琴晚做project learning做到2點幾，訓左4粒鍾．．．未試過咁夜訓，做果ｄ數據分析真係做到我想死！！
又冇人幫手做喎（除Halo同Mars之外)．．．有３－４個冇乜點做個野

今日早上６點起左身．．．叫ｄａｄｄｙ教我英文。
因為我放學佢就番左工，我番學佢又未起身，所以一有唔識就叫ｄａｄｄｙ早上教我！

放學．．．見miss poon．．．交project learning d野．．．佢話我地組做我好好喎！！
（當然啦！)我這份project做得好，背後係要負出辛苦同努力！！要記住．．ｅ個世界係冇不勞而獲嘅野！

去完功課輔導班．．．去miss lee到畫畫，畫到7點半，ben chan佢地果組(project learning)做到成8點半．．．佢地果組做得勁好！！ｗｉｎ硬！因為背後有miss lee!

星期一至星期五放學去功課輔導班(everyday)
星期三功課輔導班完左之後去學琴(逢星期三)
星期四功課輔導班完左之後去學木笛，樂理(逢星期四)
星期五．．．圖書館當值(逢星期五)

星期六（明天）．．．去義工．．之後番童軍
星期日．．野外定向

下星期一，放學打班際辯論，希望ｗｉｎ啦！
之後去讀書王比賽希望win啦!
下星期二，去聖經故事演講比賽。亦都希望win啦!

真係好忙!!

一朝早....番左圖書館....遲左番圖書館呀.....唔好意思呀...成7點8 先到^^
之後中文....miss kwong冇番.....我成堂自修....溫中史...
recess....上去staff room找miss poon.........傾project learning d野
我果組d進度好慢呀.....點算....有2個組員好唔合作....咩都唔做

放學....去功課輔導班....見到patpat呀....佢係一個f.7的師兄....ok啦....冇咩點....幾nice...哈哈

補完...番屋企.....點知落雨....落左車避左一陣雨...但個天仍繼續落...
之後就跑番屋企.....濕哂....^_^

哈哈...我地昨天先至開始傾....我份稿作左成晚.....變態嫁....成900字.....4 分鐘!!
題目係「學生應穿校服上課」我地2A係正方....
^^哈哈
我講左3分01秒!
..我地今日果場係對2C....佢地咩準備都冇....又用電腦print d野出黎....之後比評判收左!!
因為辯論係唔比用電腦嫁...一定要手寫!!

我首先已經介哂個題目....好長...唔多講!!
之後最好笑嘅係....反方問我地....「咁正方主辯(即係我)剛剛話穿校服係要樸素...咁唔好著3丫!!」
之後我即答...「香港係有條法例係唔比人唔著3出街嫁!」佢地即刻o哂咀!!

最後我地win呀....下一場就係對2D...古唔到原來2D都係咁勁!!
如果下一場都係我地WIN.....咁我地班就係中二級班際辯論比賽之冠軍!!
希望黎緊E次我都有份打!!!!!

說喜吧!

今天.....我升職啦...我由圖書館見習幹事升到圖書館幹事....好開心....終於有章啦!

悲!去左留堂班!

原因係我冇交音樂導師信!!原本係星期四收....因為我星期五學琴，先見到鋼琴老師...佢先可以比番張導師信我...咁星期四未冇交囉!之後miss wong叫我星期二交番比佢....佢今日就留左我堂.....

佢又話叫我交番就得....之後又留我堂...好茅盾!!

我個良好記錄就比咁打破了．．．仲以為可以試下全年交齊功課添．．．心已碎．．．．．

地點係白石橋(係荃錦果頭).......一早就去荃地恆等齊人先去......不過有人遲到....仲遲得好耐添....
我地就唔等某人......去搭小巴到川龍.....點知要排成條街先上到車.....鬼咁多人...

去到啦.....又行好耐先到賽事中心.....去到hea一陣就出發......第一個出係李卓文....之後就係怪獸....番茄.....風景....先到我出發...不過我地嘅出發時間唔係隔左幾耐....

到我啦....當然第一時間跑去身一個point啦......點知遇到分叉路....繼續行....行行下....唔對路...原來我睇錯map....一來一回冇左成30mins!!!

行行下....找不到第一個point.....咁我梗係找到啦....d路根本就唔係路黎嘅....行唔到...仲有成10個point....癡線嫁.....好辛苦呀....番終點....我嘅時間係1小時58分56秒....算快啦....我全程都冇投過....但我到最尾跑唔郁呀...

原來范啟宇同馮景森一早走左....佢地比人取消資格....佢地亂咁蓋印.....一地話明要順序去point...佢地就唔係....亂咁去...連隔黎組嘅point都蓋埋印.....吹漲

我搭車時想嘔...因為成肚水....之後又嘔唔出喎....冇野嘔喎

起累....聽日都唔知番唔番到學?!