游水+去YOYO屋企!

我同Ｙｏｙｏ瞓到１１點幾就要起身ｌｕ∼
其實係俾人叫醒既　＝．＝
因為今日要去會所游水．．
起身之後食左碗麵，
我諗應該係好食過我地尋晚煮果ｄ既∼

１點幾去到會所，
同Ｙｏｙｏ喺度玩電話入面ｄ遊戲，
我地玩果個打網球，好好玩架！！
不過因為我地實在太白痴ｌｕ∼
次次都輸既　＝．＝

之後我地就去游水喇∼
我地喺室內泳池度游水．．
但係唔知做咩事囉，
個泳池又好大回音喎∼
搞到我地連笑都唔敢咁大聲　＝ｖ＝

哈哈﹏好搞笑呀＞ｖ＜
見到個阿婆，佢喺度做體操！！
唔知佢係咪前國家體操既代表呢？！XDD''''''
仲有呀﹏我見到有個男人係勁白架，
真係同Ｈｕｇｏ有得揮呀∼
我諗佢地梗係成日用ＳＫ２架喇^^''

我地游到３點幾，
跟住就去食野ｌｕ∼
嘩！食左好多野．．．
１）雪菜肉絲公仔麵
２）芝士咸牛肉三文治
３）雞蛋咸牛肉三文治
４）雜果大菜糕
哈哈﹏有咁多野食，好開心呀∼

好啦﹏跟住番Ｙｏｙｏ屋企，
開電腦玩下咁啦∼
陣間有《美女廚房》呀！！
１定要睇呢　＞ｖ＜

終於可以番約團喇..

尋晚ＭＳＮ果陣，就越諗越唔對路，
因為ｄ功課做到好差，
數學既Ｒeｌaｘ  Zｏnｅ全部未做，
仲有英文ｒｅａｄｅｒ又做到咁咩喎．．
驚俾老師鬧呀　＞﹏＜
所以就決定左同邱泳懷＋李漢鋒，
今日喺番約團之前，
１齊做功課！！！
之後玩到１點幾，但係俾媽咪發現左　＝．＝
所以就去左瞓覺ｌｕ∼

今朝１０點半起身，
１１點半就出門口ｌｕ∼
１２點０５分到左學校，
見佢地未到，我就上去１樓，
因為要睇下我份功課喺唔喺度．．
行去Ｍｉｓｓ　Ｎｇ個簿櫃，
點解會唔見左本野架？！
佢做乜咁勤力呀？！
又唔拎走個英文暑期作業，
係都要拎走白色果份．．
唉﹏冇得做添　＝．＝

之後見到佢地２個上黎，
原來邱泳懷一早就到左ｌｕ∼
但係點解我見唔到佢既？！
好啦﹏跟住佢又睇下佢果份白色野喺唔喺度，
但係佢既命運同我１樣，
Ｍｓ　Ｌｅｅ都拎走左．．
哈哈﹏冇得做　＝ｖ＝

既然英文冇得做，
咁就去睇下數學可唔可以做啦∼
諗住落去Ｈａｌｌ下面個地庫，
但係見到有人喺度，
所以唔可以落去住　＝．＝

咁我地就陪ＰHＯNＥ落去做功課，
不過其實都唔係佢做既　＞ｖ＜
好多都係邱泳懷幫佢做既．．
卡卡﹏識到呢ｄ　ｆｄ都算佢好彩喇．．ＸＤ""""
做到１點３，我地就去食ｌｕｎｃｈ喇！

行左去安定，果間叫做．．．
唔好意思﹏我又唔記得左　＝ｖ＝
記性真的太好了！！
唔好理佢叫咩名喇∼總之就係食車仔麵架啦！
食麵果陣，唔知點解咁多「狂蜂浪蝶」，
仲要成日整住我，搞到我食得最慢．．

