TAG BY JOYCE..

TAG BY JOYCE﹏

規則:

A.比人點左名既人要寫出5個你理想伴侶既條件
B.比人點左名既人要寫出10個你憎一個人既理由
C.點8個人做E份問卷並去佢個XANGA留言 (恭喜你被點名)
D.如果比人點左名既人已經做過E個問卷,但又再比人點,吾洗理

A:::

01'''' 錫我..
02'''' 高過我'''''
03'''' 識得整野食^^''
04'''' 叻過我=]
05'''' 個樣唔好太差咁就得架喇!!

B:::

01'''' 扮野>.<''
02'''' 懶勁..
03'''' 發姣!!   [[當然是指女生吧..]]
04'''' 同我講大話..   ((睇下係善意定惡意啦''''''))
05'''' 小器..
06'''' 鍾意屈人=[
07'''' 玩人..而且係會HURT到人既..
08'''' 成日講粗口..
09'''' 經常遲到!!
10'''' 自私'''''''

C:::YOYO..APRIL..曉君..茄..卒..KAMO..文希..YAU..

游水+睇波..

今日瞓到１２點幾先起身，
ｄａｄｄｙ媽咪去左飲茶．．．
得番我自己１個喺屋企，
開左電腦玩﹏玩到４點幾，
就出門口去Ｙｏｙｏ屋企ｌｕ∼

去到之後，我地落左去游水，
好搞笑呀﹏見到有個男人個樣好似好猥瑣咁．．
又成日望黎望去喎，都唔知佢想點！
游完之後，上番去Ｙｏｙｏ屋企，
玩左１陣電腦，差唔多８點就食飯喇！

卡卡﹏８點鐘有利物浦對韋斯咸，
之後仲開心，有曼聯對屈福特，
好野﹏又有Ｃ朗睇喇．．ＸＤＤ'''''''''
最終曼聯贏左２：１　＞ｖ＜
跟住就食糖水，１２點幾就走人ｌｕ﹏

Ｐ.Ｓ.　希望你聽日演出成功!！!！!！!！!！!！^^''

文希生日快樂呀!!!

今日係文希生日既大日子呀！!！!！!！
當然要好好慶祝一下啦∼
陣間講下我地今日去左邊度啦﹏
講番今朝先，我８點鐘起身，
咁早就梗係做功課啦！！
好野﹏做埋英文本ｒｅａｄｅｒ喇∼
而家仲差２篇作文．．
成功．．離我不遠喇！！！

跟住就出門口同文希慶祝生日ｌｕ∼
首先去左Ｇrｅeｎbｏx 先．．
講下有咩人啦：
文希．我．嘉敏．柏詠．ＰHＯNＥ．
王偉洛．盧卓傑．袁龍軒．許志豪．
卡卡﹏文希係咪好感動呢？？
真係好ｓｕｒｐｒｉｓｅ呀！！
之後搵埋ＪOＹCＥ．冬冬．肥怡，
就一齊去左影貼紙相喇∼
因為我地咁大班人，
所以就要分２批人影啦！！

影完之後，去左Ｄeｌiｆｒaｎcｅ食野，
我就食完個芝士卷．．
之後柏詠７：３０要學跳舞，
阿兒．盧卓傑．袁龍軒就同佢一齊，
我同文希就去ＰHＯNＥ屋企拎排球同水槍，
冬冬．ＪOＹCＥ．肥怡．阿歧．王偉洛．許志豪，
佢地就去沙灘先．．．

我同文希喺ＰHＯNＥ屋企樓下等佢，
見到有個喺公園既「團團轉」，
竟然自己識得轉，但係冇人推佢架∼
超恐怖的﹏等埋ＰHＯNＥ落黎，
我地就行過去睇個「團團轉」喇∼
我地整停左佢，好彩之後佢都冇再轉喇！

