我好煩呀!!好多dictation,h.w.!!

biology又要默書....
economics又要默書(好多個生字呀)
bible又要背野
english又要默書...
中文又要背古文!!!之後背默

晚晚都成1點先訓....
琴日....我基本上9:45先開始做功課!!!
放左學....去開班長會議....開完之後上圖書館當值
當到5:30...去miss lee到畫畫!!
畫到6:00...番到屋企6:40
之後hea一陣...7:15又要出門口去學笛....學到8:00
番到屋企8:15...

之後煮飯...食飯...9:15先食...食到9:45!!
咁先開始做功課!!!
又抄下notes同溫下bible!!!

基本上....我每個星期四都係咁!!

我feel到好大壓力!!!10月尾又要test....呢家都9月尾啦...
我地再唔溫ge話就真跳樓都唔得!!!

1個月要溫哂13科..都唔知得唔得!!!

Miss Liu做班主任!!好惡...不過佢講野好好笑!!!笑死我呀!!!
比人點左做班長!!!都好....為班服務下!!!

但係...點先係一個好班長??
集佢名?唔集佢名?點樣做到能令到同學又鐘意你而你又冇做錯呢?

我覺應該係錯就要集!!
要做到能令到同學又鐘意你而你又冇做錯.....一定要清醒!!一定要分得清黑白!!
班長集你唔係錯!!!而係你真係錯!!

如果你識分清黑白...你係應該唔怪班長!!!
如果你怪..姐係證明你唔理智!!!
你一定明班長點解要集你!!!

去到...岩岩好...我明明考2:05...但我去到係1:55...佢話下一個到我....搞到我好氣喘..
氣喘好大獲嫁!!我唔係彈琴呀...係吹笛呀...要用氣嫁!!!

原來係男考官!!正爆!!佢勁nice!!咁一定pass!!!
去到吹scale...有幾個音吹錯!!好彩佢冇問chromatic scale on C!!
如果佢有問..我就死得啦!!!因為係勁難!!

吹歌仔....3首...有D地方吹錯左佢又唔知...因為唔覺!!
Sight-reading....ok難!!勁多附點音附!!吹漲!!

oral...唱歌....ok啦,..
之後佢彈一段樂曲....之後問番我d問題!!!
果段樂曲好古怪...大細聲時大時細....速度又有時好快...到左最尾就勁勁勁慢!!!
咁擺明係二十世紀時期啦!!
佢問我點解....我話d音樂好古怪...同埋有撞音!!仲有講埋我上面果d!!!

總括黎講...幾好....應該有120以上!!

打完波...打左2粒鐘!!!勁攰!!!走果時見到番茄....
搭48x番屋企....

我諗住聽日一早起身去跑步!!!我想高d同瘦d
我唔想到左f.3係全班最矮果個...肥蕭話小曾曾高左好多!!!
再係咁落去...我有可能係比較矮ge一群!!!

咁緊係依家交多幾期啦!!(4堂為1期)
我呀爸叫我一次過交哂4期!!

咁我諗住今日學琴ge時候就交!!d錢入係個信封內...放係書枱到
出門口啦...去學琴啦....諗住將個信封成個塞落個銀包到...點知塞唔落...
突然間..諗起唔記得拎scale書...於是就去拎書啦

行到去商場...未夠鐘學琴...買野食..我一朝飲完茶就冇食過野!!
個老闆娘話:「你趺左野呀!!」..我從銀包中跌出收據!!我的銀包放左褲袋中!!

去到琴行!!交學費!!發覺...死啦!!!我d錢呢??
諗諗下..,係唔係我頭先買野ge時候跌左呢?
我又好似記得d錢放左係個褲袋到...但又好似唔係!!!
個老闆娘又話我跌左野....究竟...我跌左ge唔止1樣???或者第2樣野....跌左係後面...但我唔知?

好亂....無心機彈琴!!!1期$705....4期$2820!!
一次過唔見左2000幾蚊....你會點??

學完...立刻去番我頭先買野果到!!!!佢話冇喎!!
之後立刻番屋企...發現d錢係我張枱到!!!
嚇死我!!!如果我唔見左2000幾蚊.....我屋企人會殺左我!!!

原來..我掛左拎書....唔記得拎錢!!

大頭蝦!!