今日係學校得到個好消息..終於得到公平d既對待啦!個心都好過d!
呢兩日發生左d事,個學生唔自愛,我個心好痛!
少不更事, 但有d野做左可能會無得番轉頭架!
有時都唸, 你既事關我乜野事呀!攪到自己唔開心又擔心，用份糧補身都唔夠啦!
但鬼叫我係老師。主給予我能力去關心、去溝通。我唔可以浪費。我幫得幾多得幾多啦!
唔會放棄
今日夜晚去學畫畫, 要交功課, 好彩今次做好哂。
呢排都唔係咁開心, 媽媽入左醫院，隻眼有事, 好突然, 人生就係咁樣啦!希望媽媽快d好番啦!
就正因為唔開心，就同左一個一齊學畫既同學食飯，傾左好多野，開心左好多。仲啟發左我一些人生既野。
1. 唔好自怨自挨
2. 能夠有能力撐起頭家就幸福啦
3. 我身邊有愛錫我既人, 好幸福呀!
4. 做好自己本份, 唔好唸咁多影響工作。
5. 日日都要開心過
多謝同我分享既畫友碧仙
大家多d鼓勵我, 我都要您地支持架!
今日只係要做半日COC, 於是就去左做GYM,最初玩GYM都係想用一D正常既方法減下肥，做下運動。
宜家就係想RELAX下，有時候做運動既時候都幾多野唸架!但個人又會清醒D唸通好多野。
大家不防抽下時間做下運動，話唔定會解開心做既不快架!
本來今日都好開心、好充實，但男朋友話陪唔到我去旅行，公司賠錢俾佢，唔俾佢放假，有無攪錯，對我黎講，簡真係情天辟歷。
好DOWN呀!仲喊左成晚。
唉!都話做人唔好貪小便宜，唸住坐順風車，點指俾人拉左去踢波。
不過，今次睇扮仔踢波，望見佢地真係大個左，回想過入黎教佢地中二，現在已經牛高馬大啦！
對呢班仔就特別有感情，好似阿媽咁睇住佢地大跟住佢地經歷左好多開心唔開心。
令我覺得呢幾年係好有意義架!無轉錯工!
今日本來想去東龍島, 但實在太哂同埋太多野做...
好想快d做完野去旅行，休息對我人生黎講實在太重要啦!
好想有驚喜，大家都咁忙，有d野耐左。你都無再做啦!
唔好唔做個少少啦!對我黎講已經好滿足!
