| «‹ October 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2006 年 10 月 3 日 星期二  |
2006 年 7 月 18 日 星期二  |
| 2006 年 5 月 25 日 星期四 |
| 辭職, 遲職 |
分類: 未分類 |
我終於忍唔住, 係昨天遞了遲職信給我的上司了. 我上司問我是否已經考慮清楚, 我竟然答仲未好清楚, 但係有好仔細咁唸過囉, 當中仲可能有D衝動添.
 之後, 佢就問我辭職的理由是甚麼, 因為我張申請表沒有填上呢, 後來我同佢講, 我未唸到, 叫佢比D意見我, 隨即佢望住我講唔係o瓜.
 後來, 我費事令他難做, 結果我係張Form上面寫著, 離職原因 ; 已找另一份工作. 那時那位上司又問我, 是真的嗎? 我向他說, 你想想吧. 隨即他回答我, 咁即係未啦, 事實我真係未找到新的工作. 但我卻向他說, 因為你口疏我不說給你聽. 他隨即也在大笑呢. 其實, 我和他也頗熟悉的. 在公在私, 他都不太想我走的, 但我很堅持呢, 我也不怕向他坦白, 我辭職主要是因為人煩, 文件多, 手尾多, 成日要O.T.仲要無 $, 仲有人成日玩針對, 做得好唔開心. 結果, 他叫我講他們 (玩針對的人的名字)給他聽, 然後我向他說, 你估我不夠膽嗎? 然後問他是否要試一試我, 他就驚青地
 說不用了, 我知你大不得的. (事後回想, 我都真係幾串o個喎, 辭職都係到撩事鬥非.)但那上司竟然話, 要將封信留住先, 要待他上司放完假, 即是今天才向他傾返有關我請辭的事, 誰不知佢今日又放假喎,勁衰呀.......
梗衰的事, 我另一個同事今天致電給我話自己病了, 需要請一天病假, 開先我都以為她真的是病倒了, 但當我仔細想一想之後, 我就發現他們有可能是特登的. 男的(即是那位上司)今天真的是例假, 但女的就不似是病了, 只可能是請假陪人去街街而已. 因為我在早兩星期多前得知他們正在拍拖呢!其實他們拍拖都不關我的事, 我也承諾過不會講比公司其他的人知, 女的對我都頗信任的, (但只是她講), 男的就私底下, 提過我兩次不要向公司的人提起這事, 又要驚又要鬼祟. (真的很煩, 超級婆嗎!)
結果, 他們倆個今天沒有返工, 我的辭職信不單交不到去部門經理的手上, 更要做埋那同事的工作呢! 真的超煩, 那種人我最討厭, 公司不分明, 又影響他人喎. (難道拍梗拖的人, 真的是會當局者迷的嗎?)
|
| 2006 年 5 月 14 日 星期日 |
| 我的麻煩公司 |
分類: 未分類 |
係呀, 我點知你屋企有咁多戲睇喎, 你有無話過比我知。 不過, 好開心原來你仲有睇我的日記。 我唸好快有又可以好似以前咁, 係聊天室到和你傾計的了。因為我唸住辭職唔做了, 現在仲考慮梗, 不過, 好快會有答案的了。
你實會問點解啦, 因為我公司前排又去滅人o地門, 之前繼埋我的老闆在內, 共有 8個加盟商一齊做的, 減下減下就得返 6個加盟, 不過, 最近公司又要加盟商門妥協一些東西, 他們不肯, 結果就遭人滅門了. 現在只剩下 3個加盟商一同合作. 相信你都能夠想像到, 間公司突然間無o左咁多人, 所有o野都會有大改動, 一切一切都要重新來過, 也包括我的職務呢. 從前我做的, 現在比一個同事負責晒, 如果她最不完或請假, 就我去協助. 另外, 我又要兼顧多 2個同事的東西. 簡單來說, 總之誰做不來的東西, 都要我去做後備及兼顧啦. 又要我一個人負責晒, 整個部門的內部文件, 又混亂又麻煩, 仲要對住個勁煩死人的上司, 簡直就係一個大折磨.
(所以我就有辭職這一個唸頭!!)
再加上我們公司的文化頗奇怪的, 一有事發生, 就要當事人隨即要作一個交待, 答得好由至可, 答得不合人家心水, 就會即比人投訴你不合作或態度不良等等等........就像我前陣子一樣, 門市的營業主任要求我回答門市的維修日期及時間, 講真維修又不是我負責的, 我也要問維修師父幾時去到才行的, 點知那個營業主任就係到發神經一樣, 又說這個說那個. (超級勁煩)....同時間, 行政部主任又行過來, 說我們的表格混亂, 錯綜複雜要更正, 我只是回覆了一句等陣, 就即遭投訴, 話我態度不良及大聲回應上司的說話. 結果要我部門的直屬上司填寫報告, 交回給那個不知所為的行政主任. (勁激氣呀).......後期, 我更發現她不只是第一次的投訴我呢, 講真我的直屬上司到公司還不夠 2個星期, 他已經聽了不少有關我的投訴了, 還私底下問及我其他同事, 了解我的為人及處事方法, 幸好我的同事也都睇到事實的真相, 並告知實情, 我才沒事呢! (試問在這種環境下工作一還能撐得多久呀?) |
| 2006 年 5 月 8 日 星期一 |
| 我也不想不回你的 |
分類: 未分類 |
我家無電腦用, 唔方便回你嗎, 這天我在舊公司清理我老闆的尾數問題呢!
還沒有清理完, 看情況還要多返幾次才行呢.
剛剛睇完一套韓劇 "巴黎戀人", 雖然這套片耐到無得可以再耐, 但是我的同事誠意權權的, 特登從家裡帶來給我, 我唯有把它盡快睇完還給她啦. 很可惜我足足睇了兩個幾星期呢. 因為我太忙了, 放工回家後就倦得要死, 一睡著了仲得人驚就像死屍一樣動也不動的.
 講返這套 "巴黎戀人"真的悶得要死, 睇完都唔明它講甚麼, 比起之前睇過的 "王子變青蛙", 這套差得遠了.
但是我做人很有原則的, 明知唔好睇, 都硬要將它睇完為止, 好頭好尾嗎. (這才是我呢!)
我之前講過我可能會報讀"室內設計的課程"你還記得嗎?我的朋友仔幫我取了申請表了, o黎梗這星期我會將它填好交上, 唔知佢o地會唔會收我呢,(好擔心呢)
 萬一他們收我, 我又要付上起碼4~5年的時間把它讀完, 唔收我仲弊, 我一定會失望死呢! 唉! 未遞表都已經這麼的擔心, 都唔知點算好.
夜啦, 唔講啦, 下次再講吧!
(祝我有個甜睡吧!)
|
« | 1 | 2 | 3 | 4 | 5 | 6 | 7 | »
|
你終於等到啦•••
我D同事仲成日係到睇戲添......都好SO架....