食完就番學校繼續做功課喇！！
去番ＳＫ個簿櫃，
諗住搵下有冇我本數學啦∼
點知佢又係咁勤力喎．．
竟然拎走左？！
真係激死我喇！！
但係而家點算好呢．．
ＰHＯNＥ話佢可能會俾個缺點我呀∼
嗚．．嗚．．
我成世人都未拎過架！！
唉﹏第時上數學堂１定會俾佢鬧啦∼
之後黎小進又過左黎，
佢真係超勁呀！好快就幫ＰHＯNＥ做晒本野喇∼

３點７就上去ＳＡＣ番約團喇！
真係好開心呀＞ｖ＜有得番黎約團∼
不過因為遲左上黎，所以冇得同茄佢地１齊坐．．
唱詩．祈禱．奉獻．
係呀﹏頭先借左ｄ散紙俾ＰHＯNＥ買野飲，
搞到冇晒散紙奉獻，就用左紙幣．．

跟住就上去４樓分組ｌｕ∼
今日既安排有ｄ亂，
可能係因為升團果ｄ野啦！
跟住阿毛入左黎喎﹏
佢話記得要喺ＭＳＮ度ａｄｄ佢呀！
哈哈﹏佢個Ｅ－ｍａｉｌ好搞笑架．．

之後分組傾計啦∼
唔知傾左ｄ咩，咩都傾下咁啦！
唔知係咪太耐冇番黎喇﹏
所以覺得要好珍惜番約團既時間，
今日既約團可能冇乜精彩既活動．．
但係我都１樣過得好開心呀＞ｖ＜

差唔多６點就完左ｌｕ∼
約左Ｙｏｙｏ喺泥圍輕鐵站等．．
好野﹏佢今晚過黎玩呀！！
仲有ｄ屋企人又出晒街喎．．
得番我地２個喺屋企咋∼
真係超開心呢﹏　＞ｖ＜

我地好多個人企喺學校門口，
唔知做咩﹏又唔行喎∼
喺度ｈｅａ＋傾計，
無啦啦見到Ａｐｒｉｌ番黎，
原來佢要拎野俾思慧．．
佢又唔知做咩喺度傻笑喎∼
最搞笑既係：柳志皓話佢笑得好含情脈脈！
哈哈﹏我都覺呀∼
大家係咪覺得Ａｐｒｉｌ好有問題呢？
放心啦﹏身為佢既大家姐，
我係唔會坐視不理架∼
所以我得閒就會送佢入青山ｌｕ！

跟住老婆仔．茄．ｋａｍｏ佢地去置樂食野﹏
我都想去呀∼因為好肚餓．．
不過費事Ｙｏｙｏ喺度等我咁慘，
所以就冇同佢地１齊去ｌｕ∼
蔡蔡又要番屋企喎﹏
行下行下得番我同邱泳懷去搭車．．

好喇﹏番到去泥圍輕鐵站，
見唔到Ｙｏｙｏ∼　好傷心＞﹏＜
等左１２分鐘之後，終於見到佢落車喇∼
咁我地就行番屋企ｌｕ！

番到屋企，等我地２個都沖晒涼之後，
我地開始煮野食ｌｕ∼
本來媽咪已經將ｄ麵出左水，
放左喺雪櫃，叫我地放落ｄ湯度就得．．
但係我地２個白痴又搵唔到喎，
咁就自己拎左２個蝦子麵黎煮喇∼

煮下煮下﹏竟然聞到ｄ "LONE" 味！！
仲有呀﹏我地又唔記得落餸喎∼
搞到變左齋麵　＝．＝
唉﹏我發覺自己都ｏｋ失敗囉！！
不過唔緊要﹏我會努力架喇∼

食完野之後，我就「請教」Ｙｏｙｏ，
點樣整個Ｘａｎｇａ．．
嘩！佢真係好勁呀∼
我呢個做表姐既真係自愧不如呀　＝ｖ＝
係喇﹏我諗等到我生日果日呢，
我就會轉用Ｘａｎｇａ架喇∼

