昨日，我嗰個怪同事"Noel"，佢又嚟啦，有佢我掙嘢做啦，今次佢仲過份呀，直頭係佢嗰位到攞晒D文件過嚟住係我個位到做添，真係勁嬲呀！
事原係咁既，昨日下午，又有大Sir落嚟睇文件and簽名，咁我間房嗰個大Sir就同我講，話陣間大Sir嚟到之後，讓個位比佢坐一陣，比佢簽吓文件就得，那我當然OK啦。第一佢係大大Sir，都唔到我唔讓位啦。第二就係，我間房個大Sir，已經同我講咗聲先，咁都係有禮貌既表現丫。後來，當呀大大Sir嚟咗之後，我咪讓位，過咗隔離房到返聽森美、小儀"架勢堂"既節目囉，點知到差唔多聽完時，地盤D呀Sir又話要搵文件喎，好啦我咪佢哋幫手搵囉，去到我原先坐開嗰間房時，就發現我嗰個怪同事，已經攞晒D文件過嚟我個位到整，仲問都未問過我就用埋我部電腦添。於事我勁無奈咁係間房到，繼續搵我要搵既文件啦。但係係搵梗文件既途中，佢又突然間問我平時D文件點Filing，睇返本文件資料簿未知囉，點知此刻我突然記得返份文件，原來係我嗰櫃桶，我咪答佢得啦，我已經搵到啦，我知係邊啦......  (勁煩呀佢，又想借D意係呀Sir面前插我.....)
發生一連串事故之後，好啦畢境都到放工啦，我咪借故走先啦，唸住唔使比佢煩住晒我。因為佢想我哋大家一齊陪大家等巴士的，因為我哋各自搭既巴士，都會在同一地點又站，我就特登話有事，行去第二個巴士站到繼續等車啦，唸住可以避過一刧，然後我打梗電話同D Friends係到傾梗電話，吐一吐苦水啦，係講得好興奮又大聲之際。嘩！嚇死我呀，佢突然間係我後面出現喎，佢係呢到都無站，佢係特登走過嚟搵我架，痴線架都唔知佢想點呀......  佢見到我講梗電話之後，同我講咗句唔知乜嘢之後就走咗Lu......
後來，我有D朋友都有建議過我，不如，同呀Sir講申請調位兼調Post啦，因為佢成日都掙住D嘢嚟做，而的而且確就係，我有好多嘢都唔熟，要搵要做實唔夠佢嚟啦，佢做慣做熟，一講就知啦。(我開先都覺得呢個方法可行，仲係一個好辦法添。)不過，後來我又同另一個教會朋友講起呢件事，佢就提醒我，咁咪即係搬弄事非囉，呀Sir未必會鍾意的。咁Q我早幾日睇靈修書時，內容又係提醒我哋，作為基督徒既，真係唔應該搬弄事非的，於是我又好唔咁心喎，咪祈禱同我既神講囉，祈完之後我個心仲係有D唔舒服架，覺得好唔底、好心心不憤。但係到第二日就好似唸通咗咁無事Lu........
其實，係我同D Friends吐完苦水之後，我仲有打多咗個電話比我以前既一個同事架，因為佢之前有份工介紹比我去見，但我唸住都已經搵到工略咪唔去囉，點知昨日因為發生呢D事，我就有D後悔了，咪打電話比佢問吓我仲有無機會囉，不過佢未覆我，但昨晚我又回想，既然當初我咁開心應定神為我預備呢份工作，點解我到呢個時候又想走呢？一唸到咁，我就即刻又祈禱同神講啦，雖然我係好想走，好想離開呢個怪同事，但係若然你要我係到學嘢，我會願意忍耐，但你要賜我有聰明智慧，懂得怎樣處理自己的情緒，在我作完這個祈禱之後，我就覺得我自己好似真係大個咗and識唸咗啦...... (原來真架，係人以為係壞事或失敗時，但神是允許這件事的發生的，並且祂會給你一條新的出路以便解決問題，只要你肯信靠祂，與祂盡情分享你的感受，並且為這件事祈禱交給祂去處理，由祂陪住你行呢條路。你就會變得開心好多架啦！！)
|
之後，我都有唸過不如我將佢趺o左D錢比返佢啦，因為D錢可能係媽咪比佢小息時買小食用的，但可惜我要落車個站又到啦喎，最後我都無比到錢個小學生，唔知佢今日個小息點過呢......
，有時有D人有錢都未必肯用啦，更可況係請人食o野呢，仲要可能唔係好Friends喎 ！不過，你放心啦，我知我欠你一餐，我一定請的。
不過，又有可能佢o地本身都識o左好耐都唔定既。)
仲要洗白白喎，真係想死呀，我有時係到唸，如果有"D"機械係有得幫人洗白白就好啦，起碼唔使自己爬起身動手嗎。(哈哈！講到我自己好似好懶咁！)我洗完白白之後，疲倦到咩都無做到，一撻落床就睡著了，平時我又要揸爽膚水呀、lotion呀咁架麻，又要整下呢樣嗰樣先瞓，又時仲睇一陣電視添，呢到都起碼最少半個鍾啦。可想而知我昨晚倦得幾緊要，其實今日都唔想起身返工的。(同埋，我好強烈咁覺得今個星期過得好慢好慢呢！如果可以過快"D"就好啦！！)
