e排忙於測驗同溫習下星期既考試..所以冇打到日記...

       昨天已經凍到飛起，今日重要再凍d= =我已經忍唔住轉左冬季啦= =(正武轉季12月3日)其實我見到好多學校都轉左...連對面聖心都轉左冬季好耐啦....XD...E家天氣好乾呀.....搞到個嘴唇爆晒擦= =.個身又好痕，我鐘意既秋天幾時黎呀= =!!

      今日又好似前個排咁，中文同英文堂的MISS請假，令到我今日原本得一堂空堂變左三堂= =......英文MISS重勁呀...消防員色返工= =返一日放一日，不過又唔可以怪佢=W=因為人地E家有兩條命啦~~之後世史測驗，宗教查經，再加埋個周會堂就放學，今日好似咩都冇做過咁= =好無奈...

      呢排我測驗測到暈啦= =星期一至五唔係測驗就SBA，救命= =聽日測數學啦，要測返中四D數..唔知自己記唔記得呢...好耐冇做過.......昨天英文SBA，講史力加，點知我讀錯個主角名..整到成組跟住我讀錯..真係有D唔好意思......下個星期就考試啦..之後再過多3個月又要再離開學校啦....時間真係過得好快...

        昨晚唔知做咩...訓下醒下咁...好多胃氣...一起身個胃就好似有d野咁.....之後重想嘔- -,....我老豆話我消化不良~"~.......跟住我唔理，返學啦....點知返到學狂咳...去重食晏個時咳得重厲害，我d fd都比我嚇親= =跟住我開始覺得頭赤，...D Fd同周sir都話我發燒..我就早退左lu....去到診所先知到3點半先有得睇=.=，不過算啦~我今次唔睇我睇開個個lu.......因為我覺得個個對診症有d求其.......

       夜晚我頂住去補習(比左幾百蚊架\_/)，不過唔知點解次次補地理都有d衰野，對上個次 香港仔隧道塞車，搞到我遲到，今次我就唔記得帶筆，好粗心大意呀>,<，今次上堂個時，課室個mon同白螢幕short左兩獲...都唔知上一手呀P.Chan做過d咩...怪怪的= =

       唔知係咪因為多元學習周剛完既關係，呢日教我班中、英文既老師全部請假.......搞到我今日好空閒= =......頭兩堂 中、英(代堂)，第三堂空堂，第六堂班主任堂= =真係好悶......我由乳源返到來至現在，我都未見過英文科個miss一眼= =但講真，咁耐冇正式上堂，又突然轉返真係有d幸苦......

      聽日培苗個到話係食飯個時開聚會，我先記得原來要寫反思= =......但係呢排要做返F.5係多元學習周做過既個D測驗(當功課)，冇咩時間理.......聽日用空堂做好佢吧......

      今日我先去睇醫生....係班主任堂個時我狂嗽= =一日之內用4包紙巾.....真係跨張,...食完藥有D睡意....晚安