5-11-2007

      這天，一大清早就起身返學校......行行下先知道自己唔記得帶件營衫，即刻跑返屋企囉= =最後搞到要搭的士，好彩冇遲到姐，之後搭車去邊境，我第一次由香港過關去中國= =，過關之後又要再搭多次車，一搭就搭左7個幾鐘先去到乳源縣(如果唔係司機行錯路就會快d架)，去到個到d商場買野比d學生，一買就買左幾包野，又糖又文具都唔過200蚊XD之後去到個間民族賓館(昆蟲賓館)，真係好恐怖= =高佬一腳踢落個櫃到壓死隻蜘蛛，重係D不明物體係光管附近..真係*&^*&^&(^〝，又冇洗手盤又冇熱水，搞到我要沖凍水澡，好慘q_q
不知明物體(一點點野)高佬張1000蚊毛巾~好搞gagXD

6-11-2007

       個日，原本要上6堂架，點知間小學要搞咩乳源縣教學大會，全校都要參加= =咁就冇左兩堂LU.....睇到班小朋友要係操場到曬兩小時聽人講野...真係好慘......上堂個時，雖然派禮物個時有D亂，但佢班小朋友答問題個時個個都舉手，真係好開心呀^^如果係HK叫班學生理下我都難LU......到左下午，我同康伯夾錢買左5X支野飲比佢地，D野飲唔係好貴咋~，不過間小賣部好多蒼蠅= =到左夜晚，探訪兩戶農民，佢地都好大對比，第一戶，室內又好多蒼蠅= =但請我地食番薯糖水，幾好味~好有田園氣色呀=W=，第二戶就有錢好多LU..有部大電視同兩座音響，唔睇出面個景都唔信係農村地方= =係個到帶我地去農村個當地阿SIR問我地食唔食煙= =我地話唔食，佢就用好出奇既表情睇我地...咩中國真係那喜歡抽煙嗎?..

好乖呀佢地=3=農地農村門口

7-11-2007

      原本今日教埋上午個兩堂就要同班小學生分手啦...不過佢地上午要測驗，變左係中午，但係譚生重要我地係7點鐘起身睇佢地做早操，唉...算啦，睇到班咁可愛既小朋友都抵返晒=3=，佢地做得好齊呀~到左中午要走個時，真係好唔捨得佢地，影完班相之後....班小朋友係咁同我握手又要我簽名，好似做左大明星咁..我好感動呀...個班長想送佢隻黑豬比我，但係我冇要到，我知佢好珍惜呢隻野~但都用佢影左相~個時我差d哭左出來..唔知佢地E家點呢..，到左下午，我地去左乳源縣高級中學，睇左佢地一堂數學，佢地好留心呀，用手計LOG同圖像..好勁呀，之後睇英文堂，都OK啦，之後食過佢地飯堂D野...唔好食= =....跟住就同班高二(F.5)學生講野，佢地真係好努力讀書呀~，我地傾得好好笑，佢地講左D當地文化比我聽，我真係好想睇下燭光舞，同食下巴西果同李子呀..可惜唔係時候= =我同佢地換左E-MAIL...但係高二唔比用電腦，希望有日可以聯絡到啦，佢地幫我改左個花名PANDA= =原本我以為只係YCK2D人會咁叫我TIM...我地講我唔肯走= =講講下先發覺佢地差唔多走晒....個到有個女仔要我幫佢起個英文名..我幫佢起左個名叫Connie，XD....我地見得太短暫了......

小朋友做早操佢地間中學既一小部份..好大住3000人

8-11-2007

      呢日，一大清早就搭車走，悶到暈= =途中我地成班下車買野食，點知個到個便利店超貴= =一包細卡樂B蝦條要10蚊一筒鬍鬚牌薯片19蚊= =好貴....重睇到好多九叔送去YCK2既飲品= =但個到幾乎全部過期兩個月= =都唔知點解重可以放出來賣= =返到車開大食會~我地肥都肥係架車到咋...之前個幾日食個D野全部加料咁濟..冇胃口..如:蟑螂湯、雞毛粥、蝸牛腸粉= =好恐怖，之後訓得最多又係係架車到......之前個幾日住D房唔係有蟑螂就係有不知明物體....而且我地狂玩xd，原本譚生又話送我地去落馬洲，點知就放左我地係黃崗，佢自己就急急腳咁走...越來越憎佢......

今天

     我由返來個日開始就喉痛到e家....日日都好累....重有好多相冇post出來架XD(我都未問返TA囉相==睡了..晚安 ...

      聽日開始至11月8日前我也不在香港了，因為多元學習周培苗行動的關係，我會到中國乳源縣4天教個到d小學生英文，第一次做老師- -感覺好緊張同有小小怪怪地XD，希望今次好玩啦=W=....E兩日都係咁汁野，又汁自己個D又汁學校個D，忙到要暈，聽有經驗的朋友說去到個到冇時間比我睡....我驚會上上下堂睡著了- -

      第一次要為教學預習英文== ，我都唔知點樣教佢地先好== .....-

      今日陸運會終於完左啦...昨天好凍，今日好多人都著到成隻稷咁，點知就陽光普照，熱左好多= =天氣呢d野真係無可奈何....今次陸運會都係我個社嬴晒全場總冠個d野..話就話連奪5年，但其實年年都係靠人海戰術(簫sir用佢既魅力引左成班F.1-4去比賽)，一人參與加一分- -就係咁嬴左啦，實力就....麻麻啦= =

      放左之後，要返學搞好培苗D野，比阿SIR叫去左隔離間學校囉野，點知囉到返黎差唔多樣樣都冇用= =真係灰，之後就汁箱，由點半汁到去夜晚6點= =實係攰到暈.....見到班F.6咁幫手，真係好多謝佢地XD，星期一就出發啦....重有好多日用品未買= =真衰...