今日放學, 走進班房既時候，見到學生古靈精怪。芷晴大叫一聲「愛的鼓勵」，全班一起拍手，我真係感到好溫曖。一直苦心經營2E班，由強迫性既團結精神到自發性「愛的鼓勵」。眼看你地既成長，太感動了。
不斷的做..做..做！實在太辛苦，文件處理，會議，練習，究竟我係教書定係做公關。不竟，是你們2E令我感受到我存在的價值。我見到你地已經我唔洗我太操心，相反係你地關心我既操勞，有慰問有支持。
超級多謝!多謝你地唔洗再要我太操心、多謝你地唔會因MISS LAM 威迫參與活動而生氣、多謝你地尊重我是一位老師...太多的感激，你地都要加油，只要緊記..我所做的一切都以你們為出發點....因為我愛你們。
點解真係忙完呢樣又忙第二樣!真係所謂，禍不單行!
我真係成日問自己，做咁多，有人欣賞嘛，轉per無我份，升職無我份，加人工都無我份。
好灰!我天生勞碌命!
一句「鬼叫你窮呀!頂硬上!」
今日收消息，我好似又有得讀書。有開心，有擔心。好驚添呀!
點解咁多野做架!好慘呀!不過，我好贊同我阿妹既說話: 「我地都係鐘意係百忙中得到滿足感既人!」都係既，辛辛苦苦做好一樣野，你都未話唔高興。鬼叫自己係勞碌命咩!
其實能夠做好件事，幫到人，自己又有滿足感唔係幾好咩!
今日係父親大人既生日!祝生日快樂，身體健康!
大家有無同屋企人慶祝生日呀!你生日會點呢?有無多謝你媽咪、爹d呢?點解!唔係佢地，你邊有生日呀!把握可以同屋企人相處既時間啦!
今日又出去開會,實在太多野做。可以死,唔可以病。
最唔開心..無得睇我個班足球比賽,我本來都想落場架!但可惜出左去啦!
今日呂sir幫手做龍門，更多謝2E班出賽既同學呀!有卓夫,計風,卓灣,君政,仕傑,文華, 我知你地個個都好落力呀!我真係好欣賞你地, 咪就係盡力去做,我話你知!連對手都話你地唔錯,呢D就係Miss 想你地學習既, 明知機會微,唔緊要!最重要係盡力發揮，你地努力係人人都見到架!
你地要以呢種態度做事, 必有成大器既一日架!
