我發覺返學真係可以唔聽書... 所以今日都係成日冇聽書, 做自己野~
唔知呢個現象係好定壞呢?haha
除左bio 堂我真係幾留心之外, 其他堂一係自己做exercise~ 一係發呆

中化堂個discussion 幾搞笑, 講 ' 人禽之辨 ', topic 係人類究竟有冇權利為左自己ge 利益去控制動物ge 生命
有d point 都幾搞笑... 最記得係so sir 講果個咩' 減低獸性 ' ..... 好似同topic冇乜關係
then 大家出去present, 我地組都做得幾好ga la~ haha

今日lunch 同番so sir, albert, 龜食, 因為好似好耐未同過佢地食咁~
係大家樂中左張UA 10 蚊學生戲飛折扣...呢排冇乜戲好睇wo

最後3 堂physics 都係自己做exercise~ AL d physics mc 一題可以玩你 10 幾mins..... 真係幾難
幾好玩~ 唔係好似ce 果d 咁淺, 幾下就搞掂, 一d 趣味都冇~
順帶一題.... 張照光真係勁白痴, 都唔知話佢聰明定乜好.... 我覺得佢呢份人iq 實好高, 但係有d 唔正常...

今日好早放學~ 好耐都未試過咁早... 所以又史無前例咁行返太和再搭巴士去粉嶺......之前通常都係搭火車~送完人返去, 自己返到屋企先 6 點ja~ 真係最早係今次

looking forward to seeing you and going to CU~ 

日記好耐冇人留言... 拍蚊中

今朝約左so sir and turtle 唱k, 不過我遲到.. 佢地打黎果陣我先起身........
不過極速換衫去到~用左10mins 出門口, 10mins 去到

之後去到旺角中心果度, 一開始狂唱d 女仔歌... 又幾好玩wo
男歌手ge 歌我地好少唱...haha

唱完都差唔多3點, 龜又要補習, so sir 要接60, 所以就各自走人~ haha

搭車返去果陣隔離班細路勁嘈, 又打交wo~ 搞到傾電話都傾得唔安樂... 而家d 細路真係naughty

成個夜晚係度睇電視, 之後就做功課~ 都做左幾耐下, 因為做下又停下咁, 份bio 真係煩....

成晚都有人用電腦~ 而家先有得玩...

今日成日都冇聽過書, 我ge 感覺就好似係冇返過學....................

第1 堂中化, 發呆

第2,3 堂chem, 自己go through 晒, 因為佢實在講得太慢...............

第4,5 堂physics, 又係自己做exercise... 而家做晒成個ch 0,1 d exercise

第6,7,8 堂bio, 做實驗~ 3 堂都係自己玩food test, 平淡中都幾有趣...

好似上左一個月, 都未感受到咩叫 A-level...究竟 A-level 難係邊 ? 可能係頭一個月教d 野太淺~ 但係老師真係講得太慢......算la, 我自己去遠d~

今日lunch 竟然去左大排檔食~ 因為度度都冇位.. haha, 雖然係幾熱下, 但係果度都幾多位, 下次冇位, 果度就係我地ge last choice~

放學諗住去搵班form 4 幹事, 點知一個二個走晒... 正以為佢地原來係咁不負責任之際, 佢地自己去左1/F 整board~ 真係好 surprised, 最後做左 worker, 比人係咁指揮釘野............ 原來堂堂理科學會主席ge 用途係咁~ 釘到我出晒汗, 不過總算完成左個board~ 太好了

做到4 點半左右...(我估ja)就送人返粉嶺~ 搭火車返屋企果陣簡直有種解脫ge 感覺... 因為d 冷氣實在太正了~返到去7 點幾, 即刻訓覺......... 好tired 好tired 好tired.........起身果陣都差唔多11 點~