整整下﹏我地都覺得好肚餓，
梗係啦！！食得咁少野．．
咁我地搵下個雪櫃有咩食啦∼
俾我地搵到件鬆糕喎．．
我地就即刻拎黎食啦，
但係由於佢係由雪櫃拎出黎架嘛，
所以都ｏｋ硬．．　＝ｖ＝
咁之後我地就拎件鬆糕去叮ｌｕ∼
哈哈﹏佢終於變番真正既「鬆糕」喇！！

跟住我地又繼續整Ｘａｎｇａ啦∼
整到２點幾先去「瞓覺」，
我地都唔係瞓覺既．．
傾計都傾到３點幾喇！！
卡卡﹏今日真係玩得超開心呀∼

開學了!!!

今日就係正式開學既大日子喇∼
都有諗住早ｄ瞓既，
不過﹏始終都早唔到．．

仲有，我喺夜晚先知道，
原來我做錯左果本英文ｒｅａｄｅｒ，
人地叫我答頭２條問題，
我就以為係自己揀２條黎答，
唉﹏等我仲以為自己做晒ｄ功課，
點知．．真係「人算不如天算」！！

算啦﹏既然有人答應左我會幫我，
咁我就唔做住ｌｕ∼
卡卡﹏睇《天外飛仙》＋玩ＭＳＮ到１２點半，
呢個暑假咁就完左喇！
都有ｄ唔捨得　＝ｖ＝
去瞓覺，但係太早瞓唔著，
早知玩耐ｄ啦！！

今朝６點３起身，
的確係好早！！
有一種熟悉但又遙遠既感覺，
因為暑假之前都係咁早起身．．
但係過左成２個月，
所以都有ｄ唔習慣．．．

７點半番到學校，
見到Ｃｏｏｋｉｅ．伊琳．Ａｐｒｉｌ等等，
要ｃｈｅｃｋ校服喎∼
不過我一ｄ都唔驚，
因為我係好學生黎架嘛^^''
但有人唔係呢．．
俾ｐｒｅｆｅｃｔ捉左！
呢個就係你遲到既懲罰喇＞ｖ＜

好！上到３Ｂ放低個書包之後，
就立即過左３Ｄ　＝ｖ＝
有冇搞錯呀！我答左咁多字，
但係又做錯喎∼
你地個個都答咁少，
最過份就係邱泳懷！！
竟然真係答咁少．．真係佩服∼
我睇下Ｍｓ　Ｌｅｅ會有咩反應先！！

實在係有ｄ唔想番過去既感覺，
但係冇辦法．．
因為已經８：２８，唔番唔得，
搞到我同老婆仔要做「分飛燕」！！

終於要入去呢個３Ｂ既班房喇∼
竟然要跟號數坐．．
我隔離係小雅琳，很可愛吧∼
後面係文希＋Ｃｏｏｋｉｅ，
呢個位好滿意呀＞ｖ＜
因為有好多ｆｄ陪我呢﹏

而２個班主任就．．．
先講下吳惠珊老師啦∼
我覺得佢好有女強人ｆｅｅｌ，
不過無啦啦中文夾ｄ英文，
好似有ｄ怪既感覺．．
仲有﹏ｄ野俾佢講晒，
鄺ｓｉｒ冇野好講．．．
淨係做「阿４」咁派回條！！

