今日係我小學畢業以黎第2次番小學...
係為左參加細佬既畢業典禮...
喺去小學之前,
我喺到諗:'' 死啦,等陣番到學校見番d老師,唔知佢地會唔會認得我呢?? ''
畢竟d小學老師冇見我3年...
唔認得我唔出奇...
我又喺到諗:'' 冇番小學成3年喇,唔知d野有冇變呢?? ''
喺到順帶一提,
諗番我當年既畢業典禮,
因為我係表演生,
一直都喺音樂室到準備,
根本冇睇晒成個畢業典禮, (點解我嗰時咁蠢??-,-'' )
所以,我去細佬個畢業典禮係另有目的 - 參加一次完完整整既小學畢業典禮!!!!!
一入到小學,
有一班小學雞童軍黎迎接:'' 歡迎! '' ... (-____-'')
有個老師黎請我地去操場欣賞下d壁報, (個老師居然認唔出我...因為佢冇教過我囉xd)
跟住就上去禮堂,
見到以前教過我既老師喇!!!! (係陳思潔老師,嚴主任,仲有.....)
果然,唔認得我...-3-
咁算啦...
我都扮見唔到/唔識佢地喇.... (或者佢地可能認得我,但係又懷疑係咪我黎,所以就冇叫我都唔定...)
畢業典禮開始喇!
主禮嘉賓係黃愛恩博士
係只有3隻完整手指但又彈琴好叻既嗰個女仔!!! (舊年攞左傑青.)
我喺電視見過佢.
個畢業典禮好長呀...
本來10:15am-12:30pm
到2pm先完...-0-'' (有冇再耐d...)
同埋好悶...
個領唱老師唱到走晒音,
個致詞畢業生咬字好好笑..
係有d捲利音xd (eg津津 --> zhun zhunXDXD)
d餘興節目都好悶...
因為悶得濟我周圍望,
俾我見到我地學校校長王力克...-[ ]-''
唔出奇呀,
大家都係聖公會既,
你黎我學校到,我黎你學校到唔出奇.
問題係:校長好似好得閒喎... 居然有空黎小學畢業典禮...
能夠參加一次完整既小學畢業典禮,
無憾喇=]
|