跟住打俾冬冬，佢地話去舊咖啡灣，
咁我地３個就搭的士去喇∼
喺途中，ＰHＯNＥ又講埋ｄ鬼故既野喎，
搞到我都有ｄ驚．．．
終於去到喇∼但係果度得好少人．．

我地好白痴呀！！
果陣時我諗都成７點幾啦，
周圍都係黑漆漆一片，
又見到有棵樹好有鬼既ｆｅｅｌ，
咁我地就影相喇．．
又喺條橋上面影相，
都玩得幾開心＞ｖ＜

見佢地仲未到，咁我地就落沙灘，
玩馬騮搶球喇∼
卡卡﹏都幾好玩呀！！
跟住無啦啦落雨，
本來我地都繼續玩既，
點知越落越大喎．．
仲要係搞到成身都濕晒，
我地咁就入左ｄ人地燒野食既地方，
諗住避下雨啦．．

不過果度真係好恐怖呀！！
周圍又１個人都冇喎．．
得番我地３個，好似困左喺荒島咁，
仲要我同文希既電話都冇電，
同外界失去聯絡．．
跟住鞋又著唔到喎，
因為我著左對ＣOＮVＥRＳE波鞋，
搞到連手袋入面ｄ野都濕晒！！
真係好狼狽呀∼

之後搵番冬冬佢地，
原來佢地去左青山灣= =''
咁我地就行番過去搵佢地喇∼
但係因為我著唔番對鞋，
所以要同ＰHＯNＥ １人著１隻拖鞋！！
而另外果隻腳就赤腳行！！！
我咁大個都未試過唔著鞋喺條街度行架∼
跟住ｄ行人又望住晒，真係好搞笑呀＞ｖ＜

終於去到青山灣ｌｕ∼
我地３個要整番乾ｄ野先，
ＰHＯNＥ好慘呀＞﹏＜
本ＳTＥPＨＹ濕左．．
跟住又唔見左＄２０喎∼
好啦﹏整完ｄ野之後，
我地就玩ｋｉｌｌｅｒ喇！

唉﹏我發覺我做ｎｕｒｓｅ係超廢的﹏
因為我１個人都救唔到！！
搞到個ｋｉｌｌｅｒ成日贏．．
之後我地玩「非洲話事啤」，
哈哈﹏本來有１次我係要俾冬冬罰架，
但係唔知點解之後佢唔記得左，
而家我就唔洗罰喇！！
有１次文希俾人罰，
要攬住許志豪１０秒．．
跟住又有１個係要ＪOＹCＥ同王偉洛傾電話５分鐘．．

之後柏詠佢地黎左，
又玩番ｋｉｌｌｅｒ，
跟住我地就落沙灘，
許志豪無啦啦玩水槍，
仲要咁準射左落我隻耳仔入面！！
真係可憐＞﹏＜''''
大約１１點，我同王偉洛．許志豪就走先，
佢地就繼續玩．．

行到三聖輕鐵站，
許志豪話佢自己行番友愛，
咁我同王偉洛就一齊搭輕鐵喇∼
番到泥圍都成１１點半喇！
咁我部電話冇電嘛，
諗住問個師奶借佢個電話一用啦，
點知佢話冇喎﹏都唔知係唔係既．．
好彩問到個孕婦借電話，
打左番屋企，跟住ｄａｄｄｙ就出黎接我喇！

嘩﹏今日真係玩得好開心呀！！
雖然某段時間都幾狼狽，
但係真係十分之難忘的！！
最後希望文希以後都要開開心心啦∼
仲有呀﹏我地永遠都係好朋友呀＞ｖ＜

Ｐ.Ｓ.今日搞到咁夜先番，
媽咪同ｄａｄｄｙ都好擔心，
所以我就寫左張ｍｅｍｏ同佢地講ｓｏｒｒｙ，
將果張ｍｅｍｏ紙貼左喺佢地房門口，
佢地今朝睇完之後話好感動，
同埋都唔嬲我呀！！卡卡＞ｖ＜