派完ｄ野之後，
就開始選班會喇！！
哈哈﹏由伊琳做３Ｂ班主席呀∼
副主席就係媽咪．．
佢地２個簡直係最佳拍檔呀＞ｖ＜

承蒙各位既厚愛，
我成功當選為文書．．ＸＤＤ""""
不過得我１個係自薦既，
其他人都係有人推薦的．．．
唔通我真係咁勇敢？！卡卡＞ｖ＜

其他職位就等我報告１下啦！！
財政：朱紫軒
康樂：青怡＋許志豪
學術：如如＋梓嫣
總務：長今＋Ｂｅｎｎｙ
學行日誌：戴琳琳
男女班長：老師揀！！

不過﹏有１個問題，
鄺ｓｉｒ好似唔識睇中文，
咁我係咪要用英文打班會會議記錄？！
ＯＭＧ！仲有週記咁點算？！
哈哈∼真係好難講架！

終於都小息ｌｕ∼
又走過去３Ｄ班度，
唉﹏我驚我第日會成日走過去呀！！
搞到好似我係３Ｄ既同學咁∼
不過咁咪仲好，
Ｐｒｅｆｅｃｔ以為我係３Ｄ既，
咁就唔會捉我啦！！
但係好似我都係Ｐｒｅｆｅｃｔ黎架喎　＝ｖ＝
唔﹏咁當我頭先冇講過野啦！！

傾左成個小息，發覺３Ｄ好似１個交匯點咁，
差唔多每班都有ｄ代表入去傾計，
哈哈∼仲有呀．．
睇左個時間表，其實都冇乜特別，
最特別就係Ｍｓ　Ｙａｎｇ教我地ＲＳＣ！！
冇諗過佢會教ＲＳＣ架∼

落Ｈａｌｌ之前排番高矮，
又係排尾２．．如如繼續喺我後面，
前面既同學不太認識，
只知道佢係ｅｘ－２Ｂ既同學．．
好啦﹏落去要Ｏｐｅｎ　Ｃｅｒｅｍｏｎｙ！
即係全日之中最悶蛋的事情　＝ｖ＝

果然不出我所料，
真係超級悶的！！！
不過﹏我真係好佩服校長既功力，
佢點可以１年悶過１年架？！
明明舊年都冇咁想瞓覺架．．．
點解今年我會瞓得著既？？
唉﹏希望佢出年可以有進步啦∼
但係都唔好期望太高喇＞ｖ＜

足足遲左成半個鐘先放學！
就係為左聽校長既１番「肺腑之言」！
真係好有意義呢﹏＞ｖ＜
跟住去左同父母飲茶，
但係食左好少野就飽．．
可能係因為頭先行過黎曬得滯，
有ｄ唔舒服．．

食完野﹏行左１陣，
你地估下我見到邊個？！
就係翠盈同陳宇軒１齊行街．．
好ｓｗｅｅｔ呢！　＊ｖ＊

２點鐘番左學校，
因為今年有個新既學會，
叫做「中國剪紙學會」．．．
Ｍｓ　Ｃｈｕ想搵曉君幫手，
曉君話冇人陪佢，
所以我就答應左佢１齊幫手喇∼
卡卡﹏我真係好錫呢個妹妹架！！

番到去未夠鐘，
喺ＳＡＣ坐左１陣，
覺得有少少頭暈既現象．．
不過抖左１陣又冇野ｌｕ∼

要開始開工喇∼
首先就整左塊ｂｏａｒｄ，
準備喺星期一用，
到時要幫手宣傳．．．
但係最恐怖既就係，
週會或者要上台介紹！！
大家都知我既性格幾咁「內向」架啦！
到時唔知點算好呀？！

搞左成日﹏到５點就做完喇∼
番屋企ｌｕ！！
無無聊聊又開電腦啦∼
嘩！Ｙｏｙｏ個新Ｘａｎｇａ整到咁鬼靚，
真係恨死隔離呀＞ｖ＜

仲有呀﹏點解我個樣唔似女強人喎？！
唔制＞﹏＜　大家快ｄ講句公道說話，
唔可以俾曉君贏晒架嘛！！
雖然我冇佢咁勁，但係可能我第時會做到呢∼
好難講架嘛．．．

係呀﹏Ｙｏｕｔｕｂｅ有段超好笑的東西，
http://www.youtube.com/watch?v=62IXUDhIEmY

唔知大家有冇睇過呢？？
得閒就去睇睇啦！！